سؤال هل يحق لها تتدخل بحياتنا والا لا ؟

السلام عليكم ورحمة الله تعالى وبركاته ....

شلونكم اخواتي ان شاء الله تكونون بألف خير وصحه يارب

اخواتي بصراحه في سؤال في بالي ومحتاره حيل وهالشي سبب لي شوية زعل وحساسيه بيني وبين زوجي وقال لي بعد ما راح اقولج شي ولا اعطيج اسراري وانا تضايقت لانه من عادته ما يخبي علي شي
السالفه ان من فتره انا وزوجي قررنا ننتقل لشقه جديده وتكون اوسع من شقتنا الحاليه ورحنا ودورنا ولقينا الشقه المناسبه بالسعر المناسب بس قالل لي خلي كل شي نسويه بيننا ما ابي احد يعرف انا وافقت لكن بجمعتنا في بيت اهلي قلت لأمي واختي اننا بنسكن بالمنطقه الفلانيه بالبدايه قالو اي وشجعوني لكن من بكره شفت امي رافضه رفض قاطع :!!: وتقول ان هالمنطقه ماهي زينه وفيها صالونات نسائيه وفيها سوالف بطاليه وابوكي ما راح يرضى وراح اخليه يكلم زوجج :-o طيب ليه كل هذا اول شي ما في منطقه ما تخلى من هالسوالف البطاليه بس احنا بنسكن بمنطقه كلها شقق سكنيه وكلها عوائل وبعدين هذا اللي حصلناه ومو بعيده عن بيت اهلي وطبعا اختي تقول كام يضايق بعدين تنكر انها قالته تقول اف ما لقيتو عاد الا هاذي المنطقه تسكنو فيها ومن هالعبارات اللي تغث وبعد عشر دقايق ترد تمدحها وزوجي سمع كلام امي واختي عن الشقه والمنطقه ولما طلعنا قال حرمت اقول لج اي شي
انصحوني بنات هل امي واختي معاهم حق والا انا وزوجي ؟؟؟ بس مرات اقول ان امي وتخاف علي وماالومها بس مو بهاذي الدرجه وانا عارفه لو اختي صارت بنفس موقفي محد يقدر يقول لها لا و من وجهة نظري اني انا وزوجي حريين بحياتنا ووين نسكن وزوجي رجال كبير وواعي وفاهم ويخاف علي والمرأه تتبع زوجها دام هالشي ما يخالف الدين بس برضو محتاره وابغى رايكم بكل صراحه بنات تكفووووون