اهلي يرفضـــون زواجـــي !!!

ه

هدبا

عروس برونزية

30-08-2010 | 11:28 PM

مســــاء الخير ...

كيف حالكم ؟؟!

بصــــراحه آنـــا مادري من ويـــن ابتدي !!

بقول لكــــم قصتي من البدايـــــــة واتمنى القى الحــــل عندكم آنـــا عمـــري 19 سنــــه

من كنت صغيرة وللحيــــن معامله اهلي قاسيــــه معاي ممنـــوع اطلع مكـــــان ومــع هذا

اصبـــــر واقول ماعليه اهلي ومابعصي كـــلآمهم , وفوق هذا لبسي على ذووق امي وتعرفون

شلوون يعني شـــي قديـــم غير عن الموضـــة وعــــن لبس البنات الي في مثــــل عمري ...!!!

ومــــع هذا صـــابره ومتحمله ومـــاقدر اســـوي شي وفوق كل هذا مالقى معامله حلوة ولا

ضحـــك ولا مـــزح معاي مثل اخواني الشباب يعني يفضلونهم علي ومــع هذا مشيت

الموضووع وابـــوي الله يســـامحه مانــع عني كــل شي الصديقات ماروح لهم ولا عندي

صديقات من الاساس , الموبايل ممنوع بس اذا رحت الجامعه اخذه معاي واذا رديت ياخذونه

مني مع اني والله ماافكر تفكير غلط ابدا ً وسألتهم عن السبب قالوا ان احنـــا نراقب وناخذ

الحذر من الحين قبل لا يصير شي احنا ماننتظر تروحين للغلط بعدين ناخذ منج لآ احنا

نمنع عنج من الاساس وقلت مـــاشي وتحملت ...!!!!!!!!!

بس الي انصدمت منه إن في شباب يتقدمـــون لي وابوي وامي يرفضــون وبدون علمي ان احد

متقدم لي اكتشفت ثلاث مرات هذا الشي ..!!!

إن خالااتي او خوالي يقولون لي ليش ترفضين خســاره وانا طبعا من فاهمه ويقوولوون لي ان

تقدموا لي شباب قلت لهم ماعندي علم ..!

البارحه واجهت امي وقالت لي اي انا الي ارفض قلت لها مو من حقي اعرف قالت مو شغلج

ليش تعرفين بعدين توج صغيره تخرجي من الجامعه واشتغلي وبعدين يصير خير ..!!

انا بصراحه على طـــول دخلت غرفتي ودموعي على خـــدي ليش تقطع نصيبي !!!

ولــمتى بعيش معاهم متى بعيش في السجــــن تعبت انا ماعندي خوات قريبين من عمري

خواتي صغار ماعندي احــد اسولف معاه كــل شي مراقبه حتى المسنجر !!!

مااطلع مكـــان ابدا ً بس الجامعه والمستشفى للضرورة بعد اذا قربت بموت من المرض !!

ابــي اعيش حالي حال باقي البنات مو من حقي اشم الهواء على الاقل ..!

اشــوف الناس انا من كثر الحبس صرت انعزاليه في الجامعه لاني مو متعوده اقعد مع احد

مااتكلم واايد حتى الشيب طلع في راســــــي مـــع ان عمري 19 سنـــه !!

حاولت اتكلم مع امي اقرب منها لكـــن مافي نتيجه ابداا !!

تقول البنت مالها الا بيت ابوها تقعد فيه وماتطلع بعيدن الناس تتكلم عليها !!!!!!!!!!!!!!

ممـــــكن حـــــــــــــل لحالتي الله يخليكم !!!

ح

حبيبة زين

عروس ماسية

30-08-2010 | 11:38 PM

استغفر الله العظيم
وش ها التفكير الغوغااائي
صح الحرص واجب بس مو با الطريقه هذي
ما اقدر اقولك غييير الله يكون بعونك
الجئي لله هو القادر على حل مشكلتك
وربي يهدئ امك وابوكي ويفتحلك في قلبهم ويكتب لك اللي فيه صالح
وربي حزنتيني وقلبي معاكي

u

umjana79

عروس ركن قضايا و حلول

30-08-2010 | 11:40 PM

اختي انا ماشوف ان اهلج صاكين عليج تدرين ليش..

لانهم يشوفون الناس ويشوفون البنات وسوالفهم .. وصدقيني هم اكثر ناس يدرون شنو الي يناسبج او لا...

وبعدين عمرج 19 سنه ...لين تزوجتي ... لا بتقدرين تدرسين ولا حتى تحصلين شغل عدل..

اهلج خايفين عليج .. وهالشي المفروض تحطينه في اعتبارج ...

