همتكم خواتي .... عفيه طلبتكم لا تبخلون علي ....

نونو كتكو نايس;13075635:

فديتكم خواتي عفيه .... بزعجكم بجم استفسار وايد شاغلني بعرفه وعفيه اللي متاكده ترد علي لا تبخل ... وعساه بميزان حسناتكم انشالله ... اسألتي عن الطفل اللي توه مولود بما اني حامل وبنتظار بيبي يملي علي البيت فديييته وربي يرزق كل طالبة الذريه انشالله ....

السؤال الأول:
-ماء الغريب متى أقدر اعطي حق الياهل يعني اذا حس بمغص بس بأي عمر لان في ناس خربطوني منهم يقولون ما يشربه الا بعد ما يصير عمره 3 أشهر وانا اذكر انه خالاتي كانوا يعطونه من اول اشهر اذا حس بمغص ... فأبي اتأكد وأعرف متى ابدي أقدر اعطيه والكميه يعني قفشه ولا اشكثر واذا مميه (رضاعة) اشكثر...؟

تقدرين تعطينــه ماء الغريب من عمر شهر عااادي ,, بس اذا تبين شي فعال ويه المغص عليج باليانسون , نفعني وااايد مع ولدي ,أو مرقدوش الأطفال


السؤال الثاني:
-كمية الماي اللي اقدر اعطيه ومتى اعرف اذا كان عطشان ويبي ماي؟

خلي عندج دائماً ميميه صغيره للماي ,, وخلي الماي يكون مغلي ومبرد
أحسن للبيبي وحتى افضل من المياه المعدنية


السؤال الثالث:
-اذا بشربه انشالله حليب طبيعي يعني قصدي وسوري عاللفظ (من صدري) ... سمعت انه في أوقات لازم اشفط هل ضروري الشفط يعني ما اقدر اتفاداه؟

لا حبيبتـــي ,, مو لازم تشفطين , لأن البيبي اصلاً ما يضل فترة طويله من غير رضاعه
يعني كل ساعتين ثلالث يبي يرضع
فما بيتجمع حليب واايد بصدرج عشان تشفطين .. إلا اذا كنتي تبين تطلعين معاه وتحطين له من حليب صدرج بالميميه هذا شي ثاني


السؤال الرابع:
-اذا كان الشفط ظروري او لزم اني اشفط طبعا اخزنه بالمميه (الرضاعه) ... لكن اللي بعرفه له مده صلاحيه؟ يعني اشكثر اخزنه بالمميه ومتى اغيره يعني لي متى اخزنه وتنتهي صلاحيته؟

اذا تحفظينــه مبرد يعني في الثلاجه ,, أتوقع عادي يظل لمدة 24 ساعه أو اكثر ما يخترب
واذا معلومتي صحيحه ,, الظاهر يصير تجمدينــه حتى لمدة شهر ما يخترب وقبل ما يشربه البيبي يتدفى شوي عشان لا يصير بارد عليه
بس الله لا يحوجج للتجميد


السؤال الخامس:
-واذا خزنته وتالي حسيت انه يوعان ويبي رضعه أسخن الحليب عادي ولا اعطيه مثل ما اهو على حرارة الغرفه ... خاصة انه الجو راح يكون اشتى والجو بيكون برد ويمكن يبرد فشلون؟

لازم يكون في الحليب شوية دفاوة


واذا اسخنه شلون وجم حرارته لازم تكون؟

تسخنينـه في حمام مائي ,, يعني تاخذين لج شي نظيف وتخلين فيه ماي دافي وتخلين الميميه اللي فيها الحليب فيه ليما تدفى ويقدر البيبي يشربهــا
وأهم شي قبل لا يشرب منهــا صبي شوي من الحليب على معصم إيدج عشان تقدرين تقدرين الدفاوة اذا زينــه للبيبي لو لا

هذي أسألتي اللي الحين ذاكرتها خخخخخخخخخخخ انا اسفه اذا ثقلت بسألتي بس ظروري بعرفها ومشكورين وما تقصرون لكل اللي بيتعب نفسه وبيرد علي فديييييييتكم.....

رديت عليج بحسب خبرتــي ,, وسالفة الحليب والتشفط مالي فيهــا
بس هذي الاشيــاء الاعتاديــة يعني ,, وان شــاء الله الامهات المجربات يفيدونج أكثـــر

نونو كتكو نايس;13079913:

بعد عمري والله أم علاوي والزهره فديتكم ما قصرتوا صج صج فدتوني يا قلبي تسلمووووووووووووووون ويعطيكم العافيه يارب .... بس وي نسيت صج خخخخخخخخخخخخخخ واااااي ادري أسأل وايد واعل القلب سوري ... بس بستفسر عالكميه يعني اليانسون والمرقدوش اشكثر أعطيه تدرون يعني المقادير للياهل لازم تنوخذ بحذر وبالملي يعني ما يصير نتغافل على هالشي ... ومشكورين حبيباتي ما تقصرون.