عاداتنا في النفاس

١- إذا كانت الزوجة بكر لازم تنفس عند اهلها وإذا بناتها كبار وقد المسؤليه تنفس في بيتها
مثلنا :)
٢- ممنوع الزينه بأي شكل من الأشكال كالف الشعر او وضع الكحل أو وضع الروج
بس في المستشفى والايام الاولى لكن في السابع تلبس وتتمكيج وتكشخ هي والبيبي F:
٣- لبس القمصان والأرواب والطرحه حتي كماله الأربعين يوم
تلبس اللي تحب بس تفضل الارواب لانها تخفي عيوب الجسم:thumbs_up:
ألاكل والشرب على السرير و من العيب النهوض من السرير والجلوس في مكان أخر إلا بعد أكمال العشرين يوم وبعدها مسموح لك بس بحدود غرفة النفاس
لا اذا تقدر تقوم براحتها لكن اول 3أيام لآ:worn_out:
٥- من العيب الخروج من البيت إلا بعد ٤٠ يوم ولو خرجتي راح تكون مصيبه ماراح يرحمونك الجماعه من السانهم صحيح :thumbs_up:
‏٦- وممنوع نوم النفاس بغرفه بروحها لازم الأم تنام عندها او أحد أخواتها يفضل :thumbs_up:

عبير البنفسج;13082809:

حبيبــتي هذي العـادات مو اجبــاريه ..

بس الأهل يحبون يخلون بنتهم تسويها لأنها تكون والده وتعبانه فـــ يدلعــــــونها ..

يعني اللي قلتيه كله مو اشياء ممنوعه .. بالعكس اشياء تـريح الوحده الللي توها والده ..

رايي من راي عبير ..مافي شي اجباري عادي بالعكس احس البكر هي الي ترتاح لكن الي معها طفلين ثلاثه مظطره تقوم وتتحرك ..وحنا عادي نقوم ونتحرك ومن تخف الخيوط ناكل ونشرب ونقعد بأي مكان..لكن المكياج انا ماايد ولا احب احطه هالفتره فرصه اريح بشرتي واغذيها عقب ارهاق الحمل وخلي الناس يشوفون كشختي عقب النفاس ..

وعلى فكره حنا عندناعاااادي من الثاني ولا الثالث تتنفس ببيتها مو شرط عندها بنات كبار..

١- إذا كانت الزوجة بكر لازم تنفس عند اهلها وإذا بناتها كبار وقد المسؤليه تنفس في بيتها
مثل عاداتنا بس احس من سنتين بدات تتلاشى ..
٢- ممنوع الزينه بأي شكل من الأشكال كالف الشعر او وضع الكحل أو وضع الروج
صحيح الزينه عندنا ممنوعه ..

٣- لبس القمصان والأرواب والطرحه حتي كماله الأربعين يوم
الملابس براحتها لاكن الاغلب قمصان ..
٤- ألاكل والشرب على السرير و من العيب النهوض من السرير والجلوس في مكان أخر إلا بعد أكمال العشرين يوم وبعدها مسموح لك بس بحدود غرفة النفاس
على حسب حالتها الصحيه ..
بس اقل من اسبوعين ماتقوم.

٥- من العيب الخروج من البيت إلا بعد ٤٠ يوم ولو خرجتي راح تكون مصيبه ماراح يرحمونك الجماعه من السانهم
هذا الصراحه تعقيد .

‏٦- وممنوع نوم النفاس بغرفه بروحها لازم الأم تنام عندها او أحد أخواتها
ماهي موجوده عندنا ..


شاكره ومقدره.



تحيآآآآآآآآآآآآتي

عادات غريبه
ماعندنا اي شي منها كلياً

إحنا عندنا عادات بعد

اللبس: لازم ملابس قطنية ومهم جدا البنطلون القطني (الصروال) عشان ما يدخل لها هوا
الزينه: مش ممنوع بس بيني وبينكم من لها خاطر تتزين وهي بهالحاله وبعدين عشان تتغير بعد الأربعين لما يجي زوجها ياخذها
القانون العام: لما طفلج ينام إنتي بعد نامي معاه (عشان تعطيها فرصة للراحة ولما يصحى طفلها تصحى معه)
الأكل: عندنا أكلات خاصة بالوالد ومهم جدا تاكلها غصب طيب تاكلها ههههههه مثل الكبدة ولازم يكون طازج والدجاج لازم تربية بيوت عشانه أقوى ويعملونه ناشف، ومعظم أكلها يكون بالخبز وإذا رز قليل جدا، والفطور أول عشر أيام الحسو اللي هو عبارة عن طحين مشوح مع زيت وبهارات خاصة وزنجبيل ودارسين ورشاد ويصبون عليه الماي ويخلونه يغلي) هذا بالذات ينظف الرحم بسرعة. وطبعا الخضروات والسلطات مهمه جدا

وللرشاقة: ههههههههه تربط الوالد بطنها أو تلبس كورسيه

بالبداية ما تباشر الملود إلا للرضاعة، وبعدين لما تتحرك وتستعيد عافيتها تصير أم عن جد تاخذه تسبحه واتطهره.

