هل تعتبر الفتاة ذات23 سنة عانس عندكم ام لا.؟؟؟

ما شاء الله عليكم يا بنات ما قصرتو ;)

انا من شفت الموضوع قلت لازم ايي ارد بصراحه

الحين الناس الحمد الله متفتحين مو مثل قبل عانس و عانس

الحمد الله الناس صارو يعرفون كل شي و ان اول و اخر شي ان الزواج قسمه و نصيب

و ثاني شي بصراحه بصراحه انا مع الناس اللي ما يأيدون الزواج بسن صغير

لأن الفتاه ما تكون اكتملت عنها الجوانب النفسيه و العاطفيه

يعني كل يوم تلاقي لها مزاج و احساس و شعور غير

هذا في سن المراهقه اللي يمتد ليما ال 21

و بصراحه انا اشوف ان البنت في هالفتره تستغل وقتها و تستانس و الله

لأن هالوقت ما راح يرجع

و لما تتزوج راح تتمنى ان هالوقت اللي هي كانت حره و مدلله و مدلعه يرجع

لأن بعد الزواج راح تبدى المسؤليه و بعدها ايوون العيال يعني مشكله و الله

حتى لو ان زوجج يدلعج بعد انتي ما راح تحسين انج حره مثل قبل

صدقوني الحريه حلوه و ما راح تحسين فيها الا بعد ما تروح منج و اتييج المسؤليه ;)

حبيبتي عيشي حياتج و متعي روحج ببيت اهلج اللي يحبونج و يدلعونج

ولا تفكرين في الزواج وايد

متى ما صار النصيب راح ايي

تعوذي من ابليس و شيلي هالافكار من مخج ;)

و اللي فيه خير راح يصير

و تشاو يا حلوات و ما قصرتو بردتو قلبي بردودكم :clap:

أنا ما اعترف بتسمية العنوسه لو الحرمه صار عمرها 50 سنه
لان معروف الزواج قسمة ونصيب وكل شيء من عند الله
فاللي يقولون عانس وعانس متخلفين لأبعد الحدود حتى لو يملكون
شهادات الدنيا فهم جاهلين .. وكانهم يسخرون والعياذ بالله يسخرون
مما قدره الله لنا ...

حبيبتي لا تهتمين تى الزواج في اعتقادي ما ينتهي قطاره مثل ما يقولون بسن العشرين او الثلاثين هذا رزق من الله متى ما الله كتب صار

انا تزوجت وعمري 15 سنة الحمد لله ما خسرت اهلي عرفو يختارون لي

وبعد هذا نصيبي لكن اختي عمرها 22ونطالعها بعدها صغيرة ولما تكمل

دراستها ذيك السشاعة يهون

واعرف وحدة عمرها 32توها متزوجة لان الله تو كاتب لها .

لا يهمك كلام الناس وواجهي العالم بكل شجاعة وثقة بالنفس لان العمر

بعده قدامك والمشوار لسى بادي
:D :D :D

والله يرزقك بولد الحلال الطيب صاحب الدين والخلق والكرم

آدر ياركريم :D

اذا 23 عانس وش نقول علي 30عجوز

ياختي الله يهديك ويرزقك الزوج الصالح 00تري العمر مو مشكله بهاالايام المشكله في الناس اللي ماتخاف الله 00وتبين الصراحه بيجي يوم بيقول عن البنت اللي عمرها 15عانس .مايهمك كلام الناس ليهم يوم ...عيشي حياتك وكيدي عزالك والله المستعان علي مايصفون (وعسى ان تكرهوا شىء وهو خيرا لكم )

اخواتي

meme28

نور الهدى

الطبيبة الصغيرة

العروسة ترف**

~اصايل~

sambosa

ملاك الورد

ام السعدالحلوة

ام ربى

وكل الاخوات اللي سبق وردوا على الموضوع بصراحة لساني يعجز عن شكركن جميعا تاثرت كثيرا وانا اقرا الردود لدرجة ان كان بودي:cry: :cry:
اسال الله القدير ان يقدرني اخدمكم وفي القريب العاجل ان شاء الله

اختكم مـــــــــــــــــــاسا

اختى ماسا انا كنت مثلك بس ماكان عمرى 23 كان عمرى 26 وكل خواتى اللى اصغر منى متزوجات ..ومخلفات بعد .. بس انا ماجانى نصيبى اللى متأخر والحمدالله .. لما صبرت نلت رجال محترم ويحبنى
والحين عايشه مبسوطه حاليا مع زوجى


