.،. كااسر خاطري خطيبيي ! .،.

وسعي صدرك ..

والله ما فيه اصدقاء بمعنى الكلمة هالزمن الا من رحم ربي .. !!

يمكن خيرة لك انتي وزوجك انه قطع علاقته فيهم ..

وخاصة ان سمعتهم سيئه .. بالعكس احمدي ربك انكم عرفتوا نواياهم .. وان ربي ابعدكم عنهم لا يسببون لكم مشاكل حتى بعد الزواج ..

انتي حاولي تهدأين زوجك .. وتذكريه انها خيره لكم انهم بانوا على حقيقتهم .. وقولي له تأكد ان ربي راح يعوضك بأصدقاء أحسن منهم ..

والله الفكه من هالأشكال غنيمة ...!!!!!

{ اصابعه مو سواء...~

علشان كذا انا افضل ف هذا الزمن العلاقات السطيحة..~
يعني يروح مع اصحابه يتانس يتونس معاهم وكذا
بس اموره الخاصه مايعلم فيها احد الا انتي والمقربين جدا مثل اخوانه
بـــــــــــــــــــــــــــــــس

وبهذي الطريقة يتجنب المشاكل
والطعنات
ويرتاح باله وحاله ان شاء الله

:)

هذه حياته و انصحج خليه يقرر شنو بيسوي و انت اهتمي بامورج. هذه خصوصياته. مع اني استغرب ان هم مو زينين و هو كان يمشي معاهم!! يقولون الطيور على اشكالها تقع.

هذا زمن تجيك الطعنه من اقرب الناس لك

دانة المنامة;13046417:
هذه حياته و انصحج خليه يقرر شنو بيسوي و انت اهتمي بامورج. هذه خصوصياته. مع اني استغرب ان هم مو زينين و هو كان يمشي معاهم!! يقولون الطيور على اشكالها تقع.

يعني تحسين إني مهتمة زيادة عن اللزوم ؟؟
اممم مادري بس بعد ما احب اشوفه جذي لان حتى اني اتضايق ويخترب مزاجي !

مسكين و الله كسر خاطري

بس زين انه تركهم و ابتعد عنهم

ماقول الا الله يصبره و يوفقه

وانشالله مع الوقت راح يلاقي اصدقاء احسن منهم

الدنيا تغيرت ماهي الاوليه

بس احسن بعد
عشان يصير لج انتي وحدج

نصيحة لوجه الله

خليه على راحته

اللي صار معاه صار معاي حرفيا واخس ,, وتركت الاولي والتالي ,, وركزت على اهلي ودراستي وشغلي ,, وصارت علاقتي بأهلي اكثر وتوطدت اكثر ,, وصارت روحاتي ويياتي مع خواتي اكثر ,, لدرجة انه اكتشفت انه خواتي اهم ربعي ,, وارتاحت نفسيتي اكثر صرت ابديهم على الناس وعلى نفسي احيانا

وارتحت نفسيا لما ابتعدت عن الناس ,, تعبت نفسيتي اشوية لانه كنت متعلقة مع ربعي ,, اللي يازعم ربع ,, بس بعدين ارتحت نفسيا من قلب

بالعكس ,, اصلن خليه جذي ,, عشان يصير معاج 24 ساعة ,, في هالفترة انتي حاولي تتقربين منه ,, وتصيرين له الصديقة والاخت والام والزوجة ,, حسسيه انه الشخص الوحيد اللي يقدر يوثق فيه اهو انتي :D

وخله يرتاح من الناس وهم الناس

وش ورا الناس غير الهم وعوار الراس

اهو حاليا مو متقبل احد بسبب الصدمات ,, وهذا شي طبيعي ,, خليه يرتاح من الكل ,, ويفكر بروحه بهدوء عشان لا يعيد ويكرر نفس الغلط ,, الا واهو انه يوثق بأحد ,, وعشان يعرف يختار ربعه عدل ,,

وموفقة حبيبتي

زين ماسوى وابتعد عنهم وانت حاولي تشغلي تفكيره عن هالموضوع ولا تخلينه يرجع ليهم اذا هذي صفاتهم

مثل ما قالو البنات اختي احسن واحد يعمل علاقات سطحية لانه من النادر النادر تلاقي في هذا الزمان الاصدقاء

الوفيين والصالحين الا من رحم ربي


لازم ما يوثق في احد غيركم واهله ...لان بكرى لما ينقلب الحال راح يلاقي مو بس طعنة..راح يلاقي طعنات



تحياتي

الله يعينه كسر خاطري وااااااايد
بس أصدقاء هالزمن ما فيهم خير وكلهم أصدقاء مصالح

توكلي على الله وما يكون خاطرك غير مجبور باذن الله تعالى
حبيبتي اغلب الناس صايرة هيك
وكل يوم بتنصدمي بحد جديد
لكن اشوف انه تركه لاصحابه افضل بمئة مرة من وجوده معهم وهم مو رايدين له الخير

عسى ربي يفرجها عليكي وعلينا يا رب

اختي لا يكسر خاطرج ولا شي عنوني

احمدي الله انه اكتشفهم قبل ما يفوت الفوت

في اصدقاء تعطينهم ماي عيونج والاكو والماكو

واخر شي يطعنونج

فدام هو كشفهم من الحين قبل ما تكون الخسائر النفسية والمادية اكبر واكبر

واللي تشوفينه من تصرفاته الحين ناتج من التعود على شي وتركه بعد فترة

ان شاء الله قريب بينساهم

ونصيحتي لج صيري انتي صديقته

وكرري هالكلمة وايد

قولي لي له احنا اصدقاء مو ؟؟

خلج الزوجة والحبيبة والصديقة بعد للمستقبل البعيد !!


:)
تحياتي