لمة الليبيات لشهر شوال
ل
04-10-2010 | 01:24 PM
عروسة طرابلسية عادي حبيبتي ما تضايقيش بالشوي بالشوي عليك كله يمشي وربي يساعدك وقولي ماقالتها ليالي كله يمشي كيف ما تبي بس ماترهقيش روحك انتي عروسة ولازم تكوني رايقة ونفسيتك مية مية واذا صعب عليك امر قولي اللهم لا سهل إلا ماجعلته سهل فأنت قادر على جعل الحزن إذا شئت سهل دعاء مش عادي ومجربته الحمدلله.
o
04-10-2010 | 01:24 PM
عروسة طرابلسية;13296340:
انى عضوة جديدة وقريب عرسى ممكن حد ايعبرنى
هلا وغلا بيك حبيبتى نورتي اللمه اعتبرينا اخواتك واي سؤال فى الخدمه والف الف مبروك عليك وخشي على تجهيزات عرايس ليبيا للاستفاده
ل
04-10-2010 | 01:28 PM
طرابلسية توكلي على الله ووسعي بالك والخيرة فيما اختارها الله.
ل
04-10-2010 | 01:29 PM
حبيباتي نبي رابط تجهيزات عرايس ليبيا ممكن تخدموني حتى اني نبي نخش عليه
ل
04-10-2010 | 01:30 PM
بيكاتشو;13296452:
النجدة
حى عليا عندى نجمة الاربعاء وحفلة الخميس
ومش عارفة شن نلبس للنجمة اقترحوا عليا يا حلوات
انقدونى هههههههههههههههههههههههههههه
شكلك مشاااااااكسة
ب
04-10-2010 | 01:32 PM
ليالي2009;13296516:
شكلك مشاااااااكسة
لا لالالالا
هههههههههههه اصلا انى الهدوء بذاته
اسألى حتى البنات
o
04-10-2010 | 01:32 PM
http://forums.3roos.com/showthread.php?t=563817
حبيبتى هذا الرابط
حبيبتى هذا الرابط
ل
04-10-2010 | 01:33 PM
عروسة طرابلسية;13296353:
يارب ايسخرلك ويهنيك
ياااااااااااااااارب ويهنيك ويسرلك امورك
ل
04-10-2010 | 01:33 PM
om adm3;13296537:
http://forums.3roos.com/showthread.php?t=563817
حبيبتى هذا الرابط
الله يفتحها عليك شكرا حبيبتي
ل
04-10-2010 | 01:35 PM
طرابلسية هاذي صورتك في الفرح شن رايك مبسوطة .هههههههههها امتا ياربي نمسك يد حمادي ونتزوجووا امتا بس .
ع
04-10-2010 | 01:36 PM
عروسة طرابلسيه
وسعي بالك حبوبه
باهي شهر 12 مززززززززال بعيد
الحمدلله في وقت كافي
توا هم حويجه حجز الحاجات الي يبو حجز لانهم يبو قبل بوقت
زي الصاله لو دايره ف صاله الكوافير الدي جي والعشاء والخ الخ من الحاجات هادي
بعدها ديري جلسه علا شناطي بتاتك وبالورقه والقلم شوفي شن الحاجات الي مكتره منها والحاجات الي تحسي منها ناقص شن هوا وسجليه
وبما انك عرسك ف 12 <<<< شتاء راهو زي عرس اختي زماااااااااان 14 12 كان
عز الشتاء ف طبعا تبي تاخذيلك توت شتويات عندك المميز يجيب ف حاجات حلوة حلوة يعني لو مانزلهمش توا
اول 11 ينزلهم ورهو خامته حلوة وسعره مقبول جدا جدا يعني توته تجيك في جو25 خوذيلك 3 الالوان مختلفه كيوت نوعي بيهم
وبنقولك اكيد مش كانه ف شتاء ماتبيش تلبسي لانجري وارواب عشان هكي ديري زي ما درنا لي اختي ف بتاتها
شرينالها روب قاطيفه كاتفه حلووووو دي شمبر خارجي لونه حني نبيتي داكن هكي ووشرت معاه واحد سكري زي شماوه
هادو لما تلبس روب تلفي روحك بيهم ومرات تنوظي من سرير لبسه خفيف تخشي بيهم للحمام
خوذيلك حتي واحد
الحق ف تربولي فيه يهبلووووووووووو يهبلو في محل البركه قرقارش بس ممكن غاليات شوي يعني يجو ف 100 وفوق
وووووووتحصلي زيهم ف مكانات تاني اقل
في محل حوايج نوم تحت في زرقاء اليمامه ديما جو الارواب الكلاسيكي وارواب النفاس ودي شمبرات فيه حلووووووووووين
شوفي زرقاء اليمامه اوقفي جنب النفوره بحيث مخليه الساعه وراك يعني النفورة تجي علا يسارك اونا في ممر عاليسار في محلات الميك اب تخشي منه لما يجي الامحل الي قبل الاخير محل حوايج نوم ووووووبعدها محل عبايات
وشوفي حتي بيت العرايس ف غوط شعال ووووووووفي محل جار القمر اظن اسمه الكبير بتاع الترسانه فيه برضو
ووووهادا بخصوص الدي شمبر الشتوي تحتاجوله عرايس الشتاء خوذيه لون فريحي موف حني احمر وردي
بذوقك يا عروسه
طبعا تقدري من توا تشطبي العطور
وروب الدخله والاندر وير
والملابس الداخليه
وروب الدخله والاندر وير
والملابس الداخليه
وولما تشطبيهم فضي شنطه وعطريها بعطر زيتي حطي العطر ف راحه يدك وممرري علا غطا الشنطه من جوا والاجناب وخلي ينشف
وبخي سبري معطر و رتبي فيها لبسك وحاجتك الي مشطبتها من لبس داخلي او اوشحه او الي هوا
طبعا لبسك الجديد ما ترفعيش بصنة السوق زي مايقولو جيبي شامبو كومفرت او اى شامبو دبش واشطفيه بذات الحاجات الداخليه والارواب وانشريهم وطبقهيم بعدين
والارواب والحاجات الستان والحرير لفيهم زي السيجاره بش ما يتكسروش هلبا
وووووشن تاني عروسه
تقريبا هادا الي اديريه مدام مشطبه و اكيد اكيد ركزي علا عنايتك بروحك من توا
اهم حاجه واهم من كل البتات
لو عندك مشاكل زي عدم انتظام الدورة مري علا دكتورة النساء
لالالالالان يديرلك اضرار مع الزواج
لالالالالان يديرلك اضرار مع الزواج
او لو مشاكل في وجهك جلديه متلا اتار حبوب مسام واسع
او حاجه ف سنون تبي حشو سنون يبو علاج متلا
هادو خصصي ليهم وقتك من توا لانهم هادو يضايقوك بعدين وتوا قدامك وقت حلو
لان مش حلوة عروسة تبدا ف اول حياتها
وراجلها فرحان بيها ومن الاول تقول سني تبي كذا ولا عندي كذا
وراجلها فرحان بيها ومن الاول تقول سني تبي كذا ولا عندي كذا
يعني الي عارفه روحها عندها شوي مشاكل تعالجهم بكري
لان مع الوقت والاهمال يكبرو
لان مع الوقت والاهمال يكبرو
ربي يهنيك ويوفقك وشيكي علا التجهيزات ح تلاقي حاجات مميزه وتساعدك
ع
04-10-2010 | 01:38 PM
شكرا وربى يهنيكم ويسعدكم بنسبة ليا حايرة فى المزين والعشاء
h
04-10-2010 | 01:39 PM
السلام عليكم
شن حال الحلوات بنات بلادى ؟
شن حال الحلوات بنات بلادى ؟
ل
04-10-2010 | 01:40 PM
شن رايك
ع
04-10-2010 | 01:42 PM
سبحان الله ولا حول ولا قوة الا بالله
ع
04-10-2010 | 01:42 PM
وين محل البركة نبى روب شتوى مهم
ع
04-10-2010 | 01:45 PM
ردودكم ريحتنى هلبة وانى عندى بتات من اول مانخطبت وانى انوتى
بس فى هلبة حاجات ناقصتنى
بس فى هلبة حاجات ناقصتنى
ل
04-10-2010 | 01:45 PM
وعليكم السلام ورحمة الله وبركاته
ع
04-10-2010 | 01:46 PM
عروس طرابلسيه
في هني عضوة معانا اسمها اروتا عندهم معمل الراقي يبانو حاجتهم قنينه وشوفيها ح تراعيك و توريك الخيارات
بري طلي عليهم وشوفي جوهم
وفي معامل هلبا الاكل بدي ساهل توا معش صعب
الكوافيره حسب انتي طلتك كيف تبيهاااااااا شن في بالك يعني
لو تحبي الحاجات الجديده والتسريحات المموجه او الويفي الي فيها شغل احجزي عند فاطمه شعيب
لو تبي لوك ناعم وبسيط احجزي عند ناديه الحزائريه
وحتى نوال بتاع كشلاف اني عجبتني وماعندهش حركه تاخد هلبا عرايس
بري طلي عليها يوم الخميس وشوفي اكيد بتحصلي عروس واحكمي لان الكوافير هظا كل حد وذوقه
مرات الي يعجني اني انتي ما تحبيهش ومرات الي تحبيه انتي اني مايعجبنيش
في اختلاف فالحاجات هادي من حد لتاني
في هني عضوة معانا اسمها اروتا عندهم معمل الراقي يبانو حاجتهم قنينه وشوفيها ح تراعيك و توريك الخيارات
بري طلي عليهم وشوفي جوهم
وفي معامل هلبا الاكل بدي ساهل توا معش صعب
الكوافيره حسب انتي طلتك كيف تبيهاااااااا شن في بالك يعني
لو تحبي الحاجات الجديده والتسريحات المموجه او الويفي الي فيها شغل احجزي عند فاطمه شعيب
لو تبي لوك ناعم وبسيط احجزي عند ناديه الحزائريه
وحتى نوال بتاع كشلاف اني عجبتني وماعندهش حركه تاخد هلبا عرايس
بري طلي عليها يوم الخميس وشوفي اكيد بتحصلي عروس واحكمي لان الكوافير هظا كل حد وذوقه
مرات الي يعجني اني انتي ما تحبيهش ومرات الي تحبيه انتي اني مايعجبنيش
في اختلاف فالحاجات هادي من حد لتاني
ع
04-10-2010 | 01:46 PM
المميز حبيبتى توته قصيرات وانى طويلة وعريضة