الله يخليكم ساعودني تعبت نفسيتي من بنتي

خافي ربش!! من صدقش طفلة صغيرة تحبسينها في الحمام وتطفين عليها الليت؟

ماأقدر اقول شيء اكثر بس انتبهي للطفلة هذي امانة

هلا اختي الله يعينك الطفل يبقاله اهتمام ورعايه الضرب

لا حرام عليكي ما نتعامل كذا مع الأطفال حرام أحباب الله يبيلهم صبر وطولة بال

سوري بس حبيت اقولك ان هاذي طفله سنتين توها وحرام عليك تحبسيها بالحمام بكره يجيها شي تتحسفين كلش الا الحمام مو زين تتجمع الشياطين فيه بكره يبدلوها لك ولاياخذوها كلش الا الحمام وعندي وياك خير انا زيك عندي اطفال مجننيني اضربهم بس بعدها اتحسف والله والله يهديهم ويصلحهم ونتي باين تمري بضيقه نفسيه مشان هيك تبردي في بنتك؟؟الله يخليها لك

حرااااااااااااااااام

اصلا كل ماعاقبتيها كل مازادت في حركات العناد

اقول لك حل، اسلوبي مع بنتي مثلا لو عاندتني اقول لها بعد من الواحد الى الثلاثة وبعدها راح اقوم اضرب،، بس هي تخاف من الضرب وتجي على طول، بعدها صارت تخاف من العد مو من الضرب!

اسلوب ثاني ، لو مثلا كبت البودرة ، شيليه قدامها من غير ضرب بس على طول مثلي بعدها انك تعبتي لأن بنتك كبت البودرة، وراح تخاف على تعبك وتحاسب وتتفهم



ا

لالالا ... ال الحمام ... تتجمع فية الشياطين .. ياما سمعنا سووالف عن جذيي..وبنتج توها صغيرة .. لا تضربينها او تحبسينها جذي.. وترى اكثرية الجهال في هل السن شياطين ودايما يعفسوون كلشي... انه ولدي عمرة سنة ونص .. لكن ماشالله علية .. مستحيل يقد في الارض 3 دقايق.. دايما يفتر.. ويعفس لي البيت كله .. وحدة شيطان .. يضرب ..يعض ..يصارخ ..ما يرضى ياكل.. جربت وياة الصراخ لكن ما فية فايدة...صار عصبي اكثثرر... من جذي الحين احاول كل ما اقدر اني اكون هادية وياة ... لانه كل ما عصبنا كل ما ينعكس على الياهل...وبعدين يتعلم العصبية والصرااخ... حاولي انج قد ما تقدرين انج ما تضربينها او تعاقبينها جذييي.. كسرت خاطري والله.... اذا كلش كلش... ضربيها على يدها...وخفيف.... وانشالله الله يهدي بنووتتج ويهديج

لاحول ولا قوه الابالله طفله حرام عليك تعوذي من ابليس بلحمام تسكرين عليه ماتخافين يدخل فيها جن وعذرك يا ا ختي موطريقه تربيه ابد بنتك كبر ولدي عسى الله يحفضهم ويخليهم انا عن نفسي اتجاهل تصرفاته اخذ منه الشي وقول وين ولدي عبود الشاطر الضرب ميفد العمر

التربية والأطفال يحتاجون الصبر وسعة صدر

الله يكون في عونش بس بنتك لس صغيرة وانت اتعاملينها مثل الكبار والضرب والحبس مو علاج

و بنتك امانه من الله الله يحفظها ويهديها يارب

@@

من صج ابيييه حرام بنتج صغيره وحتى لو كبيره ماتسوين فيها كل هذا
هذا اجرام لاحوله ولا قوته الا بالله مايعورج قلبج عليها :(

