مشروع إحتفال ليلة العيد أفكاري نمزجها بأفكاركم ..

1- ترتيب الممر .. وفرشها بالتل .. ورش الورود الطبيعية على التل .. وأنا جاتني فكرة ثانية وهي أني أشتري أوراق طباعة بلون أحمر .. هذاك اللي يجيك فيه مثل العروق
وأطبع عليها قلوب ومن ثم أقصصها وأنثرها ... فكرة حلوه .. لكن إن شاء الله أنفذها ..
2- لو عندك استاند تزينيه أو حتى تسوين إستاند .. طريقة عمله جاتني فكرة بس ما نفذتها بعد إن شاء الله تصلح / ناخذ كرتونة كبيرة ونقصها على شكل مستطيل
نلفها ونلصق أطرافها .. ونخليها اسطوانية ونلبسها بقماش ساتان مثلا ابيض ونلصقه مضبوط ومشدود .. ومن ثم ناخذ كرتون ثاني ونقصه على شكل قلب مثلا أو حتى مستطيل ونلبسه بعد بالقماش .. ونغريه بالاسطوانية ..
استاند بسيط جدا للي تحب تسوي اغراضها بنفسها ... ومن ثم تحطي طبقة فوقها بالتل الاحمر مثلا وتزينيها بالشرائط الذهبية ..
تحطين فوقها دفتر تسوينه بنفسك .. لو تعرفين للفوتو شوب فأنا أغبطك لآنك بتبدعين فيه على الدفتر .. المقدمة خليه تصميم من صميم قلبك ..
وأبدعي فيه .. خليه مثل الكتاب هدية لزوجك .. ما أوصيك شموع وورود وحركات حلوه وتخلينها عند باب الصالة ..
تلصقين بالجدار خرابيط حلوه خخخخ قلوب , تفاح , حروف , شماغ ما يبيه علقيه وهو مثلث .. وحطي بالوسط كلمات شعر غزليه .. أو أي أي شيء ..

طيب خلصنا الصالة ولو فيه أي إضافات إن شاء الله بأرجع له ..

لاتنسوني من صالح دعائكم ... والردود .. والتقييم .. ومشكورااااااات ..

أسألكم بالله ما أحد يأخذ هالكلام وينقله لآنه جهدي الشخصي ..
وما أحلل نقله أبدا ..

[MARK="#990099"] المطبخ .. [/MARK]

المطبخ غيريه حتى هو 180 درجة .. بدلي أماكن الاشياء ..غيري مفرش الطاولة سوي تغيير X تغيير ..
أطبخي بوفيه صغير لو كان فيه وقت .. ولو ما كان فيه وقت عندك خذي من محلات المخابز والحلويات .. طبعا يفضل أكل البيت ..
لآن الرجال يحبون طباخ البيت ..
سوي مثل خلية النحل والمعجنات والكيكة والحلى قبلها بيوم أو يومين وخليها بالفريزر قبل ما تحطينها بالفرن .. ماعدا الكيكة سويها جاهزة قبلها بيوم ..وخليها بالثلاجة أو الفريزر ..
سوي بدايات الطبق الرئيسي من الصبح ...
خيطي قبلها بأيام غطايات من قماش واحد أو قماشين متناسقين ويكون افضل لو بنفس لون الليلة وأفضل لو يكون بالتل .. لمقابض فرن الغاز تسوينها بالتل وتلفين حولها بشريطة ذهبية وتسوين فيونكة ..
و ماسكات قدور ومريلة بسيطة كلها بقماش يناسب التل طبعا أحذري هذا فقط للمنظر .. لو تبينه للشغل سويها بقماش طيب ..
لمعي الارضية ومن ثم قبل الشطف النهائي حطي في ماء شوي كمفورت وبعدها غسلي الارضية وشطفيها بالماء ..
أما أسطح الدواليب والثلاجة خليها بماء وكمفورت ولا تطشفيه فقط أمسحيه ..
الثلاجة وقالت عليها أحد الاخوات مشكورة ... حطي بالثلاجة ثلاث او اربع بقشات من التل فيها وصفات لمنع ظهور روائح غير محببة وطريقتها /
قصي التل دوائر وحطي بداخلها فحم مجروش + عويدي + قرفة + فانيليا + بيكنج صودا (بكربونات الصوديوم) واربطيها بالشرائط ..
ضعيها داخل الثلاجة أو الاماكن الاخرى اللي تبين تسحبين منها الروائح .. ويقولون أنه يقعد مابين 10 إلى 12 اسبوع
طيب طاولة الطعام أيا كانت في غرفة الطعام ولا في الصالة ولا المطبخ زينيها خليها ولا مطعم سبع نجوم ..مفرش حليو .. يكون طقم لنفس الليلة ..
السكاكين والملاعق والشوك مربطة على شكل فيونكة بشرايط ذهبية .. وفي الوسط سلة من الفواكة وشمعدانتين بجانبها ..
ملي المطبخ شموع ... وش المانع ؟!!
طيب بكذا خلصنا المطبخ .. وحتى لو تذكرت شيء بأضيفه إن شاء الله ..

[MARK="#660066"]~ نتااااااااااااابع ~[/MARK]

لاتنسوني من صالح دعائكم ... والردود .. والتقييم .. ومشكورااااااات ..

أسألكم بالله ما أحد يأخذ هالكلام وينقله لآنه جهدي الشخصي ..
و ما أحلل نقله أبدا ..

[MARK="#660066"]المجالس ..[/MARK]

عاد أنتي ممكن تبدلين بين مجلس الحريم ومجلس الرجال ... بحيث يكون فيه شيء مميز صار ...
تعلقين لوحة .. أو تنزلين تحفة .. تبدلين بين التحف .. تجددين التحف بذوقك أو تشترين تحف جديدة ..
تاخذين ارفف من ايكيا وتخلينها بالمجلس نوع من التغيير .. وتحطين عليها تحف حلوه ..
ابجورات جديدة وحركات حلوه .. وهكذا .. تغيريين الزوالي ..
أنت وذوقك ..

.: مقر الحفل :.

لك ولزوجك .. تختارين المكان المناسب .. تسوين فيه حفلة مثل حفلات الاعراس .. تجهزين إضاءات حلوه وكرسي وتزينيه وتجلسين عليه بعد ماسويتي ميك اب وتسريحة ولبستي فستان الزواج ..
ولو كنت من النوع اللي تتضايقين من هالحركة ألبسي فستانك الانيق وسوي تسريحة وميك أب بعد ..
خلي زوجك يروح في فترة التجهيز عند أخوياه .. وبعدين ترسلين له مسج بطريقة حلوه وكأنك تدعينه إلى حفلة .. يشرفني حضورك إلى منزلنا الجميل وإلى عشنا الدافئ ..
يا حبيبا يسكن داخلي .. يا عصفورا يغرد في سمائي ..
وهذا مجرد مثال ... عاد إنت وإبداعك وكلماتك الحلوه ..
هذا والله تعالى أعلم إن أصبت فمن الله وإن أخطأت فمن نفسي والشيطان ..
وأسألكم بالله أنكم ما تاخذونه وتنشرونه .. هذا من جهدي وتعبي .. والله يوفقك الجميع .. وليلة حالمة ..(=

[MARK="#660066"]أنتهينا ..[/MARK]

لاتنسوني من صالح دعائكم ... والردود .. والتقييم .. ومشكورااااااات ..
..
أسألكم بالله ما أحد يأخذ هالكلام وينقله لآنه جهدي الشخصي ..
وما أحلل نقله أبدا ..