الي امج قالته صح... واعتقد يا اختي .. المفروض تأقلمين نفسج ..مع وضعج... لان بصراحه .. انا وحده ماانحط التليفون في يدي الا وقت طلعتي الجامعة.. وينأخذ مني

امي ما اتحب اروح حق صديقاتي واقعد معاهم... لانهم ببساطه هي واثقه فيني بس مب واثقه من صديقاتي.... بالاول ماكنت افهم سبب تصرفاتها.. بس الحين يوم صار عندي بنت.

كل شي كانت تسويه بسويه...... ويمكن اكثر... اختي الزمن مب زمن الحين ..ياليت تتفهمين. وضع اهلج.. ,وصدقيني بعدين .. لمه تكبرين شوي وتتخرجين..راح تستوعبين وتشكرين اهلج انهم خلوج تكملين دراستج..

ياليت البنت بدل ما تفكر ان اهلهاا.. حاطينها بسجن... تحسبهم انهم خايفين عليها وو وحطي ببالج ان اهلك ما بيخلونج تموتين عشان تروحين المستشفى...

تحياتي

ا م جنى

M

Miss I phone

عروس مشاركة

31-08-2010 | 12:11 AM

حبيبتي لاتتضايقي ولاتزعل نفسج اهلج يخافوا عليج صدقيني
وانتي حاولي وعزمي صديقاتج عندج البيت وخلي امج تتعرف عليهن وعلى أمهاتهم وبيكونن علاقه مع أمهاتهن وبعدين ممكن امج تزور أمهاتهن وانتي تروحين معها تشوفي صديقاتج
ولاتفكري فالزواج الحين فكري فدراستج ومستقبلج حبيبتي
والله يعينج ويصبرج لاتضايقين عادي أهلنا كلهم يخافون على بناتهم

ا

العتب

مشرفة سابقة

31-08-2010 | 12:35 AM

الغالية هذا شيء طبيعي كلنا كنا مثلج وطبعا الوالدة اذا ما خافت عليج بهالزمن الأغبر متى تبينها تخاف بصراحة انا بعد جذية بالنسبة للموبايل عندي اخت أعطيها اياه وقت الكلية فقط ... وبعدها يكون عندي ولا ازيدج النت عندي برقم سري ما احطي عيالي واختي يدشون ع كيفهم ... وبعدين ع رفض العرسان يمكن يكون فيهم عيوب يمكن يسألون ويطلع منهم المطلق والسكار فما يحبون يدخلون افكار الزواج من الحين الا بعد التخرج وهذا حقهم يبونج تكملين دراستج حبوبة ترى الشهادة وايد صعبة بعد الزواج والعيال .

ابوي كملي دراستج وركزي عليها ولما تخلصين ذيك الساعة لج حق تتذمرين من الحالة اللي انتي فيها

العتب

ه

هدبا

عروس برونزية

31-08-2010 | 02:09 AM

مشكــــورين ع المرور ....

بس جــد آآنــــاا مليت من حياتي

على العموم شكرا ..

(

(دلع شمر)

عروس مبدعة

31-08-2010 | 02:25 AM

صحيح قهرررررر ولله طيب يحافظون عليك
بس مو للدرررررررجه هذي اهلك قاااسين
((مشددين عليك مررررررره))
اول مرره ااشوف اهل كذاا
ودي لو تعلمين عماامك او قراايبك
صرااحه وضع ماينسكت عليه
(تحيـــآـتي:/ودي ووردي:))
(:/دلع شمر/:)

ه

هدبا

عروس برونزية

31-08-2010 | 02:29 AM

مشكــوره دلع شمـــر

الله يعين بس ..

س

سنو44

عروس مبدعة

31-08-2010 | 03:16 AM

اختي الفاضلة والله اهلج خايفين عليك ويحبونج انا نفس وضعك ممنوع اروح حق صديقاتي وكنت اتضايق و خصوصا صديقاتي يزعلون بس امي و ابي مايرضون لما كبرت ونتهت المراهقة عرفت بس صديقاتي يزوروني و الجامعة اروح من غير تلفون وقت ماتنتهي محاضرات تاتي امي و السايق وياخذوني واذا اعتذر الدكتور اقعد في المكتبة اذاكر او اعد ابحاثي بس ماضايق اهلي حتى الروج ماحطيتة الا في ملكتي وملابس محتشمة ادري ان مب على الموضة بس اهلي مايرضون بالعاري وبعد البوانطلين ممنوعة وحتى البيجامات في البيت البس بدلات تنانير وجلبيات في البيت وكنت اتضايق بس بعد ماتزوجت عرفت ان هم يحبوني وخايفين على الله يوفقك :)

ع

عبق الساده

عروس مشرقة

31-08-2010 | 03:21 AM

للاسف في البحرين ناس وايد جدي حبيبتي الله يفرج همج ويرزقج بالزوح الصالحه يالله يسعدج يا رب بحق هالليالي

.

