____رابطه المغتربات بالسعوديه_____

ازيك يا جمييييييل
سبحان الله دا انا كنت هاقولك ماتدوري على شغل طيب ليه ما فكرتيش تنزلي مصر وترجعي على حاجة
انا طب بيطري وطبعا ماليش اي شغل هنا بس الحاجة المشهورة هنا هي التدريس في المدارس الخاصة واللغات فكرت كتير لقدم بس خايفة اخد الخطوة ومااقدرش اضبط وقتي بين البيت والشغل ومازال التفكير مستمر
طبعا اكيد جدة والمدينة الوضع فيهم احلى نفسي قوي اعيش في المدينة كفاية ان الواحد يكون جنب الرسول عليه الصلاة والسلام انتي عارفة انا كنت عايشة في الامارات فطبعا اول ماجيت حفر الباطن جاتلي صدمة بس طبعا لما جيت بريدة لقيت البلد احلى والحياة فيها اسهل
انتي ربنا يعينك على الدايت ويرزقك الذرية الصالحة
اصلا الدايت صعب مع قلة الحركة انا بقالي فترة ومش عارفة اضبط وزني خالص نزلت 10 كيلو وفاضل 7 مش راضين ينزلة حاسة ان المفروض الواحد يجيب جهاز رياضة في البيت
انتي بتقدري تزلي لوحدك ولا برضه اول ماجوزك يروح الشغل تتحبسي 8o|

لا طبعا أنزل لوحدي مين بس... مابنزلش غير لو زوجي موجود... ينزل معايا.. بس هو أصلا الحمد لله مواعيد شغله حلوة .. يعني خميس و جمعة أجازة تماما .. و بقيت الاسبوع بيشتغل من الصبح لحد الساعة 5 و بقيت اليوم فاضي.. بيروح جيم بقى و بعدين يا ننزل يا نعد في البيت نتفرج على حاجة ..
فكرت انا في حكاية المدارس دي بس لقيت انهم بيبقوا عايزين حد متخرج من تربية او آداب و متخصص في المواد و الأولوية للسعوديات طبعا .. و كمان معرفش لسة ايه المدارس الخاصة هنا.. اه و كمان عايزين خبرة
فكرت ادي دروس خصوصية بس جوزي رافض اني اروح بيت حد .. و انا كمان قلقانة .. مش عارفة ليه مع اني دارسة في السعودية و عارفة المناهج هنا و حتى لو اتغيرت مش حتكون للدرجة يعني.. و الانجليزي بتاعي الحمد لله كويس جدا .. بس مش عارفة ليه قلقانة اخد الخطوة دي... مع ان صاحبتي في المدينة عايزة أقولك ماشاءالله مع انها ما كملتش دراسة في جامعة بعد ثانوية عامة بس بتدي دروس قرآن و لغة عربية و علوم و كدا لبنات ابتدائي و اعدادي و ماشاءالله البنات شاطرين و ناجحين اوي معاها و الموضوع ماشي معاها كويس.. بس انا اللي متخوفة ... و كمان مليش علاقات بحد و خايفة أتأيد بمواعيد بقى و كدا و أقصر بعد كدا و انا محبش أقصر في حاجة أكون بعملها ...و خصوصا ان زوجي بقيت اليوم في البيت و خميس و جمعة اجازة.. فقلبت الموضوع من دماغي برده ..

ازيك يا جميل
طيب كويس مواعيد شغل جوزك ما شاء الله حلوة
طيب ليه مش بتنزلوا بريدة في الويك اند
انتي كنتي طالعة حملة الحج من هنا كان ايه نظامها احنا عايزين نطلع السنة الجاية ان شاء الله

