وينك ياولدي متى تجي عالدنيا وتنور حياتي

السلام عليكم ورحمة الله وبركاته
معكم هنوف الشمري انا جديده عندكم وحبيت اسجل بالمنتدى لانه
عجبني كثيرررر وبوه كثير من الي مثلي بحالتي مابعد حملووو
وحبيت تشاركوني بمشكلتي وتعاونوني عليها وان شاءالله احصل عندكم
المشوره والعلاج
انا صار على زواجي تقريبا سنتين والي الحين ماكتب ربي لي الحمل
وبصراااحه صار هااجسي طول الوقت لدرجة سبب لي نفسيه صرت عصبيه وما اتحمل اي كلمه من احد لا تقولون توني سنتين
انا عااايشه مع ناااس ينغزون بالكلام ليش مابعد حملتي وفلانه حملت من اول شهر وفلانه اول سنه وبعد ماتزوجت تزوجو بعدي بنات خالتي وبنات عمي وكلهم حملو ماشاءالله وانا لا حسيت اني ناااقصه
والله ودي اني اتطلق بسبب الحمل يا اخوات حسو فيني وش اسوي
حتى امي تقول الله يرحم حالك البنات حملو وانتي جااالسه حتى امي ماخلتني بحالي وش اسوي
المهم رحت كشفت بدون محد يدري من اهلي ولا حتى زوجي
وطلع معي كل شي يسليم الا البويضه صغيره عندي حجمها 12
ولا علمت احد وصرت اخذ خلطات بالدوره من عشبة المدينه وعسل وكل شي ولا حملت حتى اني رحت ممرخه مساده وقالت لي كل شي سليم عندي بس قالت عندي مايل الرحم شوي علشان كذا مايدخل جوا ولا حملت ومرختني لمدة عشر ايام من ثاني يوم للدوره وعطتني عسل وعشبه
ولا حملت وقلت الحمدالله على كل حال بس ياخواتي والله مليت من كلام الناس كل جمعة حريم يسولفون عن الحمل والولاده وانا انقهر واموووت قهر
ساعدوني الله يخليكم وش اسوي
انا عندي بس البويضه حجمها صغير
وايه نسيت الدكتوره صرفت لي حبوب كلوميد بس انا خفت اخذها بعدها قلت بأخذها لكن سمعت لازم معها ابر تفجير وانا ابي استخدم الحبوب ومحد يدري حتى زوجي ما ابي احسسه انه العيب مني
يا اخوات شورو علي وساعدوني الله يخليكم ويسعدكم