لمة الليبيات لشهر شوال

حلو جو بطاقات التعريف هادم ههههههههه

انى مواليد 84 وراجلى 74

متزوجة من حوالى اربعة سنين عيد زواجى قريب ..
عندى زوز ولاد واحد تلاتة سنين والتانى سنة واربعة شهور ..

خريجة كمبيوتر بس عاطلة عن العمل والسواقة من لما تزوجت ..

هاية خريجة كمبيوتر كلية شني

بنات نستادنكم ندير دورتي اليوم ما ضميت شي البيت حاااالة تقول متفجرة فيه قنبلة

رموسة و قهوة هاتو بطاقاتكم

ananasa;13172737:
هاية خريجة كمبيوتر كلية شني

مش من ليبيا نوسة بس جامعة انفورماتكس وفى منها فرع فى ليبيا فى السراج ..

برى فكرتينى حتا انى الحوش قلبوه الصغار نبى ندير دورة سريعة حتا انى ..

اناناسه ..بطاقتى نصها فاضى:) بس نقولك الموجود
مواليد 82 حاليا ماكو راجل.. سنقل يعنى .

رموسة ورتو شن جوكم ..

حبيبة ايمن ..

اول شى حمدلله على سلامتك ..
تانيا تاكدتى من الحاجات ولا لا ؟؟ كانهادا خلى نبعتهملك بس بعد البيان باش منشتتكش لانك شكلك راعشة ..

حبوبة معاش ترعشى رووووووووووووووووحك حى عليك معناها حتا فى العرس من الرعاش تجيك الضيفة هههه ايمن يتعفلق كانهادا .. وهكى والله متستمتعى بحاجة ولا تحسي بفرحة العروس .. خليك ريلاكس وصدقينى كل شى حيمشى تمام وانتى شكلك يبدا حلو لما تبى مرتاحة وريلاكس تجى فرحتك عفوية ومتبديش متشنجة ..

بليييييييييييييييييز ريلاكس ..

السلام عليكم كيف حالكم يابنات ليكم وحشه كلكم بدون استتناء
نورتي يا سناء وين الغيبه يابنت
حلوه بطاقة التعريف يااناناسه منحسابكش مواليد 87ربي يحفضك ويحفضلك وليدك وراجلك
هايله حلو فرق العمر بينك وبين راجلك وربي يخليكم لبعض

انانسة ضحكتني وعجبتني في نفس الوقت حكاية الهدية ههههههههه
لكن بيقول واخد مرا قفاصة مستخسرة فيا تشري هدية

هايلة احلى سلام ليك...توحشتك
وحلوة لما مادورش عليك هههههههههههه
معليش مشيهااااااااا

نستأذنكم توااااااااا
قووووووود نايت

اهلييين ام احمد .. وكيف حالك والف حمدلله عالسلامة .. صحيتى يا غالية وتصدقى ماما وبابا هكى الفرق بينهم وكنت ديما نقولهم مستحييييييييييل هلبا واخى بس لما تعرفت على راجلى توقعته مواليد 78 لان كنت نحس مواليد 74 شعابيط وباردين ههههه بس لما حسيته جوه ستايل عادى ويهدرز وجوه مليح استغربت وتوا نقول احسن حاجة درتها لان لاحظت النساوين يكبروا قبل الرجالة هوا تخايلى زى ماتزوجته شكله متغيرش بس انى والله كبرت 10 سنين نفسيا نحس بروحى من الصغار والمسؤلية ..

العقبة ليك ياااارب

Hayela;13172854:
رموسة ورتو شن جوكم ..

باهى الحمدلله وانتى شن جوك تمام شن صار .. فى كاميرتك الجديده صلحتيها

خيرك رتو ملقيتيش حبيبة ايمن مشى طلعتى باهى باه هههههه

تصبحى على الف خير ..

