b
banota_katkota
عروس جديدة
13-09-2010 | 11:03 PM
بسم الله الرحمن الرحيم
انا اول مره اشترك واكتب موضوع فى منتدى عروس وعندى امل انكم تساعدونى ان شاء الله
كل سنه وانتم طيبين بمناسبه عيد الفطر
المشكله بقي عشان ماارغييش كتير
انا مخطوبه لو احد بحبه قوى
وانا والدى متوفى
فاللى بيحكم فى الامور والدتى وعمى وخالى
المهم انا عيد ميلادى الشهر الجاى وخطيبي عايز يعمل كتب الكتاب فى نفس اليوم ولسه فاضل على الفرح لو ربنا اراد ان شاء الله حوالى 6 او 7 شهور
المهم انا موافقه ومعنديش مانع بصراحه نفسي فى كده عشان لما بمشي معاه فى الشارع ماسكين ايد بعض بحس انى حرام عليا فنفسي يكون جوزى عشان نفسيا ارتاح
طيب فين المشكله
المشكله ياحبايبى انه قالى مش حكتب قايمه دلوقتى (انا مصريه على فكره مش عارفه انتوا عندكم قايمه برضه ولا لا )
حكتب قايمه على الفرح وماما رافضه المبدأ ده لان كتب الكتاب لازم يكون معاه القايمه
وانا مش عارفه اعمل ايه عايزه اقنعهم ومحتاره
هو يقولى يعنى انتى مخونانى ومينفعش نكتب قايمه على بياض
وماما بتقولى انتوا بتتخانقوا علطول اعمل ايه انا ان شاء الله
هو ناوى يكتب قايمه بس عايز يكتبها على الفرح
وماما واهلى استحاله يوافقوا وفي حاجه كده اسمها شيك ممكن يكتبه يعنى يحطوا فيه مبلغ معين وطبعا انا رافضه الموضوع ده جدا لانى مرضهالوش ولا هو عمره حيرضاها
ارحوكم ادونى حلول للناحيتين امى وخطيبي وخصوصا امى لان خطيبي دماغه قفلت على كده وانا اتخنقت معاه وقلتله يبقي نأجل كتب الكتاب بس انا مش عايزه ااجله بينى وبين نفسي
ساعدونى ازاى اقنع امى بتأجيل كتابه القايمه ونخليها للفرح
@
@ green apple @
مشرفة سابقة
13-09-2010 | 11:06 PM
والله يا حبيبتى مش عارفة اقولك اية
انا اتكتبت كتابى ومش اتكتبلى قايمة الا فى الدخلة يعنى يعدها بسنة
والصراحة بابا مش اتكلم خالص فى موضوع القايمة دا الا قبل الفرح يعنى بعدها بسنة
اهم حاجة طلعى نفسك من المواضيع دى
لانك مفيش فى ايدك اى حاجة تعمليها ,,, هما اللى بايدهم كل حاجة ,, اهلك وخطيبك ,,,
ولو انتو مش جيبتو اى حاجة من العفش ,,, يبقى فعلا مش هينفع تكتبو قايمة لانها هتتكتب على اى اساس ؟؟؟؟
او ممكن تتكتب قايمة صغيرة صورية كدا لحد ميعاد الزفاف ولما تيجو تكتبو القايمة الحقيقة ياخد التانية يقطعها او يخليها معاة ,,,
طبعا دى اقتراحات ,,, وياريت انتى مش تتكلمى فى اى حاجة من الحاجات دى معاة ,,, سيبية منك لاهلك ,,, وفى نفس الوقت حاسسية انة مش بايدك وانك معاة ومش موافقة على اللى هما بيعملوة ,,, لكن مش بايدك اى حاجة
علشان مش يحس انك مش بتخافى علية ,,,
وربنا يهديلك الحال ويصلحلك شانك
b
banota_katkota
عروس جديدة
13-09-2010 | 11:13 PM
انا متشكره قوى ياجرين ابل ربنا يخليكى يارب
فكره بتاعت القايمه الصوريه حجربها وحعمل زي ماقولتى
يارب الاقى حلول كمان
عزيزتي اعذريني بس ايش يعني قايمة ماني فاهمه
u
umjana79
عروس ركن قضايا و حلول
13-09-2010 | 11:20 PM
اختي معلش مش عاررفه يعني ايش قايمه ؟
b
banota_katkota
عروس جديدة
13-09-2010 | 11:28 PM
القايمه ياحبيباتى
هيا ورقه بيكتب فيها كل اللى العروسه اشترته والعفش اللى العريس بيجيبه والشبكه بتاعتها وكل حاجه بتتكتب بالاسعار
وبتتجمع فى الاخر لغايه ماتوصل لمبلغ مالى معين مثلا 100 الف جنيه وبيمضي عليهم
