منهارة..زوجي خذلني للمرة الثانية

مساءكم طاعة
محتاجة لكم, لان حالتي ما يعلم بها الا ربي

اقروا موضوعي الاول , من بعد اللي صار تصافينا ورجعت الامور لوضعها
وحياتنا من يومها حلوة وما لاحظت ع زوجي اي شي

زوجي عنده تلفونيين
واحد للشغل وحاط عليه قفل(بحجة لما سافرنا ضاع فون الشغل مرة وكان تجوال احد سرقه واتصل دولي)
والثاني عام

سبحانك ربي,امس اخذت فون الشغل وجربت اسوي الباسورد
جربت يوم ميلادي وميلاده وانفتح لي

والله خفت افتش خفت اشوف شي
وشفت اللي ما تمنيته
مراسلات مع وحدة.مراسلات ع فترات مش يومياً
انهرت طبعا
اخذت الرقم واتصلت عليها ما ردت(البنت طلعت اعرفها لان كان معها شغل مع زوجي وانا كنت موافقة والبنت تعرفني وتخبرني عن شغلها مع زوجي)
المهم رسلت لها مسج قوي
اتصلت
وكانت شوي وبتنهار .وقالت انها ندمانة.وقالت زوجي اللي طلع عن نطاق الشغل وكون معها علاقة واعترفت انها كانت تراسله ويطنشها احيان
وقالت هو يحبك ويموت ف ترابك وجالس يلعب معي
وانها من اسبوع مغيرة رقمها ومبتعده عنه

انااا انهرت لزوجي وجلس يبكي مثل الاطفال((اول مرة اشوف دمعته)) لما شافني اسوي جنطتي .كنت بطلع من البيت
من الصباح واهو يعتذر لي
ويقول اطلب اللي اريده ومستعد
والبنت طايحة فيني مسجات تطلب مني اسامحه واسامحها

ارجوكم قوولوا لي وش اسوي