.. حاسة روحي صغيرة عالزواج والاولاد !! ..

ههههههه كأنج تتكلمين عني.. و على فكرة انا اصغر منج بسنة و شوي و تزوجت من 6 شهور ..
حبيبتي انا كنت اصغر بنت و المدلعة و كل شي اهلي يسوونه لي حياتي كانت بس اسواق و طلعات و لعب سوني و شوفة انمي يعني يااااااااااهل بمعنى الكلمة لا مسؤولية و لا يحزنوووووون :p.. تزوجت و عمري 20 سنة و لا حسيت اني صغيرة و لا شي.. بالعكس هاي أحسن سن للزواج بنظري. بكرة و انتي فالثلاثينات يازينج و عيالج كبار شايلين نفسهم بنفسهم وااايد اريح و أصح لج.
ترا بتحسين بالمسؤولية بس والله مسؤولية حلوة.. بعد الزواج كنت اقول حق امي اني احس فجأة صرت كبيرة و مسؤولة و هاي الشي عطاني ثقة بنفسي. و بعدين فديتج، لين متى بتنطرين؟ عقب سنتين.. ثلاث... أو حتى أكثر؟ أقول لج شي؟ ترا هالكمن سنة ماراح تفرق و لا راح تغير شي. الزواج سنة الحياة و الله ارزقج نصيبج و عسى يتمم لكم ربي على خير و استانسي ثم استانسي ثم استانسي و لا تقعدين تحاتين :)

ترى عادي اغلب البنات ما كانوا يسون شيء في بيت اهلهم بس بعد الزواج يصيرون ربات بيوت ممتازات الله ايوفقش ويسعدش بحياتش ولا تحاتيتن ولا شيء عادي ترى هذي سنة الحياة

ما اقوووووووووول لك الف مبررروك كل هاذا تخيلات لان زواجك قريب انا كذا بس قالولي البنات وقت مايقرب زواجها توسوس البنت كثيررر ما عليك ههههه

عادي حبوبة

احساس طبيعي بيزول مع الوقت

اني تزوجت وعمري 23

زواج مباشرة يعني حتى فترة خطوبة ماعشت ليلة حنه ليلة ثاني عقد والليلة الثالثة زواج

وماكان فيه اي معرفة سابقة بزوجي

وماكنت ولا زلت مااعرف اطبخ

رغم اني ام لطفلين

وطرحت مرة يعني المفروض عندي 3 عيااال

وزوجي متفهم اني مااعرف اطبخ عادي يعني

نمشي الموضوع

تكبري مع زوجك واطفالك احلى بوااااجد من انش تتزوجين عودة من اساس

لا تخافي بكرة تفرحي وتنسي الكلام دا
اناعمري 20تزوجت قبل 4 سنين
وكنت صغيرةجدا 16 سنة
وعندي بنوتة الان
والحمد لله كلشي عادي

انا كمان متزوجه ومرات احس نفسي طفله في بعض التصرفات
بس مو مشكله مع الوقت تكبرين
ماكنت اطبخ عند اهلي ولما تزوجت طبخت وكان كلهم يتستغربون وحده ماتعرف تطبخ ويطلع اكلها يجنن بشاهده الجميع
كان زوجي في البدايه يدخل معي المطبخ ويساعدني وشوي شوي صرت طباخه في شهر بس صرت محترفه ههههه
اخوي يقولي افتحي محل تتاجرين فيه اخخخخ حتى زوجي كمان
يعني لا تشيلي هم شي
وانا الحين حامل ولما اطالع في المرايه اشوف شكلي صغنونه بالملامح وكمان اشوف اني لساتي صغيره على المسؤليه
بس دايم اقول انا قدهااااا

يحليلج ربي يوفقج ويرزقج باولاد صالحين

والله نفس الشعووور وللحين مستمر انا عمري عشرين وزوجي ملج علي وانا عمري 17
كنت احس اني وايد صغيره عالزواج والمسؤليه وانا توني بالثانويه

ووتعودت بالحياه الزوجيه مع ان للحين الله ما رزقني اطفال ( يارب انك ترزقني)

بس احس انها وايد سهله

الطبخ كنت مييييييييييح ما اعرف شي
بس الحين الحمدلله تعلمت بفضل الله ثم بفضل امي واخواتي

بس الحين احس اني للحين طفله تصرفاتي طفوليه وصبيانيه بمعنى اخرررر

اعتقد هالشي في طبع الواحد ويمكن يتغير مع الايام

ومبروووووووووووووك عالزواج يا الغلا

بكل صراحه

اذا انتي مو قد الزواج و مسؤولياته .. ليش بتتزوجين ؟؟؟

النضج بالعقل مو بالعمر .. في بنات كبرج يتحملون المسؤوليه
بس انتي مثل ما ذكرتي تفكيرج و تصرفاتج تصرفات اطفال

و الزواج مو لعبه .. الزواج حياة ثاااااااانيه .. و مسؤوليه وتحتاج صبر و نضج
عقلي و عاطفي

السالفه مو سالفة طبخ و شغل بيت .. الزواج اكبر من هالامور ..

