فتاة الخليج هل تستغني عن الخادمه

تستطيع البنت الخليجيه الاستغناء عن الخادمه اذا كانت ربة بيت
اما اذا كانت عامله وعندها اطفال فوجود الخادمه ضروره ملحه
خصوصا ان الرجل الشرقي معروف عنه انه غير متعاون

يعطيك العافيه

ممكن للفتاه أن تستغني عن الخادمه طبعا
أنا متزوجه من سنه وما أفكر أييب خادمه والحمدلله زوجي متعاون ويساعدني

لا لا لا لا لا لا ما نستغنى عنها

انا اوافق الحالمه في الرأي ;)

صراحة ماكنت أشوف أي داعي لوجود الخادمه في أول سنتين من زواجي لكن بعدين مع الأطفال والدوام صارت حياتي بدون الخادمة مستحيلة...والمشكلة الرئيسية هي الدوام لولاه كان ممكن استغني عنها....تحيااااااااااااااتي

طبعا تستطيع الاستغناء عن الخادمه لو نظمت وقتها وساعدها زوجها

يمكن تستغنى ويمكن ماتقدر تستغني خاصة اذا كان عندها عيال
انا عن نفسي ماعندي شغالة عشان ماعندي عيال بس لو رابي اكرمني اظن وجودها ضروري:o

الحمد لله الحمد لله الحمد لله

الخادمة مادخلت بيتنا الا مرتين او ثلاث مرات في عمرنا وفي مواقف طارئة ولعدة أيام ما تزيد عن أسبوع
مره امي تعبانه ومسوية عملية وانحنا صغار
ومره ثانية لظروف مشابهه ومره ثالثة لما نزلنا البيت الجديد كانت تجي ساعتين مرتين في الاسبوع ومجموع المرات اللي جت فيهم هم ثلاث مرات وبطلنا

الحمد لله احنا بيتنا كله ما يحب الخدم ولا يثق في نظافتهم
وبعدين ليش نجيب حق نفسنا عوار القلب والمشاكل
الحمد لله كلنا كبار ومافي أطفال وكل واحد يشيل عمره
لكن اللي عندهم أطفال ممكن يكون عندهم حق
بس الحين الحضانات اللي طالعة تاخذ الطفل من عمر أشهر صراحة كويسة وأحسن من الخادمة .

وعلى فكره مو بس الخليجيات
حتى العرب اللي يشتغلون في دول الخليج أصبحوا ما يستغنون عن الخدم على ألأقل فتره تواجدهم في العمل .

والله اني أعرف وحده ما في الا هي وزوجها وحاطة خدامتين وحده للطبخ ووحده لشغل البيت

طبعـــــــــــــا ممكن نستغني عنهم


انا تغربت خمس سنين

وشلت نفسي بنفسي .. تنظيف .. طبخ .. غسيل ملابس وكوي.. كل شي كنت اسويه بنفسي

طبعا مافي خدم بالغربة :)


وبعد الزواج اذا الله رزقني بولد الحلال ما ابي خادمة في اول حياتي
بس بعدين اذا زادت المسؤوليات بجيب

:)

السلام عليكم
انا بعد لحد الأن مثل ماقلت لكم ما عندنا خدامة ولا نحبهم ومن عمري 14 سنة وانا اغسل ملابسي بنفسي واكوي لنفسي واتحمل مسئولية نفسي والحمدلله والأن لدي ركني الخاص في البيت (مثل شقة ) انا اللي اعمل كل شي من غسيل ومسح وكوي
والمادة موجوده لكن المبدأ مرفوض (مبدأ الخدم )

تسلمون على ردودكم الرائعه


تحياتي للجميع:D

اذا الزوج رح يساعد زوجته بأعمال البيت في هذيك اللحظة نقدر نقول بتستغنى عن الخادمة او لا ... لانو بالغرب الرجل لا يجد غضاضة في مساعدة زوجته في حمل الاولاد او الطهي عالخفيف او الاعمال البسيطة .. اما الرجل الشرقي ..( لا تعليق ) :p

رح يشوفها اهانة كبيرة بحق رجولته .... يعني رجااااال رجال ياجماعة ويمسك كوب يغسله ما تصير بصراحة .... لالا عيب ... اهانة عظمى هذي ... مين الرجال ومين الحرمه بالبيت ......

هذي اسلوب تفكير الرجل الشرقي .. ورح تمر ملايين السنوات قبل لا تتغير ...

عشان كذا لا تسأل هل تستغنى فتاة الخليج عن الخادمة قبل لا تسأل هل يتعاون رجل الخليج مع زوجته ويساعدها بإمور المنزل ...

وشكرا جزيلا صقر

تحياااتي

تووووووووتة