مساعدة من أعضاء المنتدى

B

Bride 2003

عروس جديدة

24-08-2003 | 06:45 PM

بنات أنا عروس جديدة وعايزة مساعدتكم
في الأشياء اللي تحتاجها العروس

تذكروني فيها:clap:

م

ملاك الامارات

عروس متألقة

24-08-2003 | 07:11 PM

حاضرين للطيبين.. اول شي احب اقولج مبرووووووووووووك مقدمـــــــــا..

وبالرفاء والبنين. واسأل الله لكي ولجميع المسلمين السعادة والهناء ان شاء الله..

احب اقولج نصيحه اخويه.. انا شراتج عروس.. وعرسي باذن الله باقي عليه اقل من شهرين.. يعني حالي من حالج.. دايما دايما توكلي على الله.. وحاولي ما تسوين اي شي يغضب الله تعالى في عرسج. وابتعدي عن البذخ والصرف اللي ماله داعي ابدا.. :)

اول شي.. حطي جدول.. كل اللي تبينه.. يعني بداية من المغربيات والملابس والمخاوير.. نهاية بحجوزات الصالون وغيره..

وحطي جبن كل شي كم تبين تصرفين عليه.. يعني مثلا المخاوير بتصرفين عليهم 2000 مع القطع والتخوير.. ومثلا المغربيات بتشترين 3 او 4 بسعر معين.. وكذا...

انا عن نفسي سويت جيه.. والحمدالله عارفه عمري كم احتاج لكل شي.. وكم صرفت لين الحين.

هذا كله عشان ما تين اخر شي مخلصه فلوسج وانتي ما خذيتي شي..

نصيحه ثالثه.. لا تاخذين اشياء وايده.. بتشوفين من خلال مرورج في هالمنتدى انه اغلبية العروسات ندمن انهم خذن. وانا كل ربيعاتي نفس الشي قالولي.. ربيعتي تقولي انا تحسرت لاني خذت اشياء وايده والحين كلها مفروره في الكبت.. (لانها حملت قبل ما تتهنا فيهم)

اتمنى اني قدرت افيدج.. :)

ع

عروس دبي

مشرفة سابقة

24-08-2003 | 07:12 PM

هلا عزيزتي وهذا الموضوع تكرر اكثر من مرة ممكن تسوين بحث او تصفحين

المواضيع السابقة وبتلقين طلبج ...:smile: