كيفكم عرائس؟؟؟؟
انا الحين داخله بالرابع وسويت فحص وكل شي تمام والجنين زين ونموه طبيعي بس عندي المشيمه نازله من الشهر الي طاف ممكن تعطووني نصائح وكيف ممكن ارتاح للعلم انا اشتغل وطول وقتي بالمكتب وهل نزول المشيمه فيه خطر على جنيني؟؟
تكفون طلبتكم لاتردوني:'(
هلا حبيبتي
نزوول المشيمة خطرر وخصوصا انه توك في الاشهر الاولى
وحاولي تراجعين الطبيب على طول يعني مو تتركين
لانه اذا استمرت الحالة لاسمح الله ممكن تسبب نزيف أو ولاده قيصرية
حاولي ماتعبين روحج وايد وحتى في الشغل لا تعبين روحج واذا تقدرين تاخذين اجازة أفضل بعد
ولاترفعين أشياء ثقيلة أو تجهدين روحج
وحاولي اذا بتنامين أو حتى لو قاعدة ترفعين ريولج على الطوف
وماعليج شر والله يوصلج بالسلامة
مشكوره اختي على النصيحه الغاليه انا كثير خايفه لا يحوشني نزيف واتمنى من بقيه البنات يفيدوني
بلا خوف و وسواس بس لازم تريحي والشغل ينترك بأول الأشهور لما ترتاحين عدل
وراجعي الأطباء كل بين يوم والثاني
سمعت انه مو زين تنزل المشيمة
الله يبعد عنج وعنـــا كل سوء
مشكورات حبيباتي على الردود
ضروري انام على ظهري وارفع رجولي ولا يكفي انام بدون لا ارفع رجلي؟؟؟
وهل نزول المشيمه ممكن يسببلي اجهاض لا قدر الله والله خايفه وحاسه نفسي متضايقه
هلا
حاولي انش ترتاحين وما يصير جماع
لان اختي جدي كان عندها البشيمه نازله ولدت ولادة مبكرة يعني في الثامن
معنى اختي كانت ما تتحرك كل مرتاحه اهم شي انش ترتاحين
وينكم يا بنات الكلمه الطيبه صدقه فيدونا بخبراتكم والي ردت لها جزيل الشكر وربي يسعدها
الله يثبت حملك على خير
حبيبتي وحده من اقاربنا نزلت عندها المشيمه وسوى لها عمليه وهي في السابع
روحي لدكتورة تطمنك اكثر
يا حلوت فيدوني واستفيدوا بكره ردودكم تكون مرجع لمنتديات عروس لاي وحده تصيدها نفس المشكله والردود المفيده تكون صدقه لصاحبتها بدون لاتدري... بكره ما تعرفون يمكن الي تستفيد تدعيلكم عن ظهر قلب..:o
اختي.. ماعليج شر ولا ضر ان شاء الله
بس ضروري تاخدين اجازة هالفترة..
لانه لازم ترتاحين وتنامين على ضهرج وترفعين رجولج...
لانه نزول المشيمة مو زين وفيه خطر..
مع اني اعرف وحدة ولدت طبيعي رغم انه المشيمة كانت نازلة عندها..
بس الاغلبية يولدونهم عملية....
معافاية ان شاء الله.... ومانسمع عنج الا كل خير