اولا احب اقولكم ان بشرتي مختلطه ( تي زون ) + مسامات مفتوحه عالخدود + تطلع لي حبوب صغيره لما استخدم شي ما يناسب بشرتي مثل باودر يديد او فاونديشن .. + عندي حساسيه من العطور العربيه + بشرتي ما تحب الشمس + تتاثر بالاكلات الي اكلها!
وعلشان احافظ عليها .. لازم اكون حريصه .. اكلي يكون قدر الامكان مافيه دهون وابتعد عن الحلويات .. وحتا لو كنت ميته من التعب لازم اغسلها عدل فليل .. و لازم استخدم سن بلوك ( سواء بنفسه او اس بي اف مع الفاونديشن) .. + استخدم روتين معين علشان اساعد بشرتي تكون جميله وصافيه قدر الامكان
بسم الله نبدا
اولا : استخدم لوريال للميك اب ريموفال .. ارتحت عليه لانه يشيل كل المكياج للبشره الحساسه .. موجود في الجمعيات
ثانيا : غسول الويه .. استخدم zero oil من ORGINS مب موجوده الماركه في الامارات .. ريحته منعششششه و يسوي رفرش للبشره شارتنه من المانيا
ثالثا : التونر .. ويتش هيزل .. تحصلونه في الصيدليات .. ريحته ابدا مب حلوه لكن وايد مفيد للبشره .. يصفيها وينظفها ويخليها نضره ..
رابعا : السكراب + الماسك .. هالماركه معروفه في امريكا .. حتا باريس هلتن تستخدمها اسم الماركه Kate Somerville تلقونها في هارفي نكلز في لندن.. استخدم من عندهم clearing mask + ExfoliKate
ال ExfoliKate هو سكرب انزيمي استخدمه في الشور .. احطه بس علي ويهي من دون ما افركه او اي شي هو يتفاعل مع البخار وبتحسون فيه يحرق شوي .. بعد عشر دقايق بشرتكم بتورد .. يصغر المسامات
وال clearing mask هو ماسك طيني ينظف الويه من الشوائب .. تقدرون تستخدمونه ككريم ليلي علشان يعالج الحبوب
هم وايد حلوين وفعلا نتايجهم حلوه مع الاستمرار .. لكن عندي الاحسن منهم بتكلم عنهم بعد شوي
هاذيلا الي احسن عنهم .. من لابريري .. اول واحد اسمه 3 minute peel وهو عباره عن مقشر عميق للبشره يشتخدم مره في الاسبوع .. وااااااااايد احبه ومااستغنى عنننننه! يمسح شي اسمه مسامات مفتوحه + يخلي البشره ناااااعمه وصاافيه و مشررررررررررقه لمده كمن يوم!
والثاني هو deep cleansing mask عباره عن طين اخضر بس لونه ابيض .. فيه انزيمات تقشر البشره و تتحكم بالدهون الي سببها هرموني .. مثل حبوب الدوره الشهريه وهالحبوب الي تطلع بسبب الهرمونات .. ترومون تستخدمونه فليل على المناطق الي فيها مشاكل (اقصد حبوب ) بلاحظون من اول اسبوع فرق كبييييييييير! اختي يربت وايد اشياء وراحت لدكاتره وعطوها حبوب ومافادها شي .. قامت تحطه ككريم ليلي فليل والحمدلله حبوبها خفت بشششكل محد يتوقعه!
* بتشوفون بعد في الصوره سبوت تريتمنت .. هذا احطه في الليل على الحبوب
خامسا: تونر من لابريري .. يساعد البشره على التخلص من التصبغات .. التونر هذا من كلكشن الوايتنغ :L:
سادسا:
مرطب الصباح والمساء .. من لابريري .. يرطب البشره و يخفف من اثار الحبوب ويغذي البشره .. لاحضت من قمت استخدمه ماصارت تطلع لي حبوب .. شخصيا استخدمه الصبح بس قبل الفاونديشن ..
سابعا : كريم العيون .. احطه الصبح بس .. واايد احبه .. يخلي العيون مرتاحه اسمه GinZing بعد من ORIGINS
وبعد كريم الليل من لابريري مخلص من عندي مب مصورتنه اسمه resurfacing cream يقضي على شي اسمه مسامات مفتوحه وتصبغات .. روعه بس يخلي البشره حساسه لانه يقشر تقشير خفيف ورقيق للبشره فلازم تستخدمون سن بلوك الصبح
هالاشياء كلها الي فادتني لليوم .. حبيت اكتب لكم عنها .. لعل وعسى حد محتاج يعرفهم ..
وكل عام وانتم بخير