حمل ام دوره متاخره

السلام عليكم ورحمة الله وبركاته
وكل عام وانتم بخير اعاده الله عليكم بالخير

انا عندى مشكله وقلت انه ما فيش غيركم هايدلنى صح بحكم خبرتكم فى الحمل........

انا اخر دوره كان ميعادها 4\7 ودى كانت متاخره عن ميعادها ونزلت بحبوب الدوفاستون والدكتوره قالتلى ان دى هاتبقى دوره عاديه وننتظر ونشوف هاتيجى امتى الشهر اللى بعده اللى هو شهر اغسطس ............ويوم 1\8 نزلن على افرازات وردي فاااااااااتح جدا لمدة 3 ايام فقط ولكنها متقطعه على مدار اليوم وقليله جدا لدرجه لا تذكر لدرجة انى ماكنتش بستعمل الالويز وانقطعت هذه الافرازات

ومن بعد هذا التاريخ الى هذا اليوم بينزل على افرازات بيضاء و احيانا بتبقى كتيره واحيانا متوسطه مع ظهور الاعراض التاليه:-

1-الام فى مفصل الفخذ وممتد للخلف اى المفصل باكمله وكان فى الرجل اليسرى ثم امتد الى الرجل اليمنى بالتبادل وفضل معايا حوالى 10 ايام وانتهى

2-الشعور بالغثيان احيانا مش مستمر دون قىء

3-انهاك وتعب شديدين

4-احساس بمغص الدوره ولكن مش مستمر وليس كل يوم

5-الم بالحلمه اليسرى ولكن مش مستمر ايضا......بس انا مش حاسه باى الم فى الثدى لانى سمعت انه علامه اكيده للحمل

6-احيانا باشعر ان بطنى متحجره

7- احساس بمغص اسفل البطن يمتد من المبيض اليمين الى الشمال

8- حاجه غريبه لما بدخل صباعى فى السره بحس ان فى حاجه عامله زى الحمصه كده

طبعا مع نزول الافرازات

حاجه غريبه برده لما اعمل مجهود زياده فى البيت اشعر بالم اسفل البطن ونزول افرازات بها لون احمر خفيف اوى ولما ارتاح الاقيه يختفى

وانا ناويه انى اروح للدكتوره ولكن قلت لما رمضان يعدى عشان اعرف اصوم كويس الشهر من غير ما اشغل نفسى واتفرغ للعباده......بس انا حبيت تقوليلى الاعراض دى حمل فعلا ام من تاخير الدوره

وهل من الممكن ان يكون ده ضعف تبويض على الرغم من نزول الافرازات البضاء المستمره يا ريت تفيدونى جزاكم الله خيرا