{ تحدّي الخروع } . . . حياكم ويانا !

السسلام عليكم و رحمـة الله و بركاته . .
شحالكم بنات ؟ علكم بخير ؟

اليوم و انا اسوي سيرج بـ خصوص توقيف تساقط الشعر . .
و تكثيفه و تطويلـه . . . طلعت لي فالمواقع الآجنبيه . . انهم يستعلمون زيت الخروع
و بطريقـه معينه . . . و كانت النتائج فتاكه بصرآحـه . . .

اول شي شوفوا هالفيديو من هالرابـط . .

لآحظوا التواريـخ بين كل فتره و فتره . . و طالعوا طول الشعر و الكثافه . . .
هاه تحسمتوا ؟

زيـن . . . تبون تعرفون كيف طريقـة وضعه ؟
تابعوا هالرابــط

زين بتقولون لي هذا كله كلام . . . انا بختصرلكم الطريقـه بـ 6 نقاط . . . !

1: قسمي الشعر اقسام صغيره بحيث تكون الفروه واضحه . .
2 : ييبي زيت خروع و وزعيه ع الفروووه فقققط بدون الآطراف . . .
3 : نلف الشعر . . و نرقد فيه لين الصبح . .
4 : فالصباح نغسل الشعر . . اكثر من مره فالشامبو عسب يطلع من الشعر . .
5 : نتريا الشعر لين ما ينشف . . و بعدين نمشطه و نحطه بالطريقه اللي تعجبنا . .

هني فيديو يوضح طريقـه وضع زيت الخروع . . .

طبعا بنات يفضل انه الزيت يوضع فالمسا و ينغسل فالصباح . . مره وحده فالآسبوع
و بعد الغسيل و بعد ما ننشفه . . نختار زيت خفيف ع الشعر
زيت اللوز الحلو مثلا . . و ناخذ منه ثلاث او اربع قطرات . . و نمسك شعرنا
من تحت بحيث نسوي { بوني تيل } . . . و ندهن هالجزء بسسسس . . .
مب من الجذور للآطراف . . . فهمتوا ؟ و لا !!؟
هني فيديو يوضح طريقـه تزييت الشعر بعد الغسيل . . . .

طبعا هالطريقـه تخلي الشعر هلثي و شايني اكثر . . .
و مع الاستعمال المتكرر للطريقـه . . . بتكون في نتائج خارقه بآذن الله . . .

احينه من هالموضوع . . . بنفتح تحدّي الخروع لمدّه ثلاث شهور . . .
من تاريخ 1-9-2010 لحد تاريخ 1-12-2010 . . . .

و اللي تبا تشارك ويانا . . حياها و أنا اول المشاركين . . .
{ تسجل اسمها فالموضوع تحت . . . و اول شهر تسعه بنبدا نستعمل الخروع }
بس شرط الآلتزام . .. ثم الآلتزام . . ثم الآلتزام . . . !

أنا انتظركم . . / و لا تخيبون ظنّي . .
و ان شآء الله كلها اربع شهور . . . و بتبدا تطلع النتايج اللي تفرح
و ان لاقينا تفاعل طيّب بهالتحدي . . بنفتح تحدي غيره و غيره . . . =)