تكفون بنات الإمارات ساعدوني

السلام عليكم ..

احب اني اساعدج..

عندج القاعات كالتالي:

الشارجه:

- قاعة رينسانس (اذا صح تسميته) وهو كونتينتال سابقا.. حوله القاعة الرئيسية مالهم.. وفي قاعة صغيره حذالها اذا حبوتوا عرس الرياييل فيها.. صدق غاويه..


دبي:

كل فنادق دبي الرئيسية..

حياة ريجنسي. (حلوة قاعة الكرستال على ما اعتقد اسمها)
جراند حياة.. بس اكلهم مو شي لين هناك.. اختاروا المنيو انتوا وجربوه.. بس قاعته رهيب ويديد الفندق..

عندج هوليداي ان كراون بلازا.. في شارع زايد.. بعد قاعته رهيبه وعوده..

عندج ابراج الامارات. بس قاعتهم صغيره شوي بس 600 نفر على ما اعتقد..

عندج قرية البوم.. وفيها قاعة لطيفة وقاعة راشد.. وكلهم كبار وحلوات..

عندج البستان روتانا..هذا قاعته لا يعلا عليها ..كبيره وحلوه مرّه..

عندج اليستان ريزيدنس.. بعد قاعتهم كبيرة وحلوه..

هييل اللي اذكرهم الحين.. وان شاء الله اذا اذكرت شي بضيفه.واذا بغيتي اي شي اظافي انا حاضره الغاليه...

الله لا يحرمنا منج يا ملاك الإمارات...ومشكورة وماتقصرين أختي الغالية

فالج طيب الغاليه.. افا عليج. كلنا موجودين للمساعده

هلا الغالية في موضوع كامل عن القاعات الاعراس في الامارات

ما شاء الله ملاك الامارات كفت ووفت

مرحبا اختي الدهيم ...

واللي في راس الخيمه عندج

صالة الكريستال وايد حلوه ..

وصالة الثريا بعد حلو ...

وصالة البوم بس صغيره شوي ..

وصالة المها ..

وايد وحده الكورنيش بعد حلوه وفخمه

السلام عليكم ورحمة الله وبركاته..

ان شاء الله هالرابطه بتفيدج..

قاعات الاعراس والفنادق في الامارات