امورة خطيبي
انستي ونورتي حبيبتي ونفرح لما اى حرف يفيدك ويفيدك البنات
وين بتمشي ف مصر
اكيد ستي ستارز للتدهوير والتصوير لانه فخم
فيه محلات الماركات حلوة وقهاوي قنينه زي كوستا كافي
وهوا يعتبر افخم مولات مصر واسعاره اغلا اسعار
ف مول تاني قنين بكل بكل اسمه جنينه مول حلو في محلات حاجتها باهيه قنينه واسعاره اقل من ستي ستارز
ف جنينه مول
ف محل بتاع ماركات حبيبه وحبيبه هادي ماركه مصريه معروفه درجه اوله بيحامات وارواب ولبس شتوي نازك ودي شمبرات شتاء حلوات فخمات حتا لما يجيك حد تلفي بيهم روحك
المهم اسالي اي بنوته بياعه علا محل حبيبه فالدور الكام ووهي تقولك
لما تبي شي معين اسالي البيعات ف المحلات تعاملهم قنين
وفي الدور الارضي ف جنينه مول كله محلات شوز وشناطي وف اوشحه وفي مقاهي
وبرا قدام المول مطاعم قنينه
يعني شوبنق
ننصحك ماتكتريش انتي كيف شاريه بتت وعرس
اشري اوشحه لانه اوشحت مصر يهبلو
وحتا شناطي حلوات وقنينات وف محلات رخاص ف سيراج مول الي خبرت بيه حبيبه ايمن ف الدور التاني والتالت تلاقي محلات شوز
انتي تمشي ولفي هوا مول قديم ومنسرف بس مريح ف سوق وفي قهوة ممكن تخشو تشربو عصير فرش مانجو ولا ليمون بنعناع
فدور اللوطي بكل ف سيراج مول ف محلات جبب وجلابيات ولبس محجبات ف محل كبير هكي بس منتفكرش اسمه يمشي معاك بما انك توا مدام
وف محلات اوشحه تلاقيهم صغار ومكومات فوق بعض فيهم اوشحه قنينه اسعار الاوشحه الحلوات يبدو من 25 مصري لي 65
في محلات تلاقي مكتوب عليه ب 2 ونص
والجو اهو كله خربش وخترش هادو حلوات فيهم تشري هدايا
متلا اكسسوارات رخاص ليك او لي حد متلا خواتك او حمواتك في شناطي موبايل في خلاخيل رجلين فيه بروشات حجاب ودبابيس اوشحه و وقعود اكسسوار الي زي الخشب يلبسو فيهم بنات الجامعه علا الحجاب
المهم منوع وفيهم الالعاب اطفال محل فرصه هوا ومليان تاخذي سله وتلقطي شن تبي
وبنقولك ف شارع اسمه شارع طلعت حرب
رررررررررخيص و وعلا اطرفه ممكن تلاقي ناس دايره اوشحه ولا طربيزات يبعو ف حاجات المهم ديما ماكسي
وماتكتريش كلام بش ما يزبوطكش
بكام دي لالالا كتير اوي اخر كلام يلا اخر كلام وديري روحك فتيه
بش ينزلوك لان حرام والله بمجرد ما يعرفوك مش مصريه الاسعار تولي مضاعفه ويفددوك
ووالحاجه الي تبيه فحصيها بعيونك مش تشديها قدامهم تمسكي فيها وبعدين تقولي بكام راهو يحسوك بتشريها يدبلو السعر
الحاجه ديري روحك تسالي علا وراها وعلي قدامها وبعدين اسالي علا الي عاجبك بلا مباله ومرات تلاقي الاسعار مسجله
ما تنحرجوش يتفلحو هلبا هما
المهم طلعت حرب كله لانجري وحاجات رخيصه وشوز جو سبيدورات ملونه هادو قنينات والباقي عادي فطلعت
وسعاره مقبول جدا يشرو منه الناس العادين وشارع من اقدم شوارع القاهره شارع تاريخي
الموهم انتي تاكسي تقول طلعت حرب وخلاص وتنزلو وهوا زي متلا اول سبتمبر بش شعبي شوي تتمشو علا رجليكم تلاقو محلات ف لبس كاجول وف هكي وهكي
وراهو التوت الشتويات يا اموره نازكات غادي شوفيهم
وماتنسيش انتي ومروحه هديه بسيطه لي امك وامه تفرحهم
موفقه ربي يهنيكي
بالنسبه لي التدهوير
بنقولك يا اموره انتي توا اكيد مبتته مش راح تشري هلبا و تعتبر سفرة عسل ادهوري وصوري انتي وهوا مره ف الهرم وامشو خدولكم لفه علا كورنيش النيل واركبو ف مركب وصورو وامشو مدينه الانتاج الاعلامي حلو جوهااااااااااا ممكن التذكره ب خمسين جني مصري او 40 كان ماتغيرتش
مدينه الانتاج جوا فيها ملاهي بتاع كبار واجواء الالعاب مائيه وف قطار يكبوكم فيه وتلفو علا امكان تصوير المسلسلات حلوه اللفه وفي عرض قنين عرض الدلافين ولو تبو تصورو مع دلافين يصوروكم ب 25 جني اظني
صورة كرت حلوة وف مصورين ممكن يخذولكم صورة انتي وهوا بنفس سعر تقريبا
داخل ف مطاعم بس نحنا لما مشينا رفعنا ف شنطة الكتف الكبير بسكويتات وعصاير واميه و شكلاطه لان تجوعي وانتي تتمشي
والاكل صراحه لحم ف مصر نخاف منه ديما مشاكلهم مشاكل حتا ارقى المطاعم ف ديما تطلبي بيتزا ولا طايبه هك احسن
ممكن تمشو يوم لي خان الخليلي اديرلكم فيه لفه اسعاره غاليه لانه يتعامل مع الاجانب والسواح ممكن تشري تحفه ولا حاجه سوفنير =ذكره من مصر تحطيها ف حوشك جو اهرامات متلا ولا الجو اهوا
ف خان الخليلي ف قهاوي قدم بكل بكل من عشرات سنين زي قهوة الفيشاوي ررررهيب جوها هادي عتيقه واثريه الي يمشي مصر يزورها اني صراحه نحب جو الحاجات القديمه والجو الاثري الشعبي
تقمعزو غادي وتطلبو مانجا يديرو فيها حلوة وتصورو فيها هي كلها اجانب وناس زحمه شوي
يعني هادو الاماكن المشهورة الي لما يمشو فالقاهره يزورهم