رموسة الحلوه;13172948:
باهى الحمدلله وانتى شن جوك تمام شن صار .. فى كاميرتك الجديده صلحتيها

حى فكرتينى وانى منبيش نتفكر هههه نمرض لما نتفكره .. تخايلى قالولى هادى مفيهاش ضمان لان الكسر منكم انتم سؤ استخدام يعنى ههههه وتكلف تصليح 105 دينار عدسة وزوم جدد تخاااااااااايلى قريب نموت نمشى نشرى كاميرا جديدة خير هههه وتبى زيادة تلاتة اسابيع تصليح .. :sick::sick: بنصلحها وامرى لله غدوة بنمشى نخلص عربون نص المبلغ وبعد ما يصلحوها نكمل باقى المبلغ

Hayela;13172946:
اهلييين ام احمد .. وكيف حالك والف حمدلله عالسلامة .. صحيتى يا غالية وتصدقى ماما وبابا هكى الفرق بينهم وكنت ديما نقولهم مستحييييييييييل هلبا واخى بس لما تعرفت على راجلى توقعته مواليد 78 لان كنت نحس مواليد 74 شعابيط وباردين ههههه بس لما حسيته جوه ستايل عادى ويهدرز وجوه مليح استغربت وتوا نقول احسن حاجة درتها لان لاحظت النساوين يكبروا قبل الرجالة هوا تخايلى زى ماتزوجته شكله متغيرش بس انى والله كبرت 10 سنين نفسيا نحس بروحى من الصغار والمسؤلية ..

العقبة ليك ياااارب

الله يسلمك حبوبه
صح المرأه تكبر بسرعه من الحمل وصغار وحوش
تعرفي انا نتمني اللي بنتجوزه :oيكون بيني بينه فرق العمر هلبه

بنات اللى لوطة خشوا هدرزوا قبل ما نسكر شوية وبعدين كملوا القراية هههههههه

يتصفح الموضوع حالياً: 8 (8 من الأعضاء و 0 من الزوار) ‏*ام احمد *, ‏ام وسيفه, ‏فيرونا 25, ‏بنغازية وافتخر, ‏flower2010n, ‏رموسة الحلوه, ‏ArOoTa

ام وسيفه ماشاء الله ع حاجاتك ايديك تلتف في حرير
بنغازيه اهلا وسهلا بيك حبوبه ونورتي

*ام احمد *;13172994:
الله يسلمك حبوبه
صح المرآه تكبر بسرعه من الحمل وصغار وحوش
تعرفي انا نتمني اللي بنتجوزه :oيكون بيني بينه فرق العمر هلبه

ان شاء الله ربى ينولك ما تتمنى .. وصح انى زمان كنت نقول عادى بس لما جربت اقتنعت مع انا وحدة نعرفها متزوجة واحد اصغر منها بس ماشاء الله عليها واقفة لروحها وقففففففة صح .. تعرفى فى كل ميعاد العيون عليها تهبببل ماشاء الله عليها بجديات تبان اصغر منه بهلبااا والحق حتا هوا مساعدهاااا جايبلها شغالة يعنى مدير فى شى اربعة وعشرين ساعة تهتم بروحها ويديها وظوافرها وخلاص انى مافالقنى غير الصغار هههههه والماعين

‏فيرونا 25, ‏ام وسيفه, ‏*ام احمد *, ‏بنغازية وافتخر, ‏رموسة الحلوه, ‏ArOoTa+


سلامات ينات واحشتونى

اناناسه والله ضحكتينى على موضوع الهديه وعلى موضوع الحمل ههههههه خيرهم العيال الصغار الله محلهم لما يبدا خاطرك ترقدى وهم يخطرله ايعيط وحتى لما خاطرك اديرى جو رومانسى للراجلك ويبد هو ايدير فى لحنه وحتى لما خاطرك تطلعى الى لمه ويقعد ايعيط ويبى تغير وتقعدى انت كيف اميغرتله وحتى لما تطلعى للفرح ويقعد خاطرك اتصدرى ويقعد هو يخطرله يبى يرضع ولما اتفكرى انت وراجلك التهدوير ونزلى تتمشى انت وهو والبيبى يقعد من النوعيه اليستغرب ويسكه عياط وتقعد امه الشعب كلها تتفرج عليك بنظره الشفقه ههههههه ولما تقعدى مشنوقه فى المطبخ وزوجك المصون موجود ويتفرج او مستلقى والبيبى يعيط وحضرته ايقولك شوفى الولد خيره متاناسى تماما انه حتى هو ولده

تعرفى الامور هذى ديما فى بالى ومش لقيتلها حل ولكن بصدق نبى انقول ان شاء الله امهاتنا ايسامحونا هههههههههههههههههههههه

هيوله كيف حالك وحال الصغار ولباس على كتكوتك

اروتا معاش من يطنشك يا غاليه

ام احمد نورتى وين هبه مختفيه سلمسلى عليها هلبه


بنغازيه وافتخر نورتى ويارب تنسجمى معانا