اصبرى يا اختى وخلى عنك الوساوس وعيشى حياتج

اختي ام عبوووود

شكرا جزيلا وانا راح اسمع كلامك ان شاء الله

ليييييييييييييييييييش هالهم بعدج صغنونه أمهد حق عمري:D


أتذكر عندا مدرسه لغة انجليزية عمرها أربعين سنة اتزوجت قبل سنتين من مدرس عربي:D يعني النصيييب بيي بيي مهما طال الامر

يارب يرزقها بابن الحلال الي يحبها وتحبه ويكونون سعداااء ويخلفو صبيان وبنااات يارب وعقبالنا

;)

عيشي حياااااااتك لسه بدري عليكي :D

اخواتي يويو ,حبيبه

مشكورين عيوني وما قصرتوا

اختي انا اصغر منك عمري 20 ومثلك شايله الهم :(

بس بعد كلام البنات الله يوفقهم يبردون القلب :D

بنات كل اللي قدي في العيله تجوزا وخلفوا او اقلها مخطوبين وبيتجوزون واغلبهم اصغر مني .. وانا الكل يقول لي عقبالك ... بس متى !

تصدقون سرت اكره كلمة عقبالك احس انها شفقه او سخريه

ترى انا موناقصني شيء الحمدلله تصدقون اني احلاهم كلهم (كلام الناس)

واخواتي في البيت انا اكبرهم كل ماتهاوشنا يقولون لي متى تجوزين ونفتك منك (كأني معنسه عندهم)

بنات مثل ان موكل متزوجه مرتاحه في بيت زوجها .. برضو موكل بنت في بيت اهلها مرتاحه :(

الله يفرجها علينا كلنا :) سواء متزوجات والا بنات قولوا امين

سوري طولت عليكم ... بس كنت ابي افضفضلكم اذا تسمحون :o

هلا اختي
بالعكس والله الزواج مسؤليه وانتي توج صغيره انا اصغر منج بسنه امس بس صار عمري 22سنة، الانسان لازم يختار بتأني وتفكير بالزواج لانه مو مسئله سهلة وصحيح مو كل المتزوجات سعيدات.
واكيد كل البنات يتمنون انهم يتزوجون ويلقون فارس احلامهم،بس مو لازم نستعجل بهالفكرة ونختار الزوج الصالح الي يقدر يسعدنا و
الله يوفق الجميع انشالله ويرزق كل البنات الي ماتزوجوا بازواج صالحين .





قولوا اميييييييييييييييييييييييييييييييييين

اخواتي كافور ودلوعة البحرين

شكرا لردودكم

انا اعتقد عندنا في الامارات اذا البنت وصلت 20 وماتزوجت مصيبه عاااانس بس شو بيسوون البنات والله ان اهلهم المشكله يطلعون مئه عله في المعرس وهن مسكينات الله يعينهم

والله بصراحه احسن لك افرحي في حياتك


وبعدين بكون وقتك للبيت والاطفال

وماعنك وقت حتى لنفسك




واذا كان على الناس


رضا الناس غايه لاتدرك


اذا عرست قبل 20 اقوولون حرام توها اصغبره


واذا تم قالو محد يبيه


لكنلازم اتكونين مقتنعه بنصيبك

[CELL=filter:;][ALIGN=center]السلام عليكم

اختى ....ماسا

مشكلتج انج تسمعين كلام الناس

بالى مايحفظهم ....لا مسحورة ولاشيء

يمكن ليش لا يمكن محسوده بعد يمكن ليش لا

اختي طنشي وخليج واثقه من نفسك واذا بتسمعين

كلام الناس بتضيعين انا عمرى الان 22 واعتبر انسه ولست

عانس ,يمكن خيره من رب العالمين ياما ناس تطلقت وجتهم

عقدة احمدى ربك والى الله كاتبه بيكتبه ان شالله

نهايه لااااااااااااااااااااااااااااااا تسمعين كلام الناس الي

مايودى ولا يجيب الا العقدة


مع ارق تحيه[/CELL]

والله احنا عندنا منطقة الرياض

من عمرها 21 سنة إلى 27 سنة سن الزواج اما اقل من 20 تعتبر صغيرة مررة

وعندنا كمان عمرهم 30 ويتزوجون عادي

انا تزوجت وعمري 25 واعتبر في السن المناسب

اخواتي
فروحة الحلوة
دلوووعة
بنت ابيها
اعناب

شكرا جزيلا لكلامكم الحلو
واللي رفع معنوياتي اكثر

مرة ثانية شكرا

عجل اقول ايش انا عن نفسي وعمري :s2 اذا انت عانس انا ايش عجل :confused::confused::confused: