طفلي والكمبيوتر

شخباركم مامات عساكم من العايدين السعيدين انشالله F:
اليوم حبيت أنقل ليكم تجربتي ويا ولدي حسن مع الكمبيوتر ، وانشالله يكون فيها فايدة ليكم .
حسون عمره ثلاث سنوات وشهرين واني قبل ما كنت أخليه يقرب من الكمبيوتر أبدا لأني أخاف يخربه وأني خبرتي في الكمبيوتر ضعيفة :thumbs_down: يعني لو تركته يخبص على راحته ما بعرف أصلح اللي خربه ، وهوبعد ميوله أكثر حق التلفزيون وأناشيد طيور الجنة . بس بين فترة والثانية كان يطل على أخوه الكبير وهو يلعب ومسوي روحه مشرف عليه :lol::lol::lol: وكل شوي يجي ينقل ليي الأحداث محمد لعب جدي ومحمد سوى ليه جدي في الكمبيوتر ! ولا أحسن معلق رياضي ودائما الخبر يجي مقرون بعلامة على وجهه جدي :-o المهم حسن صار بين فترة وثانية يدخل الغرفة وما اجي الاخبص تخبيصات ليها اول وما ليها آخر المهم احاول كل شوي أطلع من نافدة لأنه يدخل على اكثر من برنامج في مرة وحدة بس بعد قلت حق روحي التخريبات اللي يسويها موكبيرة وتركته يدخل ويخبص على راحته وبعد فترة قمت بنفسي أحط ليه ألعاب من موقع فلاش بس ألعاب تلوين وقمت أقعد وياه اشوي لين ما تحسنت حركة يده ويا الماوس شوي وبس بعدها بس أفتح ليه الموقع واتركه يلعب بروحة في الغرفة وأمس تفاجأت ماشاالله ان حركة يده ويا الماوس صارت ممتازة وقام يعرف من يخلص يطلع ليه صورة غير حق يلونها وبعد يعرف يرجع الى قائمة الألعاب الرئيسية .
العبررررررررة من هالسالفة كلها لاتخافون على الكمبيوتر واتركوا أولادكم يلعبون لوحدهم ولكن تحت اشرافكم أكيد بين فترة والثانية وستكتشفون مواهب وابداعات عند أطفالكم لم تعرفوها من قبل .