عندي مشكلة وابيلها حل ... تكفون ساعدوني

السلام عليكم

عيدكم مبارك وعساكم من العايدين بنات

بنات انا عندي مشكلة وهي شعري
صار باهت ومتساقط وجاف ومن غير حيوية بعد ما كان يلمع من الحيوية والصحة

الي حولي قالوا لي من الموية او الاكل او الحالة الصحية والنفسية وممكن حسد

وانا والله جربت كل الحلول خلطات وماسكات وحبوب وابر تغذية وامبولات شعر وكل شى تتخيلوه حتى اكلي اهتميت فيه اكثر بس من غير فايدة

فترة استخدمت خلطة الزيوت السبعة وبعدها زيت جوز العند برشوت وصار احسن بس الاسف رجع خرب بعد ما اضفت الثوم على الزيت صار معدوم بالمرة

من وقتها وانا ادور حلول لشعري طبيعته كان دهني من كثر الدهن الي فيه ما احط كريم كل مرة امشطه فيها

وعمري لا صبغت ولا سشورت ولا شى شعري اشقر ذهبي من الله كنت احبه واحب لمعته الحين صار مثل شعر الولد

وصرت استحي اروح مناسبات او جلسات لصحبااتي

شعري الحين مجعد جاف وتالف وباهت ومافيه اي حيوية والمشكلة الاكبر اني انخطبت وزواجي قريب

ايش الحل ساعدوني جربت خلطات واجد ابي حل لشعري اذا مراح يرجع مثل زمان على الاقل يصير كثيف شعري كان من كثابته مثل الباروكة والحين صرت اكره اشوف نفسي في المراية لاني اموت قهر .

بنات طالبتكم تساعدوني ولا تخيبون ظني ساعدوني بكل الي تقدرون ومراح انسى معروفكم

ابي اشياء مجربة ومضمونه ونتيجتها تكون واضحة عشان اكمل فيها وانا متفائلة

ابي شى يغذي الشعر ويكثفه بحيث يكون ثقيل مو مهم الطول الحين موضة الشعر الشعر القصير

بنتظر ردودكم ويا ريت لا تخيبون ظني ساعدوني