مقادير العجين . 3 كيلات فرينة . نص كيلة مرقرين ذائبة . شوية ملح . فانيليا . و تعجني بماء الزهر حتى تتحصلي على عجينة متماسكة و تاخذي شويا من العجين تصبغيها بالون الاخضر تغطيها بكيس بلاستيكي تتركيها على جنب ترتاح
الحشو . 3 كيلات لوز محمص و مطحون ناعم . كيلة سكر بودرة . 3 معالق مرقرين ذائبة و ماء الزهر تخلطي المكونات جيدا و تتركيها على جنب
نجي لكيفية العمل ناخذ صواني الي راح نطهي فيهم الحلوى و هادا شكلهم
نقوم بحل العجينة رقيقة و نقطعها و ندخلها في الصواني
ثم ناخذ مودال الورق و ناخذ 2 اوراق تكون وحدة اكبر من الاخرى بحيث تكون الخضرا هي الي اكبر
ثم نشكلهم على شكل ورقة واحدة
ثم ناخذ الصواني و ندهنهم ببياض البيض و نعمل ثقب في الوسط و نقوم بادخال نهاية الورقة بواسطة عود اسنان
ثم نعمل وردة صغيرة و نضعها في النصف
و بعدطهيهم نضعهم في العسل و بعدها نضعهم في اي مصفاة لي يقطرو و ندهنهم في الاخير بالناباج او الجيلي السائل الشفاف بعد تسخينه و تضعي في النصف في الوردة الصغيرة حلوى فضية صغيرة انا نسيتها
اتمنى انها تعجبكم و اذا اعجبتكم انزل باقي الحلويات الجزائرية ....ادعولي انو ربي ينولي وش في بالي و يجمعني بخطيبي