وده عند الانفصال لقدر الله بيطالب العريس برد كل اللى مكتوب فى القايمه للعروسه
كنوع من ضمان الحق للزوجه وبتبقي مهمه فى بيوت مصريه كتير ومش بيرضوا يستغنوا عنها
لكن فى ناس مش بتكبها
شنو معنى قايمه ؟ ^o)
او مره اسمع فيها :rolleyes:
اه فهمت
بس انت لسه ما جهزتي شي فكيف راح تكتبوا القايمة ماتنفع دام انكم ما اشتريتوا شي يعني خطيبك معاه حق
خلوا كتابة القايمة لبعدين بعد ماتخلصوا من التجهيز ومومشكلة دام انكم واثقين من خطيبك
والافضل في هالمواضيع الاهل هم اللي يتفاهموا مع بعض وانت وخطيبك خليكم برا الموضوع واذا لا بد من التدخل فالافضل تجيبوا شخص كبير وفاهم وحكيم واذا مافي احد من اهلك او اهله فشوفوا احد من المشايخ او امام المسجد
والله يقدم اللي فيه الخير
o
om eyad&jana&jory
عروس فضية
13-09-2010 | 11:47 PM
حبيبتى لازم خطيبك يسبت حسن نيته لاهلك ولازم يكتب قايمه
نصيحة اكتبي القائمة قبل كتب الكتاب
بصي يا حبيبتي دايما موضوع القايمة ده بيعمل مشاكل بين اهل العروسين
اهلك بصراحة عندهم حق , لسه بدري اوي على كتب الكتاب ولازم القايمة تتكتب قبلها عشان دي حقك
انا عارفة انك نفسك يتكتب كتابك وتفرحي بس والله اهلك هما الصح محدش عارف بكرة هيحصل ايه
مهما حصل اوعي تخالفي اهلك او تضغطي عليهم , هما ادرى بالموضوع ده وادرى بمصلحتك
انا كتبت كتابي قبل الفرح ب 3 شهور وكتبت القايمة قبلها بيوم. جوزي كان معترض وقال نفس الكلام اللي قاله خطيبك بس انا اقنعته انه اهم عندي من الورقة دي بس انا لازم ارضي اهلي واللي ملوش خير في اهله ملوش خير في حد
هو لو عنده اخت هيعملها اكتر من كده عشان يضمن حقها وسعادتها, اوعي تتنازلي عن حقك, بس اتكلمي معاه بهدوء وعقل
الله يوفقك يا قمر ويتم زواجك على خير...
طبعا القايمه فى هذا الاوان الاهل بيتمسكوا بها علشان على حد قولهم هى امان البنت من أى شئ
طبعا معاهم حق لكن مثل ما قالوا أنتى خليكى جنبه وحسسيه بالأمان علشان يشعر بالإطمئنان وإشرحى له ان ده من خوفهم عليك وأيضا امان لك على إعتبار أنهم فى مقام والدك ويريدوا المحافظه على هذه الأمانه التى تركها والدك
وإن شاء الله ربنا ييسر لك أمر زواجك
ياحبيبتي توكلي على الله وتزوجي بلا قائمه بلا هم دوم انكم واثقين من بعض ولا تصعبي الامور حتى تصعب عليك
( يسروا ولا تعسروا بشروا ولا تنفروا ) توكلي على الله وتزوجي دوم انه حلال وعلى سنة الله ورسوله وافرحي بنفسك والله يا ما بنات تتمنى الزواج والامور الغيبيه مثل الطلاق لا سمع الله ان شاء الله ما يحصل توكلي على الله ولا تكوني تفكري بحاجه في علم الغيب الله يتمم لك على خير ونسمع بك احلى عروس
اللهـ يسهل امورج يا رب ^^
بصي ياقلبي الاتنين معاهم حق ماما بتتكلم في الاصول والعرف السائد وخطيبك ليه حق ميكتبش على بياض انا عن نفسي مثلا هقولك اني كتبت القايمة بعد جوازي بشهرين تلاته مع العلم ان كتب كتابي كان قبل فرحي بسنة ونص تقريبا ومكتبتش حاجه على جوزي ولا حتى مؤخر فهي مذاهب انا شايفه انك انتي الي تضحي وتتنازلي عن كتب الكتاب لو كل واحد ماسك على رائية عشان محدش يشيل من حد
.
.. أمــ عــلــيــ ..
عروس ماسية
14-09-2010 | 03:06 AM
بصراحه ما فهمت بالضبط معنى قايمة .. !!
لكن .. ان شاءالله ربي يسهل أمورك .. ويعجل لك اللي فيه الخير ..
:)
الله يجمع بينكم على خير
وان شاءالله تنحل مشكلتكم
خلي الموضوع بينه وبين اهلك