ابي ارجع لهدوئي ورقتي !!!

الله يوفقج ..يارب
ويحل مشكلتج اتمنى ينصحونج الاخوآآتـ ..

اختي العزيزة شوفي مصايب الناس بتهون عليك مصيبتك اولا اقرائي القران كل ماتحسين بضيق واضبي على قراءة الاذكار المساء و الصباح والصلاة في وقتها وهدي اعصابك تعودي تحتوين الاطفال لي عندك سوالفي معاهم تابعي فلم يناسب سنهم وطلعي من الحالة لي انتي فيها

لعبي رياضــة و بتطلع كل الضغوطات اللي عندج

انا وحدة عصبية و مرت فترة علي كرهت نفسـي من كثر مشاكل الدوام،، اشتركت فنادي و الحمدالله أحس نفســي أرتــاح بعد االلعــب

بالنسبة للإهتمام الشخصـي ،، اتفقي مع صديقتج تروحون صالون من الصبح و تهتمون بنفسكم شعر و أظافــر و مساج .....الخ لازم حد يكوم وياج يساندج

و الصوت العالــي ،، تخيلـــي خطيبج موجود كيف بتتصرفيـــن !! أكيد ما بتحبين يسمع الصوت العالـــي منج !!

أفكاري بسيطة إن شاء الله تساعدج :)

لا تقهرين عمرج والله محد يستاهل

{ علشان ترجعين رايقــــــة
خصصي وقت يومياً لنفسك انتي بس......~

خذي لك حمام دافئ امليء البانيو مااااي وحطي لك شمعة شمعتين ثلاث حولك
حطي عطوور مثلا مسك قلييييل ف الموية
وادخلي فيه واسترخي وانسي الدنيااااااا وماااااااافيها

انسي عيال خوانك وخوانك الصغار هههه
وانسي كل مشاكلك وكل الامور الي تتعبك

واسترخي

سااااااعة كاملة

تذكري بس الاشياء المضحكة الحلوة الي توسع الخاطر
او مو لازم تفكري ف شي
اخاف تتذكرين شي تقوميني تدعين علي خخخخخخخخخخخخخخ

وبعدها راح تكون رايقة طوووول اليوم
ممكن تسوينه وقت ماتحبي
يفضل ف الليل
بعد يوم طوووويل من الاهارق علشان يوم الثاني تكوني رايقة

:)

وخفي من العصبية مايسوى عليك ههههه
بعدك ماتزوجتي لاحقة ع الشقاء

اناويا رأي نور العرب ماقصرت:)


وبالتوفيق عزيزتي

والله ياوخيتي انا مثلك ..

من جبت ولدي من السهر والتعب صرت عصبيه واااايد واااايد من جد صرت لا اطاق..طول

الوقت هواش ويا زوجي واهلي ..

تخيلي مو بس اشق ثيابي ..حتى شنطي وبوكي نظارتي كسرتها من كثر العصبيه..:lol:

بس الحمد لله الحين خفيت وايد..صرت اقرا قران واصلي على النبي واله لين اعصب وتغيرت وايد..

اذا كنت قاعده اوقف..واذا كنت واقفه اقعد.. واحس ان عصبيتي تروح..

اذا حسيت اني ابي اسوي مشكله تدرين وش اسوي ؟؟

سبحان الله ..سبحان الله .. سبحان الله ..سبحان الله .................

واقوم اخذ لي شاور حلو دافئ واخزي الشيطان ..

وترى ( الغضب جمره يرميها الشيطان على قلبج) لاتخليه يفرح عليج لما تعصبي ..

وربي يهديج ويهديني يارب

انتي حاجه بعدي عن المشاكل ولا دخلين
حسك وفي الي مايخصك
اذا حسيتي انك ودك تسولفين اتصلي على
ربعك او خواتك الزوجات
واهم اهم حاجه سيطري على نفسك\

انتي قلتي من عقب انفصآلي ..

شنو انفصآلك هل كنتي قبل متزوجه والا شو ..

انتي يبيلك استقرار نفسي ..

اقول لاتشربين بايسن بعد اليوم ههههههههههههه
امزح
ما اقدر اقول الاالله يعين العيال وثيابك ههه
فرغي طاقتك بالرياضه مثل ما يقولون سيري لا تتكسلين
ولا تزقري بصوت عالي حاولي تهدي اعصابك وما تسيري عندهم الا بعد
الرياضه عشان تكون الطاقه فينيشششششششش

مثل ماقالوا الاخوات

سجلي بنادي رياضة لعبي رياضة ودخلي بخار وساونا

اعصابج راح تهدى وتحسين بتغيير

وحاولي تشغلين نفسج باشياء مفيدة

موفقة