وطبعا عندنا بعد ما تطلع من البيت إلا إذا للمستشفى وبس

وطبعا يوم الأربعين تجهز أغراضها وتتحمم وترجع عروس لزوجها وطبعا مع قائمة من النصايح من أمها.

مشكورات ياقلبي على التفاعل ولي يقول دلع ومو إجباري اذكر أحد المواقف إلي مرت علي في بكري كملت شهر والحمد لله مافيني شي كنا مقبلين على العيد وكنت حابه اطلع لسوق بدون ماحد يدري والوالده حلفت علي أني ماأطلع وفي بنتي الثانيه انفست عند اهلي يوم كملت خمسه وثلاثين توفي ولد خالتي وكل العوائل سافروا للعزاء وهم أمي رفضت أني اطلع اقعدت وحده من خواتي الصغار عندي وهم راحوا ولوتدرين أن بيتي في نفس الديره إلي رايحين لها فيه أكثر من هالتعقيد

فراشه الظاهر ان والدتك تخاف من الحسد هذا الي حسيته من كلامك ولا حنا عندنا عااادي من لي 25 ابتدي اتجهز للطلعه
اطلع السوق واتقضى ولو بيتصل احد بيجي يزورني اقول بطلع عادي جدآ.......

تقريباا نفس عاداتناااااااا

يعطيج العافيه قلبي

أما إحنا في بداية النفاس ممنوع الأكل جميعها فقط خبز بر ومع الجبن !!! وفي الغدا أرز مع سمك المشوي لمدة أسبوع !!
وشرب ماي بالزنجبيل وناهيك عن عدم الحركة وعمل التمريخ وتدليك الجسم من قبل الداية .!! عذاب والله !!!!!
وربط البطن لمدة 40 يوم وياسلالالالام تطلعين والله كشخة بطنك لاصق ظهرك !!!شيء ..بس بشرط تحطين زنجبيل مطحون مع الماي وتمسحين في بطنك ..جربوها

احنا من عاداتنا الربط بس بما اني قيصريه ماربطت في الولادتين .. وشرب الماي ممنوع اله وقت الوجبات .. وطبعا الطلعه قبل ال20 يوم ممنوعه بس عقب عادي بس لازم مااطول .. بس مااروح زيارات ولا اعراس ولا شي .. المسادة لازم اتيي .. الحسو والعصيدة اجباري كل يوم ..

نفس العادات حبيبتي

:) ...............

مشكورات ياقلبي لتعليقكم وخصوصا صاحبات وصفات الكرش ومنكم نستفيد

في عادات مب عندنا نحن واول مره اسمعهاا بس مشكووورة على الطرح

مشكورة

فراشه1;13082309:
مساء الخير لكم جميعا حبيت اسألكم سؤال كان ودي أسأله من زمان والحين جاء الوقت المناسب اتمنى كل وحده مرت بتجربة نفاس أبي تقول عن عادتهم وتقاليدهم في هذي الفترة لأني أعتقد أن هذي العادات انقرضت بس من عايلتنا ماراح تنقرض ابدا راح ابدا أنا في البدايه
١- إذا كانت الزوجة بكر لازم تنفس عند اهلها وإذا بناتها كبار وقد المسؤليه تنفس في بيتها
٢- ممنوع الزينه بأي شكل من الأشكال كالف الشعر او وضع الكحل أو وضع الروج
٣- لبس القمصان والأرواب والطرحه حتي كماله الأربعين يوم
٤- ألاكل والشرب على السرير و من العيب النهوض من السرير والجلوس في مكان أخر إلا بعد أكمال العشرين يوم وبعدها مسموح لك بس بحدود غرفة النفاس
٥- من العيب الخروج من البيت إلا بعد ٤٠ يوم ولو خرجتي راح تكون مصيبه ماراح يرحمونك الجماعه من السانهم
‏٦- وممنوع نوم النفاس بغرفه بروحها لازم الأم تنام عندها او أحد أخواتها
هذي كل عاداتنا تقول كنا في سجن والان اترك لكم المايك كل وحده تقول لنا عن عاداتهم .

نفس عاداتنا بالضبط