لمة الليبيات لشهر شوال

بنات مشكورات علي رايكم في الهديا

بس كان نحصل شئ مميز اكثر ويستفيد بيه بيبي
يعني الجري وال كرسي اهلها بيرفعها ليها غير هكي بيجوا هديا من ناس تانيه

لي اذا نسال عمتي نقولها شنو ناقص حتي نساعدكم

ايه صح بنسالكم عندك ها السبر او لا

عندنا في مصراته وقت الوحده تجيب اول مره
كل شئ علي الام من حاجات البيبي لي مصاريف اللمه حلويات والعشاء وووووو وحتي بدله لي الام

قدوره حبوبه انا السنه الجايه نتخرج باذن الله

حتى احناف طرابلس البيبي الاول عالام ياحيو
وانا نقولكا رفعيلها حديده اسم تمشي مع الولد او البنت وكان بنقولك سرير يقعد معاه صح بس بماانك لسه ماوصلتيلهمش نحسه كبير كيف بترفعيه لذلك ياارفعي حاجه ذهب او كان بنيه ارفعي تعليقه كامله ايهببببببببلو مطلعينهم للبيبهات توا جو خراص وخاتم وتعليقه

كوين ايقولو حطي فالمكان اللي يطلع منه النمل ثوم او طباشير جربيها وان شااااااااااااااء الله تصدف معاك يارب تعرفي عقدتي النمل يعععععععع

عروسة ليبيا;13145194:

حيو

ربي يحفظك بتشديها وخلاص ولا لو عرس بسيط بري مدام صحبتك امشي شوي وروحي

هو كنا ها نمشوا كلنا بس مش عارفه توه كيف يصير وخاصه بنات خالتي مشاء الله حركيات نخاف نرفعوهم معنا يصير فيهم شئ مهما كان امانه يصير خير من هنا لي اليوم الثلاثاء

QuEEn of icE;13145187:
تعرفو عيوني حولّو واني نقرا يلي فاتني ومكملتش نغير الصفحات ونمشي نقضي المشكله عندي ماندير ومش قادره نمشي لين نعرف شن فاتني هههههههههههههههههههههههه
بالله بنسألكم كم سؤال ياريت متهملوهمش
1- السواري العربيات الطوال لما يحددوهم يديرولهم في خط على طول الجناب؟؟؟ محيرني الموضوع نشوف في ناس عندهم خط الحديد بالجنب بس اني قلت نحدد سورية راجلي بلا خط خير ماندير خط ويطلع غلط احرف بالله قولولي يلي عندهم خبره في سواري العربي
2- النمل .... النمل .... النمل .... طفشني هبلني ماخليت مادرت وهوا من كل مكان يطلع وكل حاجه حاشي خشمه فيها مدايره حلاوات للعيد في حافظات حخاطتهم في الثلاجه كلهم خايفه منه والله الخضره ماعاد عندها مكان في سكريات السكر نلقاه في دار ولدي نلقاه ياناري ولدي يحط الصن توب يتفرج شويا على التلفزيون يرجع بيشرب يلقى النمل خاش من المصاصه ومعبي الدنيا .... من عندها نفس المشكله؟؟؟ وشن الحل اني في منطقة زراعيه وجناني مزال ماكرسنته قاعد تراب ... جربت الفلف الاكحل والبصل والواركينا والجاز وآية النمل ... ماااافيش فايده بالله عليكم فيدوني
3-عندي حد ماشي لتونس شن نوصيه ؟؟

بنسبه السوري العربيات الحق مغسله مستحيل نقدر نحددهم في الحوش علي قولت خوتي تدلعي دلع ;) وصح يجي فيهم الخط حلو علي الجنب

بنسبه النمل اعرفي مكان الفتحه وسكريها بي جير او للصقه مسدس

طرابلسية لسرتاوي;13145183:
هلا حيو طمنيني حبوبه شن صار؟؟؟؟؟؟؟؟؟؟

والله بنسبه لينا حني مصارش شئ ولا سمعت من ناس شئ

بس خويا مشئ الخميس ظهر وهما بيسكروا قالو تعال السبت الصبح وعلي حسب الفهم منهم بيعطوه بس ورقه وصل تانيه لا مفتاح ولا غيره هو بكره السبت وبيمشئ تاني توه نطمنك ان شاء الله

اه خلاص الواصل هذا الفايده فيه والمفتاح الاحد باذن الله هادوم اللي حصلو الواصل راه بس انتم اشبح امتا لين اتمو برنامجكم

حياتي ليبيا وينها مغييييييييييييييييييييييييييييييييييييييييييييييييييييييبه ان شاء الله خير اكيد توتي ليه ليه ربي يعاونها

