مشكلتي تردد الصوت موجود بس ما اسمع شيء؟

اوكي ممكن يكون السبب خلل من السماعات الخارجية للاب او الخيارات اللي في اللاب غلط... فلازم تتأكدين من الخيارات عشان تعرفين من شنو الخلل

- اول شي تاكدي ان الصوت مو محطوط عليه mute
- وبعدين طقي ستارت واختاري settings وبعدين control panel وبعدين sound...تاكدي من خانة playback هل موجود speakers? وهل محطوط عليه علامة صح? وهل مكتوب عليه كلمة working?
- وبعد في control panel دشي device manager وبعدين sound, video and game controllers وجوفي اللي خاص بالصوت هل موجود بجانبه علامة استفهام او اكس؟ طقي عليه رايت كلك واختاري properties وفي خانة general جوفي شنو مكتوب في device statues? هل مكتوب this device is working properly? وبعدين طقي مرة ثانية على نفس اللي اخترتيه مالت الصوت رايت كلك بس هالمرة اختاري update driver software وبعد جربي اختاري scan for hardware changes...


سوي خطوة خطوة وقولي لي شنو يصير وياج عشان اقدر اساعدج واجوف لج الحل...

تسلمين خويتي عالمساعده جزاك الله عني كل الخير

اول خطوه سويتها الصوت ما عليه mute شغال

وثاني شغله رحت sound ومكبرات الصوت عليه صح

واتبعت كل الخظوات اللي قلت لي لي لين سوى الكمبيوتر update على نفسه ولما اشتغل الصوت مثل ما كان ما تغير شيء

ما ادري اذا في حل ثاني لها المشكله

عفوا اختي اتعبج معاي بس احترت ما اعرف ايش اسوي

لا عادي اختي ما في تعب...

اوكي جربي هالطريقة وان شاء الله تنفع:
طقي ستارت وبعدين settings وبعدين control panel وبعدين اختاري administrative tools وبعدين اختاري services وبعدين اختاري windows audio طقي عليه دبل كليك... تأكدي في خانة general ان محطوط على automatic في "startup type" وبعدين روحي على خانة recovery واختاري حق "first failure" و "second failure" و "subsequent failure" هالجملة (restart the service) وبعدين طقي اوكي وجربي اذا تعدل الصوت او لا وسوري رستارت احتياط يمكن يتعدل عقب هالحركة

خويتي تبعت تعلماتج بس الحال مثل ما هو :'(:'(

دام الصوت يطلع لما تشبكين المايك يعني تعريف الصوت عدل عندج وخصوصا ان ما لقيتي علامات استفهام او شي...
اتوقع اختي الخلل من مكبرات الصوت في لاب توبج..وديه عند مصلح واتوقع بيقولج ان مكبرات الصوت متعطلة
وخبرينا شيصير وياج

جزاك الله عني كل الخير يا خويتي