حالتي المادية حرجة جداً واريد ان اطور روحي واعمل مشروع على قدي

سلام عليكم

انا حالتي المادية صعبة شوي
وافكر اني اسوي مشروع ما يخسرني كثير

يعني انا عندي موهبة المكياج شاطرة كلش بالمكياج وزينة بالحفافة وحاولت اسوي مشروع مكياج وحفافة بس
ابد ما احد يجيلي لان محد يعرفني رغم ان اسعاري كلش مناسبة واقل من الصالونات بكثير

الحين قلت خل اجرب مشروع جديد وهو اني اشتري بضاعة من الانترنت يكون ما موجود مثلها بالمنطقة الي انا عايشة فيها وابيعها على الناس
بس انا ما اعرف للشراء من الانترنت واخاف بصراحة لاني سمعت ان اكو ناس يغشون ويسرقون وما يدزون البضاعة الي اوصي عليها

يعني مشتهيه اشتري مكياج من الانترنت يكون نوع زين وهم مو غالي كلش لان مثل ما ذكرت انا حالتي صعبة شوي
وهم مشتهية اشتري شغلات خياطة لان عندي معارف يخيطون بس يحتاجون اكسسوارات خياطة للعبايات مثلا فقلت ممكن تكون فكرة مربحة



الحين اطلب منكم تقترحون علي افكار ممكن تخليني استفاد ويدخل لي مكسب
وهم اطلب منكم تساعدوني بموضوع الشراء من الانترنت لاني ما مجربة من قبل وهم ما احب استخدم فيزا كارد بس ممكن الديبت ماستر كارد يكون احسن لو لا

واقترحوا علي مواقع اقدر اشتري منها وتكون ثقة
وهم اذا اكو شغلات مثل شغلات للشعر او غراض حريم وبنات هم لا تبخلون علي باقتراحاتكم



سلام