اممممممممممممممممممممم زعمه لو حصلنا بكره ورقه تانيه
الاحد نحصلوا المفتاح

اه باذن الله تحصلو انا متفائله وتم كل شئ

مشاء الله عليك والله بجد حسه قريب نفتكوا منك :lol:ونفرحوا بيك خخخخخخخخخخخ

تى باهي باه تبي تفتكي مني:'(:'(
هههه هذا وين بنجيك هههههههه:lol:بنانسك

خيره اللمه كسدت هلببببببببببه كوين شكلك تقري فالدروس اللي فاتت ربي بعينك :D

السلام عليكم
ما شاء الله على بنات بلادي

انا عرسي قريب...هو مازال ما تحددش بس خلال الشهر هذا بإذن الله يتحدد

سلمهم يلي يردو على اسئلتي
بالنسبة لهدايا البيبي زي ماقالولك مادا بيك حاجه تستعملها الام والبيبي هلبا بس الجراي كلهم بدو يجيبو فيه ... حديدة الاسم حلوه بس لو نحط مكاني بدلها نقولك شنو احسن هدايا نفرح بيهم .... ممكن ظرف فيه من 60 دينار وطلوع وبطاقة تهنئه حلوه دارتهالي حماتي الصبيه وجوني في وقتهم ... او حتى في ساكوات متع البيبي في حاجات حلوه وتتحمل لانه اكتررررر حاجه الام بتستعملها ساكو لحوايج البيبي البطاطين كلهم يجوبو فيهم حتى في مره شريت طقم حلو ساكو بيبي ومعاه السرير يلي ينحط فيه البيبي بالمسكات في الخروجات ومعاه لفة ينحط فيها البيبي في الشتي ويتسكر عليه يقعد بس وجججه طالع حلوه تلم العيل وفي الشتي كويسه .... عندك حتى في زي اليرغان الصغير يلي معاه قوس في العاب يرقد تحته العيل ويلعب بيهم حلوه في عمر 3 شهور وطلوع ..... ممممممم شن تاني ؟؟ اها حتى في رفوف 4 فوق بعضهم يلي في منهم في كل مكان ابيض وبودري او ابيض وسماوي اني خديت واحد 75 زمان ازرق ورفوفه الوان وعليهم صور ميكي وميني .... او حتى تقدري تاخدي بوكس للعيل تستحقه ( الحق يريحها هلباااا) خصوصا انو مش من الحاجات يلي تشريهم الام من الاول وبعدين مرات متلحقش تشريه ... ننصحك اديري دوره على محلات الاطفال تلقي افكار هلبا في عندك محل الامومه والطفوله في راس حسن جنب متع الكباب وفي عرداه كم واحد

نبي نسألكم يا بنات منو تعرف معمل اكل ممتاز يدير في طلبيات عزومات صغيرة اقل من عشرين صونية

حياة حلوة;13145205:
بنات مشكورات علي رايكم في الهديا

بس كان نحصل شئ مميز اكثر ويستفيد بيه بيبي
يعني الجري وال كرسي اهلها بيرفعها ليها غير هكي بيجوا هديا من ناس تانيه

لي اذا نسال عمتي نقولها شنو ناقص حتي نساعدكم

ايه صح بنسالكم عندك ها السبر او لا

عندنا في مصراته وقت الوحده تجيب اول مره
كل شئ علي الام من حاجات البيبي لي مصاريف اللمه حلويات والعشاء وووووو وحتي بدله لي الام

ياحيو ياعسل حق والله الهدية ماشاء الله ذوووووووووووق.
وباالنسبة لهدية البيبي انا تفكرت الحاجات الحلوة اللى تعيش عمر زي متلا خوديلها حاجة عملية وتكون حاجة صح متلا (ترمومتر)يكون شيكو.................وزيدي معاه عطر شيكو ولفيه لفة حلوة............
او
متلا خودى
جهاز اللاسلكي امتاع النوم امتاع الاطفال الى يبدا طرفين طرف يقعد مع الام وطرف جنب الببيبي بش لما يبكي تسمعه امه .
ااو ترمس مية شيكو حتى هو .يعني من الاخير امشي لشيكو وان شاء الله ماتحيرييش...
طرابلسية شخبارك ياعسل

الحمد لله ياروح بخير وانتي؟؟؟؟؟؟

حيو احسن شي خوديلها معقم مراضع متع شيكو حلوووو هلبه فيه الصغير يحمل 3 مراضع مع بعض وفيه الكبير يحمل 6 والله هديه حلوه نصيحه خوديها تقعد حتى لصغارها التانين ان شاء الله

مورينا;13145694:
انا عرسي قريب...هو مازال ما تحددش بس خلال الشهر هذا بإذن الله يتحدد

اهلين بيك معانا في لمتنا الي ما ينشبعش منها اخت جديده معانا الف مبروك علي عرسك يارب وانشاء الله ربي يتمم علي خير حتي اني عرسي توا الفتره هادي لكن لم يحدد بعد

مورينا;13145717:
نبي نسألكم يا بنات منو تعرف معمل اكل ممتاز يدير في طلبيات عزومات صغيرة اقل من عشرين صونية

في معمل تشاركية الراقي يشكروا فيه هلبه لكن ما نعرفش ايديرو في طلبيات صغيره والا لا تقدري تسالي مولاته وهي مشتركه معانا في المنتدي بنيه زي العسل اسمها ارووتا طيبوبه وخدومه شو فيها