اسباب الاجهاض

انا نفسش حملت قبل مرتين واجهضت في المرتين

وبالمرتين كان ينزل عليي دم من اول مايجي موعد الدورة الثانية يعني من اول ماا اعرف اني حامل


شهرين وشي واطرح


عقب اجهاضي الثاني رحت سويت كل التحاليل لي ولزوجي حتى اعرف شنو الاسباب قبل لا احمل المرة الثالثة ويصير شي بعد لا سمح الله


سويت كل التحاليل وانتظرت شهور وطلع لينا سالفة في التحاليل ورد عدناها عقب طلعت النتايج كلها سليمة الحمدلله

وفي حملي هذا بعد نزل عليي دم طووول الشهر الثاااااني وقلت شكلي بطرح للمرة الثالثة بس ربي حفظ ليي جنيني الحمدلله و ان شاء الله ربي يتمم ليي على خييير ياااااااارب


فنصيحتي حقش اختي قبل لا تحملين للمرة الثالثة لازم تسويين تحاليل حق وحق زوجش

وفهمي زوجش ان لازم تتأكدون من كل شي الشي مو بهالسهولة

كفاية التعب النفسي والجسمي من بعد الطراح

خصوصا لين سويتين تنظيف

انا سويت تنظيف في المرتين وحدي تغربلت من ظهري

بين حملي الاول والثاني انتظرت 3 اشهر وعقب بين حملي الثاني والثالث - الحالي- انتظرت تقريبا 9 أشهر بس طبعا الفترة كلها ماكانت بيدي بس مثل ماقلت لش تأخرنا بسببب التحاليل وجدي


وان شاء الله ربي يعوضش ويعوضني ويعوض كل وحدة فقدت حملها يارب ياكريم

سلام خواتي
الله يرزق اللي ما عندها انشاء الله
والله يثبت للي رزقها يارب
اني اول حمل ليي طرحت في الشهر الاول ونصحتني الدكتورة
اني ما احاول احمل الا بعد 6 شهور من الطرح عشان الرحم يرجع لوضعه الطبيعي
ويكون متهيئ لحمل جديد ومايكون فيه مضاعفات على الام والجنين
وحاولي خيو تروحين تسوين فحوصات وتحاليل انتين و زوجش
انشاء الله اكون افدتش وبالتوفيق جميعا

ما عندي اي فكرة بس مثل ما قالو روحي سوي تحاليل مني خسرانه شي

مثل ما قالوا لج البنات سوي تحاليل أحســن
يمكن لا سمح الله انتي عندج مشكلــة أو زوجج عنده مشكله فلازم اثنينكم تسون فحوصــات عشان تتلافون الطرح مره ثالثة الله لا يقولــه
وعن الحمل مره ثانيــة انتظري ترى كلش مو زين حمل ورى بعض
لأن الطرح بروحــه يتعب
على قولتهم الطرح أخس من الولادة
وفعلاً ,, ترى الطرح كلش يتعب الظهر
اني لما طرحت قالت لي الدكتوره انتظري 4 أو 6 شهور بعدين فكري في الحمل مره ثانيـة

ان شــاء الله ما عليكم إلا العافيــة
والله يعوضكم خير ويرزقكم بالذرية الطيبـة

انا سويت تحاليل واخدو مني عينه بعد المره الاولى من الطرح وكانت النتايج سليمه
وانتظرت 3 شهور باأمر من الدكتوره وحملت مره ثانيه لكن طرحت مادري شنو السبب
وبعد المره الثانيه الدكتوره ماعطتني مواعيد للمراجعه ولا حتى سووو لي تنظيف بالمره الثانيه
والحين زوجي مو راضي يقتنع اني أاخر الحمل للمره الثالثه .

ومشكورين على ردودكم .

الله اييسر لج ياااااارب ويرزقج بالذرية الصالحة

الله يعوووضش ويعوض كل وحدة فقدت جنينها

الله يعوضك
وان شاء الله المرة الثالثه يثبت