نصيحتني الى كل الراغبات بالحمل حتى لا تغلطون غلطتي

يا بنات اني راح انجن ارجوكم ساعدوني بعد سنتين زواج وروحات وجيات للاطباء وكل التحاليل كانت علية روحي حللي وروحي سوي واخذ ابر وادوية وزوجي تحليلة جيد وما بي شي وبعد تاخير سنتين قررنا انغير الطبيب وجاءت المفاجاءة
انه زوجي تقريبا لايمكنه الانجاب لانه نسبة التشوهات في حيواناته المنوية اكثر من 75% والعدد عنده بس 8 مليون في حين لازم يكون العدد اكثر من عشرين مليون حتى يصير حمل طبعا بعد النقاش والعراك قررنا نسوي اطفال انابيب مع العلم اني سوي عملية انابيب وفشلت بس هم الحمد الله والشكر بس اني الي مجنني انه زوجي طول السنتين كان مكتفي بتحليل واحد اجراه يم صديقة لانه صديقة عنده مختبر واني شاكة انه مزور التحليل يا بنات نفسيتي تعبانة والله بس الي عالم بحالي
اني حامدة وشاكرة لرب العالمين بس الشي الوحيد الي يحز بنفسي انه اني طول سنتين كل الناس تنضرلي على انه اني الي عندي علة وحارمة زوجي من الانجاب وهسة طلع العكس طلع زوجي فرصته كلش ضعيفة بالانجاب ومالنة حل غير الانابيب
هسة نصيحتي لكل البنات قبل ان تروحين للطبيب اتاكدي انه زوجك يعمل تحليل ويشوفه طبيب مختص مو تشوفه الطبيبة النسائية الا طبيب رجل مختص مو تغلطون غلطتي وتاخذون ادوية اشكال والوان وبعدين اطلع العلة بالزوج