بصي هي الحملة كانت حلوة و كويسة اوي.. احنا طلعنا في الفئة ب ... هي فئات على فكرة بتختلف بس على حسب مكان الخيام.. في خيام بتبقى في منى القديمة نفسها و دي فئة أ و ب... و باقي الفئات بتبقى في منى الجديدة او مزدلفة ... و كدا... لكن الخدمات و التنقلات كلها زي بعض.. الأكل اوبن بوفيه طول اليوم الفطار و العشا و الغدا.. و فاكهة و حلويات و مش عارف ايه .. التنقلات بين المشاعر عليهم برده .. بس السنة دي عملوا قطار بين المشاعر اللي عايزه بيحجزه تقريبا كان ب 250 باين الفرد على ما اتذكر.. ده بدل الباص يعني.. بيعملوا علطول في الخيمة أحيانا مسابقات دينية و حفظ قرآن و بيعملوا ندوات و محاضرات.. بس الحملة اللي انا طلعت فيها من بريدة كانوا متشددين شوية حتى في لبس البيت مثلا بلاش البيجامات و بلاش حاجة يكون مرسوم عليها دبدوب و لما تحرمي تغطي وشك كله و عنيكي و اللي عباياتهم مخالفة على الكتف او فيها تطريز جابولهم عبايات شرعية على الراس و عايزنهم يبدلوها يعني ياخدوا العباية بتاعتك و يدوكي العباية الشرعية و ماتاخديش حاجتك تاني خلاص.. كدا يعني.. بس اختياري برده مش اجباري... بس كانوا كل شوية يتكلموا في الموضوع ده..
بس صاحبتي طلعت السنة دي من حملة اسمها المكرمون من الرس... كانت نفس البرنامج برده بس ما كانوش متشددين أوي...
احنا كانت حملتنا اسمها المحيميد فرع البركة...
و لو عايزة أي استفسار تاني اسألي..
اه الاسعار زادت السنة دي عن السنة اللي فاتت احنا كنا فئة ب و كان الفرد ب 3500 تقريبا الشنة دي سمعت انها ب 5 و 7 الاف...
بس كدا...
طبعا الحملات دي بتطلعلك تصاريح ... في بقى حملات بتطلعك بدون ترخيص.. هي بتبقى أرخص بس الاقامة بتاعتكم بتبقى في مكة في العزيزية.. دي مش بحبذها بصراحة... خصوصا لحد أول مرة يحج.....

manyaa;13843516:
بصي هي الحملة كانت حلوة و كويسة اوي.. احنا طلعنا في الفئة ب ... هي فئات على فكرة بتختلف بس على حسب مكان الخيام.. في خيام بتبقى في منى القديمة نفسها و دي فئة أ و ب... و باقي الفئات بتبقى في منى الجديدة او مزدلفة ... و كدا... لكن الخدمات و التنقلات كلها زي بعض.. الأكل اوبن بوفيه طول اليوم الفطار و العشا و الغدا.. و فاكهة و حلويات و مش عارف ايه .. التنقلات بين المشاعر عليهم برده .. بس السنة دي عملوا قطار بين المشاعر اللي عايزه بيحجزه تقريبا كان ب 250 باين الفرد على ما اتذكر.. ده بدل الباص يعني.. بيعملوا علطول في الخيمة أحيانا مسابقات دينية و حفظ قرآن و بيعملوا ندوات و محاضرات.. بس الحملة اللي انا طلعت فيها من بريدة كانوا متشددين شوية حتى في لبس البيت مثلا بلاش البيجامات و بلاش حاجة يكون مرسوم عليها دبدوب و لما تحرمي تغطي وشك كله و عنيكي و اللي عباياتهم مخالفة على الكتف او فيها تطريز جابولهم عبايات شرعية على الراس و عايزنهم يبدلوها يعني ياخدوا العباية بتاعتك و يدوكي العباية الشرعية و ماتاخديش حاجتك تاني خلاص.. كدا يعني.. بس اختياري برده مش اجباري... بس كانوا كل شوية يتكلموا في الموضوع ده..
بس صاحبتي طلعت السنة دي من حملة اسمها المكرمون من الرس... كانت نفس البرنامج برده بس ما كانوش متشددين أوي...
احنا كانت حملتنا اسمها المحيميد فرع البركة...
و لو عايزة أي استفسار تاني اسألي..
اه الاسعار زادت السنة دي عن السنة اللي فاتت احنا كنا فئة ب و كان الفرد ب 3500 تقريبا الشنة دي سمعت انها ب 5 و 7 الاف...
بس كدا...
طبعا الحملات دي بتطلعلك تصاريح ... في بقى حملات بتطلعك بدون ترخيص.. هي بتبقى أرخص بس الاقامة بتاعتكم بتبقى في مكة في العزيزية.. دي مش بحبذها بصراحة... خصوصا لحد أول مرة يحج.....