لا تستعجلين بهالقرار .. لانه اهم قرار بحياتج ..ولا يهمج كلام الناس
هذي حيااتج والقرار لج .. عشان لا تتندمين بعدين

لازم تطورين من نفسج و من شخصيتج تحتكين بالناس
اللي اكبر منج .. تتعلمين منهم .. و تستفيدين من خبراتهم

لازم يكون لج شخصيتج المستقله الواثقه من نفسها ..
ما تتأثرين بأي كلمه ..و بأي احد ..

و سالفة الطبخ و شغل البيت ترى مالها ذيك الاهميه اللي تتصورينها .. وايد زوجات وامهات ناجحات ما يعرفون شي بشغل البيت ..بس لو تتعلمينها احسن طبعا (:

بيانسيهq8;13104420:
بكل صراحه

اذا انتي مو قد الزواج و مسؤولياته .. ليش بتتزوجين ؟؟؟

النضج بالعقل مو بالعمر .. في بنات كبرج يتحملون المسؤوليه
بس انتي مثل ما ذكرتي تفكيرج و تصرفاتج تصرفات اطفال

و الزواج مو لعبه .. الزواج حياة ثاااااااانيه .. و مسؤوليه وتحتاج صبر و نضج
عقلي و عاطفي

السالفه مو سالفة طبخ و شغل بيت .. الزواج اكبر من هالامور ..

لا تستعجلين بهالقرار .. لانه اهم قرار بحياتج ..ولا يهمج كلام الناس
هذي حيااتج والقرار لج .. عشان لا تتندمين بعدين

لازم تطورين من نفسج و من شخصيتج تحتكين بالناس
اللي اكبر منج .. تتعلمين منهم .. و تستفيدين من خبراتهم

لازم يكون لج شخصيتج المستقله الواثقه من نفسها ..
ما تتأثرين بأي كلمه ..و بأي احد ..

و سالفة الطبخ و شغل البيت ترى مالها ذيك الاهميه اللي تتصورينها .. وايد زوجات وامهات ناجحات ما يعرفون شي بشغل البيت ..بس لو تتعلمينها احسن طبعا (:

انا قلت في موضوعي إني أبي انضج اكثر ..
بس شلوون ؟ قولي لي شلون اكون اكثر نضج ؟ شلون انظر للأمور بنظرة أكثر جدية ؟؟

+ ترى اني اقدمت على موضوع الزواج لان صارلي سنة ونص مخطوبة وما احس لو طولت اكثر جم شهر بيتغير شي يعني ! شنو بيصير ؟؟ وبعدين اني وخطيبي متفقين عالزواج لان نبي نستقر .. ووايد اسباب تخصنا .. فهذا مو سبب يخليني اوقف زواجي لان ما احس بيكون فيه تغيير يعني بهالجم شهر او حتى سنة جدام !!

اولا الف الف مبروك
نفس شعورك بالضبط
امتلكت وانا بنت 16 سنه وكنت احس نفسي صغيرة على المسؤلية العيال والبيت
صارلي 3 سنوات متزوجه مع الايام بديت احس بالمسؤلية ابعدي عنك الافكار السلبية
قولي اللي كتبه الله بيصير
ولا تسوين مثلي جلست ادعوا انه ما ريد عيال لاني احس نفسي صغيرة
والحين جالسه من مستشفى لمستشفى اتمنى احمل
ارضي بكل اللي يكتبه لك ربك وقولي الحمد لله على كل حال
الله يوفقك ويسعدك حبيبتي

شجن الشجون;13104658:
اولا الف الف مبروك
نفس شعورك بالضبط
امتلكت وانا بنت 16 سنه وكنت احس نفسي صغيرة على المسؤلية العيال والبيت
صارلي 3 سنوات متزوجه مع الايام بديت احس بالمسؤلية ابعدي عنك الافكار السلبية
قولي اللي كتبه الله بيصير
ولا تسوين مثلي جلست ادعوا انه ما ريد عيال لاني احس نفسي صغيرة
والحين جالسه من مستشفى لمستشفى اتمنى احمل
ارضي بكل اللي يكتبه لك ربك وقولي الحمد لله على كل حال
الله يوفقك ويسعدك حبيبتي

تصدقين انا هذا اللي خايفة منه ؟؟
اقول والله خايفة الله يغضب عليي من كلامي ويخليني ما احمل ابد !!
لا الله يقوله .. والله يرزقج يا حبيبتي بالذرية الصالحة اللي تفرحج وتملي عليج البيت انتين وزوجش يارب ;)

بحرينيـة 88;13104555:
انا قلت في موضوعي إني أبي انضج اكثر ..
بس شلوون ؟ قولي لي شلون اكون اكثر نضج ؟ شلون انظر للأمور بنظرة أكثر جدية ؟؟

+ ترى اني اقدمت على موضوع الزواج لان صارلي سنة ونص مخطوبة وما احس لو طولت اكثر جم شهر بيتغير شي يعني ! شنو بيصير ؟؟ وبعدين اني وخطيبي متفقين عالزواج لان نبي نستقر .. ووايد اسباب تخصنا .. فهذا مو سبب يخليني اوقف زواجي لان ما احس بيكون فيه تغيير يعني بهالجم شهر او حتى سنة جدام !!