كلميها حاوريها كافئيها بنتج بهالطريقه بتزيد وبتتعقد

السلام عليكم
اختي هذه طفله لاتعي حقيقة ماتفعله اختي مع اني لست ام...
ولكن خبرتي بقراءة كتب تناقش سلوك الاطفال ونفسياتهم وطريقة التعامل معهم بسبب دراستي لهذا التخصص...
كوني مصدر حنان لها بدل ان تكوني مصدر خوف وقلق فهي طفله لم تجمع خبره من الزمن وتحاول التعرف على الحياة
لذلك انصحك بان تحاولي معالجة سلوكها الغير مرغوب في العبث والتخريب استخدمي معها اسلوب العقاب الزائد (كأن تجعليها تنظف الفرش اللذي وسخته وتنظف الغرفه بأكملها)
وابتعدي عن الضرب لأنه إن لم يضرها الآن فسيضرها إن وصلت إلى سن المراهقه وتستمر معها إلى الشيخوخه...فكل شي سيئ سيتعلق بك وقد تكرهك وتبحث عن مصدر آخر للحب والحنان اللذي تفتقده في المنزل ...
وهنا طرق كثيره لتعديل السلوك.. وماعليك إلا البحث عنها....

لالالا والله حرام عليج الطفلة لايصير فيها شي ماتخافين عليها والله اني عندي 2 اكبر منها مجننيني عدل حتى الطلعة ما احب اطلع اضربهم ما انكر خليهم يروحون حجرتهم ولا يطلعون واخلي ابوهم يقر أ في الحجرة الفاتحة والمعوذات واشغل الليتات 2 والمكيف ودايما اقول اللهم اني استودعك ابنتي فاحفظها لي يامن لا تضيع ودائعه

لكن اوديهم الحمام واطفي عليهم لا مع اني اكون قريب بنفجر منهم مستحيل أخاف عليهم الله لا يقوله اذا صار فيها شي ترى في اشياء تخوف

خافي ربش تخيليها وهي في الظلام ومرعوبة طفله ما ليها حول ولا قوة

مشكورات للخوات اللي ردو
عليا
بس يعني تتوقعون اني مستانسه اني بعمل جذي انا كل مابعمل جذي اضل ابجي مع روحي واتصل في اخويه واضل ابجي وهو يهدي فيني واقول له انا مب عارفه شو اسوي اخويه قالي مايصير جي تعاملينه وهو حس فيني في ضروفي حتى قال بياخذها عنده لفتره

بس بنات انتو بتلوموني وتقولون حرام عليج بس احس هذا شي خارج عن ارادتي مابعرف ليش اليوم حضنتها وبستها وخليتها في حضني وعطيتها شكلاته ونستله والحين قلت بنومها عندي يمكن شوي يخفف من تأنيب الضمير اللي فيني

شررووق;13087720:
لالالا والله حرام عليج الطفلة لايصير فيها شي ماتخافين عليها والله اني عندي 2 اكبر منها مجننيني عدل حتى الطلعة ما احب اطلع اضربهم ما انكر خليهم يروحون حجرتهم ولا يطلعون واخلي ابوهم يقر أ في الحجرة الفاتحة والمعوذات واشغل الليتات 2 والمكيف ودايما اقول اللهم اني استودعك ابنتي فاحفظها لي يامن لا تضيع ودائعه

لكن اوديهم الحمام واطفي عليهم لا مع اني اكون قريب بنفجر منهم مستحيل أخاف عليهم الله لا يقوله اذا صار فيها شي ترى في اشياء تخوف

خافي ربش تخيليها وهي في الظلام ومرعوبة طفله ما ليها حول ولا قوة



عن جد كلامد كثير أثرني وخلااني بعض اصابيع الندم وادعي من الله ان يهديني ويبعد عن هذه الشي يمكن سبب حالتي النفسيه اللي مئثره عليا بكل شي

أختي فيه اساليب ثانية للعقاب يعني أولا ابتعدي عن الضرب قدر المستطاع أو لو بغيتي تضربي لا تضربي على الوجه لأن فيه إهانة للطفل
ثانيا لما تريدي تعاقبيها بالحبس بدل الحبس استخدمي لها كرسي العقاب أفضل أو لو كنتي مصرة على الحبس اجبسيها في غرفة بدل الحمام لأن الحمام خطير أوبلاش تسكري الإنارة حتى لا تتسببي لها بمرض نفسي لا تخلينها تخاف منك خليها تالجأ ليكي وقت الخوف يعني تكوني لها مصدر أمان مو مصدر خوف أو حطي في بالك الطفل إلي ما يسوي مثل بنتك ما يسمونه طفل يعني لا تتوقعي راح تتصرف مثل الكبار أو انا بنتي عمرها قريب من عمر بنتك أو تصرفاتها مثل الشي أحيانا أكون تعبانة وأعصب بس أعصب بالكلام بعدين أطنش وأعصب وقت التعب