]
ربنا يكرمك يا جميلة
حاجة صعبة قوي موضوع التشدد ده يلا ربنا ييسر السنة الجاية ويكتبهالنا
مش هانشوفك قريب ولا ايه

السلام عليكم
انا ممكن اشترك معاكم انا دعاء مصريه من القاهره و ومقيمه فى السعوديه من 4 شهور فى مدينه اسمها رابغ

doaaes;14020943:
السلام عليكم
انا ممكن اشترك معاكم انا دعاء مصريه من القاهره و ومقيمه فى السعوديه من 4 شهور فى مدينه اسمها رابغ

ازيك يا قمر فين مدينة رابغ وعاملة ايه مبسوطة هناك

ام يايا ازيك انا كمان فكراكى انتى عندك هيا على ما اتذكر صح؟

السلام عليكم ورحمه الله وبركاته
ايه الموضوع الجامد ده انا مصريه مقيمه فى مكه من 6 سنوات اهلا بيكم جميعا ويارب نهون على بعض الغربه

ام كند;13272094:
السلام عليكم
انا مغربيه عمري 28سنه متزوجه بسعودي بالرياض

يا حي الله أم كند الحلوة شخبارك الزين :L:

انا ايضا مغربيه مقيمه بالرياض F:

السلام عليكم و رحمة الله و بركاته
أنا مغربية مقيمة في جدة .
الحمد لله صحيح مغتربات لكن وضعنا أحسن من غيرنا بكثير,ديننا واحد و لغتنا واحدة و ان كانت عاداتنا و اكلاتنا تختلف بعض الشيء فهده ميزة علينا الاستفادة منها!

رور;14175198:
ام يايا ازيك انا كمان فكراكى انتى عندك هيا على ما اتذكر صح؟

ازيك يا رور انتي فين ما باقيتيش تدخلي تجمع الامهات ليه وازي عاليا

ام عمر ومعاذ;14178340:
السلام عليكم ورحمه الله وبركاته
ايه الموضوع الجامد ده انا مصريه مقيمه فى مكه من 6 سنوات اهلا بيكم جميعا ويارب نهون على بعض الغربه

ازيك يا جميل قوليلنا ايه اخبار الحياة في مكة يعني اعتقد ان كفاية ان فيها الحرم
بس معلش ليا عندك سؤال ايه اخبار المدارس عندكوا في مدارس انترناشيونال

ام يايا;13845560:
]
ربنا يكرمك يا جميلة
حاجة صعبة قوي موضوع التشدد ده يلا ربنا ييسر السنة الجاية ويكتبهالنا
مش هانشوفك قريب ولا ايه

ياااااااااااه بقالي فترة مادخلتش التجمع ده :)
أم يايا .. يا ريت أجي بريدة مرة .. بس كل ما بيكون عندنا اجازة بنزل لأهلي في المدينة..
بس ان شاءالله ناويين يوم نروح بريدة ربنا يسهل ان شاءالله :)
انت اخبارك ايه؟؟

يا هلا حبيباتي ابقى رآيكم باسم

[تالين ] ؟

ضروري يهمني رآيكم

ازيك يا مانيا فعلا احنا بننسى ندخل التجمع ده
انتي عاملة ايه
مش بتقدري تنزلي حتى في الويك اند ولا المشوار بعيد انا كنت السنة اللي فاتت ساعات باروح الرس مع جوزي تغير جو

أنثى ملآئكية;14290252:
يا هلا حبيباتي ابقى رآيكم باسم

[تالين ] ؟

ضروري يهمني رآيكم

اسم حلو انا باحب الاسامي الجديدة بس هو معناه ايه

السلام عليكم
انا ام شهد مصرية
ومقيمة بخميس مشيط

تالين اسم مره حلوه
معناه من التالين اي التلاوه
اعتقد والله اعلم

بنات ازيكمممممممممم انا برياض