.. أمــ عــلــيــ ..

عروس ماسية

31-08-2010 | 03:24 AM

انا كلامي من كلام البنات ..

يمكن اهلك يشوفون اشياء تشيب الرأس وما يبونك تشوفينها وتعيشينها .. !!!

اصبري على وضعك كذا .. كلنا مرينا بهالشئ .. انحرمنا من طلعات .. ومن زيارات .. ومن كل شي يحبونه المراهقين .. بس يوم كبرنا .. وتزوجنا وجبنا عيال .. عرفنا غلاهم بقلوبنا .. ووش كثر نخاف عليهم حتى من نسمة الهواء .. !!!

معليش .. تحملي .. هذولا .. أمك و أبوك .. ما نقدر نقولك أعصيهم .. لأن طاعتهم واجبة عليك مادام ما فيها معصية للخالق ..!!!

وانا بصراحه ما اشوف انهم مضايقينك بالمررررة ...!!!

خلي عنك هالافكار السوداء .. وتفائلي بالخير .. وحطي أكثر اهتمامك بدراستك .. وبعدها ان شاءالله بيجيك نصيبك اللي ينسيك كل شي عشتيه ..

:)

ه

هدبا

عروس برونزية

31-08-2010 | 03:42 AM

الله كــريم ...

والله يصبرني ...

مشكورين ع المرور ...

أ

أنثى بمعنى الكلمة

عروس رائعة

31-08-2010 | 04:57 AM

الصراحة ما اصدق انه في ناس في البحرين جذي عقليتهم ليحين سامحين على اللي قلته ولكنه مالج الا الصبر والله يهديهم ...

م

متحدية الصعاب

عروس مشرقة

31-08-2010 | 05:11 AM

أختي الله يكون بعونك...بس يمكن تفكيرهم مش نفس التفكير اللي فسرتيه.....يعني مااتوقع اهلك يمنعون عنك الجوال كذا..او الطلعات...
أساسا مايخرب البيوت اللي هذولاء اللي نحسبهم صديقات وهم عدوات (يدسون السم في العسل)لاتضيقي صدرك ياعسل وأكيد راح يجي يوم وتفهمي أيش مقصد أهلك....ولو كانوا متشددين ماسمحوا لك أن تعرضي موضوعك هنا>>>يعني يمنعوا عنك الجوال ومايمنعوا عنك الاب توب...
لاتفهمي غلط وعيشي حياتك..توك صغيره وخبرتك بالحياه ضئيله...
تحياتي لك والله يوفقك وييسر أمرك..لاتنظري بحياتك إلى الجانب السيئ وأنظري إلى جانبك المشرق..أثبتي وجودك بنجاحك..أهتمي بدراستك وتوظفي..وأسمعي كلام أهلك..والله ماراح يضيع من يرضي والديه

p

pink flowre

عروس نشيطة

31-08-2010 | 05:51 AM

اهلك واااااااايد متشددين .. يعني الواحد يحرص ع اولاده بس مو لدرجة الاختناق..
حبيبتي حاولي تطنشي كل اللي يصير حولج و تركزي ع دراستك واعرف انه صعب بس هذا هو الحل ف الوقت الحالي أو لين ما يجي نصبيج

والله يوفقك انشاء الله

ه

هدبا

عروس برونزية

31-08-2010 | 04:19 PM

مشكــــورين ع النصــــائح ..

h

hanane-

عروس مشرقة

31-08-2010 | 06:42 PM

الله يكون بعونك

أ

أمة الغفور

عروس مشرقة

16-11-2010 | 11:19 AM

الله يخلي أهلك لك ويخليك لهم
صحيح تشعرين بالعزلة وأنك تختلفين عن غيرك لكنهم في النهاية أهلك
اصبري لوجه الله وعامليهم بالحسنى

ف

فروالة باردة

عروس مبدعة

16-11-2010 | 01:09 PM

خيوو لاتتضايقين من هـالامــــــور .. البسسيطة جـداً

لان فعـلا نفسس ماقالوا البنات كفوا وووفواا ..

الزمن غير الـــــزمن

كل واحـد يبي مصلحته في هالدنيـــــا ..

يمكن هم يشووفون الاشياء مايبونشش تعيشينهاا

كل هذا خـوف علييش

المفـروض تستانسسين ان في احـد يخاف علييش

وقولـي نعمة كريم بأن اهمشي اهلششش حوالينشش ..

وهم مايبوننشش تشوفين الاشياء الا برهـ وتتعتقدين ازيد وازيد ..

ونصيبش الـرزاق الله .. لاغيـرهـ ..

.. :D

الله يوفقشش ويوفق الجمــــيع ..

ي

يأس ~

عروس جديدة

16-11-2010 | 01:57 PM

الضغط يولد الانفجاااار
الله يكون بعونج حبوبة