عروسة ليبيا;13115684:روز
والله حبوبه حرام عليك لان فعلا ف موضات وف حاجات تنزل ومزال العرس مش توا
والحفله بروحها تبي مصاريف وتبيلك كوافير وبدي كير ومني كير ومرات تبي اديري كلر لشعرك وتبي منتجات عنايه وكريمات وووووووالعرس يبدا يشفط شفط يبي ميزانيه مهما كان عندك فلوس وبابا مش بيقصر راح تندمي علا كل فلس صرفتي ف حاجه زايده
لان ف هلبا حاجات تاني راح تنقص وتبدا الايام التوتاي قبل العرس بشهرين زي شفاطه كل شي يبي فلوس
وبعدين يضغط عليك الوقت ويبدو حاجات انك مركزه علا حاجه واحد وعندك منها فوق لازم وباقي الحاجات كلها فيها نواقص
اني من زمان نصحتك استغلي فرصت السيلز والعروض والتخفيظات اشري وبتتي لان عندكم غادي ماركات حلوة وحاجات قنينه وفرص ف راس السنه وف عيد الحب وف مناسبتهم يديرو ف عروض حلوة
وحتا حاجات الحوش متلا كاتروات لدار نوم تشري اكسسوار لي دارك تشري لحافين حلوين يرغانات قصدي واحد عرايسي كريم او سكري او ابيض او وردي هادي علا ذوقك ف عندكم حاجات تهبل
في عندكم المفارش بتاع الطاوله واكسورات المطبخ يهبلو يعني خوذيلك الحاجات المميزه الي مفي ف ليبيا لان العروسات ف تربولي توا كلهم يرفعو ف حويجات لحوشهم ماتنسي انها مملكتك لازم تحطي فيها لمستك
متلا توا فوتي القفطاين وحاولي تاخذي الحاجات الي مافيهش موضه
زي حوايج النوم والحوش
خوذيلك اندر وير طواقم حلوات ستيان وكولتاتهم وركبي معاهم نفس لون قطنيات كا غيارات
خوذيلك ارواب نوم طول نواعم لي اول ايام خوذي بتاع دخله خوذي بيبي دول ولانجري
في عندكم ماركات قنينه تهبل تبيع ف بجامات جو هالو كيتي و حاجات قطنيه كيوت للحوش خوذيله منهم متلا جو منوع
يعني نوعي كم بيجامه بنطلون وكم بيجامه شرت علا كم قفطان كيوت قصير بيتي
ركبي ليهم سابو او سباط حوش وسباط حمام وسباط هكي ناعم تلبسي علا الاوراب زي بتاعات لاسنزا
العطور حتا هما تقدري تاخذيهم وتخبيهم مدامه ما ينفتحش مش راح يفسد حتا هما خوذي شنطه او بوكس كل ماتحصل تنزيلات ولا عروض علا عطور جديده اشري
تبيلك عبايه حلوة وكاب عرايسي قنين وتبيلك ذهب اطعليه معاك من اهلك وتبيك هلبا حبوبتي
عشان هكي فكري فالحاجات هادي وف لقطات تبي اديريها ف حفلتك وفري ومدامك مش ماسكه روحك مش شري
يلا كسدي علا لبس الحوش والنوم والدلع وابدي بيه وشطبيه كله ف شنطه وبعدها خشي عالعطور وشطبيها
وبعدها علا اكسسورات حوشك الخفاف الي تبي ترفعيهم وشطبيهم
ووهكذ ما جاك الصيف الا يبدالك لبسك انتي واستعدادات الحفل و واللبس ينزل ومش كامل من سوق ومتوفر مقاسك
ماتشري حاجه من توا تلاقي منها 60 كبي ف ليبيا
لان ناس تشوف من بعيد مكرر مش راح يقولو هظا من مصمم وهادا تقليد
ربي يوفقك ويهنيكي
اي صح
خلاص شركتها بطاقتي
اصلا صارفة هلبا وقاعدة مابديتش في الاشياء اللي تبي فلوس يعني غالية زي المكياج والعطور ونبي شناطي وكله هدا ماعندي
توا بنبدا في لبس النوم ههه بس مش توا يعني
توا خلاصصص معاش نبي نشري :( :( :(
بنشد روحي كم شهر لي شهر 12 يبدا التخفيض اندير شوبنق
توا خلاص الحجات اللي شريتها اذا مثلا شريت قونة وماعندها توب نشري يعني اللي ناقصني حتي تكمل لبسة كاملة
و بنشري لبس النوم بنبدا فيه :( :(
