عادي يطلع له اسنان وهو بهالعمر؟؟؟

ق

قلـب علـي

عروس فضية

06-09-2010 | 11:43 PM

السلام عليكم ورحمة الله وبركاته

امهات ابي اسألكم كم سؤال لاهنتوا..

1) ولدي الحين بالخامس ودايم يحك لثته ويعض صبعي غصب واذا اشيله يقعد يصيح..
وصار مايشرب حليب بس يبي يعضض...عادي يطلعون له اسنان الحين;)

2) وثاني شي الحلبه زينه بهالعمر اولا ؟؟لان سمعت الحلبه وايد زينه وتمتن الياهل..ودي بياهل متين ;)

3) اييه وبعد مايبي احد غيري تعبني مللني ..اذا مايشوف خشتي يصيح صياااح..مايبي احد ابددد
وبدا يعوف..يعني اذا كان عندي مستحيل احد يقدر ياخذه مني..وراي دراسه ودوام مستشفى
كيف اتصر معاه؟؟

[

مشرفة سابقة

06-09-2010 | 11:50 PM

{ ايه مثل ولد اخوي الصغير ف دخل قريب الاربع شهور وكله اصابعه بفمه بس قبل ماكان كذا...~
عادي يطلعون الاسنان بسرعة يختلف من طفل لاخر
مثلا ولد خالي ههههه ولد ولادة طبيعية وكان فيه اربع اسنان تخيلوا خخخخ
نتيجة زيادة الكاليسيوم اظن

d

dr.shahrazad

عروس مشرقة

06-09-2010 | 11:54 PM

اي حبيبتي وقت التسنين من 4_6 اشهر مع الاختلاف بين طفل و اخر

ت

تهاني العروسة

عروس مبدعة

07-09-2010 | 12:10 AM

طبيعي حبوبة عالاسنان بنت حماي طلع لها اسنان وهي خمس شهور

ق

قلـب علـي

عروس فضية

07-09-2010 | 12:13 AM

مشكورين على الردود يعطيكم العافيه ..

بس ماجاوبتوا على اسالتي الثانيه ..

ب

بسمة أطفالي

عروس ماسية

07-09-2010 | 12:23 AM

عادي كلش عادي
بنتي ماشاء الله كملت تقريبا اربعة شهور وطلع ليها اسنان وبالمقابل طاحوا ليها بسرعة

e

esperar

عروس نشيطة

07-09-2010 | 01:38 AM

قلـب علـي;13081394:
السلام عليكم ورحمة الله وبركاته

امهات ابي اسألكم كم سؤال لاهنتوا..

1) ولدي الحين بالخامس ودايم يحك لثته ويعض صبعي غصب واذا اشيله يقعد يصيح..
وصار مايشرب حليب بس يبي يعضض...عادي يطلعون له اسنان الحين;)

2) وثاني شي الحلبه زينه بهالعمر اولا ؟؟لان سمعت الحلبه وايد زينه وتمتن الياهل..ودي بياهل متين ;)

3) اييه وبعد مايبي احد غيري تعبني مللني ..اذا مايشوف خشتي يصيح صياااح..مايبي احد ابددد
وبدا يعوف..يعني اذا كان عندي مستحيل احد يقدر ياخذه مني..وراي دراسه ودوام مستشفى
كيف اتصر معاه؟؟

1/ ايه عادي.. ولدي طلع اول سن اول ماكمل الخامس
2/ مادري.. انا اخاف اعطي الاطفال شي.. والمتن بيتعب ايدك في حمله خخخ
3/ عادي حبيبتي، الحين متعرف عليك ويحس الامان معك.. بيبدأ يخاف الناس شوي بس اذا كبر بيتعود.. واذا مضطرة تتركيه اتركيه عند احد ثقة ولاتخافي، حتى لو بكى، يوم يومين ويتعود.
الله يعينك

ب

بوح الكلمات

عروس برونزية

07-09-2010 | 01:39 AM

اي عادي يطلع ليه أسنان ألحين أني ولدي طلع ليه في الخامس بس انتين اتأكدي بعد ادا لثته متورمة ويطلع لعاب واجد ولو ان من حسن حظش لو صار هالشي بيتعود على المضغ مبكر وبيسهل عليش أمر تأكيله بدل ما تتعنين لأكله وتسلقينه وتهرسينه وفي الخلاط و. . . وطوالة ! بعد فترة بسيطة بتعطينه شي في يده وبيقدر ياكله هدا اللي صار ويا ولدي . . .

ع

عبير البنفسج

عروس مبدعة

07-09-2010 | 04:34 AM

حبيبتي بالنسبه للأسنان .. كلش طبيعي .. انا بنوتي أول ما دشت الخامس طلع لها سن تحت ووالحين باقي لها 4 أيام وتدش الشهر الثامن ولا شفت غير هالسن :D ..

وبالنسبه لتلعقه فيــج .. حااولي تخلينه يتعود على اللي بتخلينه يقعد معاهم لما انتي تكونين في الجامعه والا في الدوام .. لأن اذا كان طول اليوم معاج اكيد ما يبي احد غـيرج .. انا بنوتي كانت ما تبي ولا احددد غيري وغير ابوها .. بس قمت اخليها عند امي وكانت تتعبها في البدايه لانها ما تستكت لين تعودت وصارت تسكت عند امي وعند كل اخواني ونسوانهم :D .. والله احس هم وانزاح لما تعودت علليهم لأن تعبب لما الطفل ما يبي غير امـه .. تتقيدين وما تقدرين تتحركين ..

وعــن الحـلبه والله ما ادري ما سمعت عنها شي :D ..

س

سندريلا الكون

عروس ركن التربية و الطفل

07-09-2010 | 06:18 AM

ربي يخليه لك عمره مناسب انه يطلع له اسنان ولد اختى طلعو لها بالرابع

اما عن الحلبه انا كنت اعطيها بنتي من الرابع لمده شهرين ومشالله تجنن عليها بس عيبها الريحه قويه وملفته بعد وعشان كذا قطعتها لاني عطيتها بالشتاء وقفت عشان ريحتها اول مادخل الصيف بتطلع فضايح الحلبه بس هي مفيده جدا للاطفال
واذا تبين الطريقه ولايهمك

ب

بوح الكلمات

عروس برونزية

07-09-2010 | 08:56 AM

غناتي سندريلا : ما عليش أمر ممكن توضحين ليي هو شنو بالضبط الحلبة واشلون يسوونه أولادي طالعين عليي حدهم معصقلين مثلي خخخخخ ، بس وهم عمرهم أشهر جسمهم شوي زين بس من يعدون السنة يبدؤون ينسلون ودي بطفل متختخ أموت فيهم المتختخين وهم توهم يمشون :adore::adore::adore: كأنهم بط ! ! ! واللي عندها فكرة ثانية مثل منقوع التمر تقول ليي طريقته أو أي شي ثاني يمتن وهدا بعد طلب صاحبة الموضوع على ما أعتقد . .

أ

أم فطووومة

عروس برونزية

07-09-2010 | 10:24 AM

عادي حبيبتي لا تخافين بنتي من الشهر الخامس طلعت ليها اسنان وعن الاسئله الباقيه ما عندي خلفيه فيهم إنشاء الله البنات يفيدوونج حبيبتي
والله يهديه لج ويخلييه

ب

بنت شرف

عروس رائعة

07-09-2010 | 07:40 PM

ايه عادي... حمودي طلع له اسنان 2 وعمرة 4 شهور ونص... وبالنسبة للحلبة ... مادري بصرااحة.. ماجربت ..اخاف اجرب اشياء جذي