فعلن لازم احاول اغير نمط اسلوبي يمكن سبب هذا الشي يعود الى طفولتي وحالتي النفسيه اثرت فيني للكبر الحمدلله على كل حال

على عصبيتي الزايدة لكن ماوصلت للحد اللي وصلتي له يا ثلاجه
ويش هالقسوة اللي عليش
اولا : اذا كانت عندش مشاكل او مضايقه حليها عشان لاتتعب نفسيتش وتحطي الحرة في بنتج
ثانيه حاولي تهدي من نفسش شوي واذا عصبتي عناد بنتج اضربي او كسري اي شي قدامش بس لاتضربي البنت
بعدين تهدأي تلقائيا
وانتبهي لحالش وانتبهي للأمانه اللي بين ايدش لايجيش يوم وتتحسفي
الله يهدينا ويهديش

هلا اختي ثلاجه

والله العظيم انا حاسه فيكي ونفس ماقلتي يمكن بسبب حالتك النفسيه ....

فيه بعض الامهات اذا تعبن بسبب العمل او الظروف مثل الطلاق الله يبعدنا عنه او ظروف ماليه صعبه او ظروف اسريه او غربه ببلاد ثانيه او الايام اللي قبل الدوره الشهريه الهرمونات تتغير ف الام تخرج كل حيلها على اعيالها ... ولا اخفيكي سرا انا مرت عليي نفس حالتك بس مو بالضرب والحبس بس بالصراخ ... وبعدين قمت اسوي خطط مع زوجي اني اهدي نفسي شويه وارتاح وزوجي يساعدني فيها ... وبنفس الوقت قمت اوديها عند اختي تلعب مع عيالها واتمشى وارتاح ... واقري القران واستعيذي بالله وراح تشوفي نفسك تغيرتي بالفعل .....

وطمنينا عليكي وعلى الاموره ....

ثلاجه;13088091:
فعلن لازم احاول اغير نمط اسلوبي يمكن سبب هذا الشي يعود الى طفولتي وحالتي النفسيه اثرت فيني للكبر الحمدلله على كل حال

أختي إذا إنتي عشتي طفولة سيئة فأكيد ما تحبي بنتك تعيش مثلك حسسيها بالحنان وإذا عندكم حديقة جنب بيتكم حددي لج وقت أو وديها تلعب وأنتي راقبيها منها راح تغيرو جو أنتوا الثنتين وتتعدل نفسياتكم أو منها البنت تفرح ويروح عنها الخوف أو تتقرب منك يعني حاولي تحطين في بالك إنك ما تريدي إن بنتك تعيش طفولتها مثل ما عشتي وأكيد الأوضاع بتتغير أو ما تنسي لما تحسي الدنيا ضايقة فيكي كثري من الصلاة على محمد واقراي قرأن تفاديا للعصبية إلي ممكن تصبيها على البنت والله يكون بعونك أو عونها

ثلاجه;13088091:
فعلن لازم احاول اغير نمط اسلوبي يمكن سبب هذا الشي يعود الى طفولتي وحالتي النفسيه اثرت فيني للكبر الحمدلله على كل حال

ندري ان غصبا عنج بس انتي تخيليها كبرت وصارت تعاني مثلك وتقول امي ما حبتني عشت طفولة تعيسة امي تحبسني تحملي فيها دلعيها توها ياعمري طالعة ماتدري عن مشاكلك وهمومك لا تكبريها وهي صغيرة ... لا تعليمها على الخوف والرعب منك ترى أصعب شي أن البنت تخاف من أمها انتي العش الهانئ اللي ترجع له تخيلي تكبر وتدور الحب والحنان برى البيت لاتضيعي الطفولة البريئة

وارجع اقول الاطفال كلهم مثلها اذا مو أكثر والله أكتب لج واني متضايقة من بناتي كل الاطفال كدة