عفوا حبيبتي .. بس عيل ليش منزله هالموضوع ؟
مادام ان (عدم النضج) بالنسبه لج مو سبب ولا مشكله بزواجج ؟

بيانسيهq8;13104702:
عفوا حبيبتي .. بس عيل ليش منزله هالموضوع ؟
مادام ان (عدم النضج) بالنسبه لج مو سبب ولا مشكله بزواجج ؟

قلت لج اختي ان اني مو حاسة ان لو أجلت الزواج لفترة جم شهر او حتى سنة بيتغير شي .. احنا نبي نتزوج ولنا اسبابنا واللي كل بنت عارفتها يعني الوضع الطبيعي للخطوبة ان عقبها زواج واحنا طولنا يعني سنة ونص وحاسين ان هذا الوقت المناسب للزواج ،وبعدين اني ما قلت إني مو ناضجة تماما ( ولا اسمح لاحد ان يقول هالكلام عني ) بس احتاج انضج اكثر لاني بكون مسؤوولة الحين بعد ماكانوا اهلي مسؤلين عني ..
وكبت هالموضوع عشان البنات يفيدوني شلون ممكن اكون اكثر نضج ! عشان نصايحهم مو عشان يقولون لي أجلي الزواج لحد ما تنضجين !!!!

الله يتمم لك على خير

ويسخركم حق بعض يارب

والنضج يجي بعد الزواج لان البنت تنتقل من مرحله لمرحله

سبحان الله انا كنت مثلك احس اني بكون فاشله والحمدلله الكل يثني علي وبشهاده الجميع

حتى كنت قبل الزواج اناااااااام كثير بعد الزواج صار نومي خفيف هههههه

حبيبتي لاتكبرين الامور كل بنت منا تدلع وتعمل حركات طفوليه لكن عند الزواج كلشي يتغير اكيد واتكون اكثر تفهم للامور وتبني لها شخصيتهه مع الزواج واتكون اكثر نضج والنضج ياخيتو يجي مع الزمن مولازم وحده تنتضر نفسها تنضج واتمنى اكون افدتك وربنا ايوفقك في حياتك مع زوجك وايتمم زواجك بكل خير وعافيه

اولا مبروك ع الزواج
مقدما
خخ احسج مثلي
كنت دلوعه وماسوي شي ابدا
انخطبت وعمري 18
وتزوجت وعمري 20
حسيت اني ماعرف اسوي شي
بس عادي صدقيني
تتغيرين بعدين
خصوصا الامومه يعني تغير عدل
اول شي حسيت روحي ماقدر على المسؤليه و بيبي بييي تعب وبعدين
كنت مابي احمل وكنت مأجله الموضوع بس زوجي كان يبي و حملت
بس حملت شهر و طااح البيبي ماتدرين شسويت في روحي عليه ذبحت روحي =( عورني قلبييي
حسيت بشي فضيع
وحسيت روحي كبرت و تغيرت من هالتجربه
والحمدلله حملت مرة ثانيه وولدت وولدي الحين عمره 4 شهور
وتغيرت عدل
يعني ان شاء الله الله يرزقج بالذريه الصالحة وبتتغيرين مع الوقت صدقيني
ولا تقولين ماتبين
ترا ناس وايد اعرفهم كلا يقولون مايبوون بعدين
من مستشفى لمستشفى يتعالجون

استملك ف نفس اليوم الي اكمل فيه ال 22...وزفافي بعد 3 شهور كان... وكل شي عادي وحسيت بشعورك صح لاكن الحين الحمدلله عندي بيتي وزوجي...
حد من اهلي متزوج وحده تحسيها طفلة طفلة بمعنى الكلمة مع انها بنفس سني ... يعني العقل مش بالسن يمكن عمرك 20 وعقلك يوزن بلد لاتخلي الوسواس يسيطر عليكي عيشي فرحة العمر ... وانتي خلاص عرسك قريب

انا متلك و الله و اخر العنئود بس انا لسا عمري صغير عالزواج
انا بعرف وحدة كان هيك بس لما تتزوجي مسؤليتك رح تكبر و شوي شوي رح تحسي حالك نضجتي اكتر و رح تقدري تتحملي مسؤلية الاطفال
الحياة يلي بتعلمك و بتوعيكي
و الله يهنيكي اختي