كشك بالجمري ولا احلى وبالصور كمان ومن ادياااااااا

السلام عليكم ورحمة الله وبركاته

كل رمضان وانتو بخير احلى بنات في منتدى عروووووووووس F:
انهرده منزلة طريقة الكشك بالجمبري مخصووووووووص عشان ام عمر افندي حبيبة قلبي وروحي :L:
لقيت نفسي عملته انهرده قولت بقى اصوره بالمرة ;)

:: المكونــــات ::
شوية جمبري قد قبضة اليد او شوربة جمبري (انا هنا عملتها بشوربة)
بصلة وسط مبشورة او مقطعة صغير قووي (انا هنا كنت مستعجلة فخرطتها صغنون)
2 عصير طماطم وسط مضروبين في الخلاط
1 معلقة صلصة وممكن الاستغناء عنها
دقة السمك (4 فصوص ثوم كبار + معلقة صغيرة كمون + قرن فلفل اخضر+ شطة لو الفلفل مش حامي+ رشة ملح صغيرة) ويهرس كلللل المكونات حتى يصبح ناعم تماما
3 ملاعق كبيرة دقيق
2 كوب مية (في حالة لو مش هنعملو شوربة وهيكون جمبري فقط)
ملح + فلفل اسمر

:: الطريقة ::

في الحلة نشوح البصلة بشوية زيت



ولما يبدأ يدبل ننزل الجمبري المتقشر
بس انا مكانش عندي جمبري انا كان عندي شوربة جمبري، كنت جايبة جمبري صغير قوووووووي سلقته واخدت شوربته

المهم لما الجمبري يتغير لونه او لما البصلة تصفر لو مفيش جمبري نزلت دقة السمك اللي هي التوم وشوحت بسرعة وبعدين نزلت عليه بعصير الطماطم ومعلقة الصلصة يعني المهم التوم مش يتغير لونه خالص تقليبة والطماطم عليه على طول




وهنا الطماطم وبعدين نضيف رشة فلفل اسمر حوالي ربع معلقة بس حلوة يعني



نسيب المكونات دي تتسبك كويس قوووووووووووووووووووي



ندوب الدقيق في كبايتين الشوربة، ولو عاملين جمبري يبقى ندوب الدقيق في كبايتين مية



ونضيفهم للتسبيكة ونقلب كويس وسريعا شوية عشان مش يكلكع ونضبط الملح ونصيبه يغلي لحد ما يوصل للقوام المناسب زي البصارة كده او كشك الفراخ



ونغرفه في اطباق ويزين بالبصل المحمر

ده طبقي طبعا ولا زينت ولا عملت مكنتش فايقة اصلا عشان كنت باعمل الاكل بسرعة قبل ما بابا يجي من المستشفى :(




[COLOR=Red]((ملاحظة))
1/ أهم حاجة في الكشك لازم يكون حاااااامي وحرش على قد ما تقدرو تستحملو يعني لو غير كده مش بيكون حلو قوي يعني
2/ لو في جمبري يبقى يتشوح بلاش يتسلق عشان التشويح بيكون احلى بكتير وكمان طعمه هيكون مركز في التسبيكة

ودي بقى صورته من النت جبتهالكم :D




والف هنا يارب لو استحق التقييم قيموني ;)
اكيد استحقه طلع عيني في الصور ههههههههههههههههههه :cool:

F::L:F:
[/COLOR]