زوجي جرحني وش تنصحوني اسوي؟

السلام عليكم والرحمة
شلونكم اخواتي ان شاءالله بخير؟
اخواتي بقولكم القصة وعطوني رايكم شنو تنصحوني اسوي لان قلبي يبنبط من القهر حدي مضايقة
الله يسلمكم بعد كم يوم عيد زواجنا اللي بمر عليه سنة وزوجي ما يعرف الرومانسية خير شر عصبي وجامد وحددددددددددددي دايخة وياه
سألته حبيبي وش بتعطيني في عيد زواجنا لو حاب تخليها مفاجأة :o كنت حابة اجس النبض واشوف شنو في باله بيعطيني او لا!!
مع العلم اني من كم يوم كان عيد ميلاده ودلعته ودللته وحطيت في حفلته كل ما اقدر وكل طاقاتي وخذيت له هدية من ارقى ما يكون وسويت العشى وحطيت الشموع وعن جد طلع جو ما عليه كلام
اني ما قصرت بحقه وهو دائما مقصر من ناحية الرومانسية لا يسمعني كلام حلو ولا يدلعني وحتى هدية زواجنا تدرون عاد شنو رد علي؟
قال بعطيش طراقين وهذي هديتش وبس هذا انتون كله وش بتعطينا ووش بتسوي لينا مع العلم اني ابدا ما حنيت عليه ولا زنيت على راسه تاركتنه على راحته وهو جذي يرد علي؟
الحين شنو تنصحوني اجيب له هدية علشان يمكن ضميره يأنبه او شنو تنصحوني بالضبط اسوي؟
حدي مضايقة مو متحملة :(