شتغدون اولادكم ؟ ؟
ب
26-08-2010 | 02:51 PM
بنات مثل ما تعرفون ان احنا الحين في شهر رمضان الله يعوده علينا وعليكم بالصحة والعافية :-o لكن الوقت فيه يحاربنا محارب وكل ما نحاول انظم وقتنا يظل الوقت ضيق :clock: ، نحبس روحنا في المطبخ كم ساعة بس عشان انجهز هالمائدة اللي بناكلها في نص ساعة ادا مو أقل 8o|8o|، المهم الوقت ولبه يكفي انسوي الفطور :( وباقي شؤون البيت ، عشان جدي الضحية صايرين اولادنا الصغار نمشيهم بأي شي وقت الغدا :o يوم معكرونة مسلوقة من غير أي شي :!!: ( أولادي يحبونها ) يوم فاصوليا ، يوم ( مجمدات : نجتس ، كفتة ، فطائر جبن ، جبنة مع سبانخ ، بطاطا عادية أو بالقشرة ، عيش وروب . :D:D عشان جدي حبيت اطرح هالموضوع كل وحدة اتقول لينا أفكار حق غدا الأطفال سريعة بس مفيدة :thumbs_up: يلا كل وحدة تدخل وتقول لينا شنو اتغدي أولادها . .
آ
26-08-2010 | 03:18 PM
هلا خيتي مبارك عليج الشهر
الحال مثل بعضه ولادي يحبون سبرنج رول اسويه واجمده وحرزة الحزة اقليه وبعد اسوي اليهمآلو وكجب و معكرونة وسندويشات وروب وشاي وكورن فليكس وشوربه وأهم شي يمشي الحال وياهم واعطيهم ساعات تصبيرة مثل جبس وعصير واذا في اي شي مفضل من امس اخليه حقهم
الحال مثل بعضه ولادي يحبون سبرنج رول اسويه واجمده وحرزة الحزة اقليه وبعد اسوي اليهمآلو وكجب و معكرونة وسندويشات وروب وشاي وكورن فليكس وشوربه وأهم شي يمشي الحال وياهم واعطيهم ساعات تصبيرة مثل جبس وعصير واذا في اي شي مفضل من امس اخليه حقهم
ب
26-08-2010 | 03:18 PM
وجبة الفطور الرئيسية عندي لازم عيش فاشيل ليهم من وجبة الفطور ليوم ثاني واسخنها
ليهم لغذاهم
ليهم لغذاهم
ر
26-08-2010 | 03:46 PM
بالنسبة لبناتي تقريبا مثل اللي ذكرتينهم:
فاصوليا، روب، مكرونة مسلوقة، شوربة، كورن فليكس، واشياء ثانية ..
مو بس هالاشياء بعدها بفترة اقطع اليهم فواكه: برتقال وكيوي وموز
وساعات اذا يحوسون وياي في المطبخ اسهيهم بخيارة او جزرة ههههه
ويشربون عصير او شربت
وطبعا يتفطرون ويانا
فاصوليا، روب، مكرونة مسلوقة، شوربة، كورن فليكس، واشياء ثانية ..
مو بس هالاشياء بعدها بفترة اقطع اليهم فواكه: برتقال وكيوي وموز
وساعات اذا يحوسون وياي في المطبخ اسهيهم بخيارة او جزرة ههههه
ويشربون عصير او شربت
وطبعا يتفطرون ويانا
ا
26-08-2010 | 03:58 PM
انا اشيلهم كل يوم من فطورنا حق ثاني يوم يتغدون فيه
ب
26-08-2010 | 04:28 PM
مشكوررين اخواتي على ردودكم وطمنتوني لأني كنت شوي حاسة بالذنب من هالناحية ، بس يلا كلنا في الهوا سوا ! وصح فكرة ان انشيل من الطبق الرئيسي مال الفطور فكرة حلوووة يعني شي مغذي وما فيها تعب ، تسخين وكان الله خير الغافرين ! يلااااا الباقيات الصالحات اعطونا أفكار . .
س
26-08-2010 | 04:28 PM
أنا عندي بنتي وحده عمرها سنتين أأكلها اللي يزيد من الفطور هيا تاكله تاني يوم بالمضاربه
الله يصلحها ويهديها
الله يصلحها ويهديها
u
26-08-2010 | 07:45 PM
اني معظم الاوقات أشيل لهم من الفطور
وأسخنه لهم
أو احيانا اللي يفضل مثلا هريس وهالسوالف
واذا مافي أسوي ليهم خفايف كورن فليكس
أقلي لهم سمبوسة سبرينغ رول
خبز مع جبن
أو سندويشات مع شاي
خفايف يعني
وأسخنه لهم
أو احيانا اللي يفضل مثلا هريس وهالسوالف
واذا مافي أسوي ليهم خفايف كورن فليكس
أقلي لهم سمبوسة سبرينغ رول
خبز مع جبن
أو سندويشات مع شاي
خفايف يعني
ا
26-08-2010 | 08:05 PM
اشيل لهم من الفطور او السحور ليوم ثاني واسخنه لهم
واذا ما شلت من الفطور اسوي لهم بيض مسلوق مع جبن اوبطاطس مقلي ونجتس
واذا ما شلت من الفطور اسوي لهم بيض مسلوق مع جبن اوبطاطس مقلي ونجتس
.
26-08-2010 | 09:08 PM
بصراحه هي مشكلة .. خاصة اذا كان الطفل توه صاحي من النوم وجوعان .. والله أحس راسي يعورني من كثر ما افكر وش اعطي ولدي غداء .. والمشكلة مو أي شي يعجبه ....!!!
احياناً اسوي شي .. بعدين ما يأكله .. سويت له نظام بسيط جداً واستفدت منه كثير وارتحت من الحنّه والرنّه بغير وقتها ...!!! :)
اول ما يصحى من النوم اعطيه شوي حليب .. بعدين مثلاً اسوي له شوربة سريعة .. أو ساندوتش جبن ومعاه اي شي .. او اندومي ..
وبعدها بفتره بسيطة .. يأكل شي خفيف مثلاً .. بسكوت - شيبس - كورن فليكس - ويشرب معها عصير ..
والحمدلله .. اذا جاء وقت الفطور والعشاء يصير كل شي متوفر ..
وحلوة الفكرة اللي قالوها البنات انك تأخذين لهم شوي من العشاء لبكرى للغداء .. مريحة جداً
:)
احياناً اسوي شي .. بعدين ما يأكله .. سويت له نظام بسيط جداً واستفدت منه كثير وارتحت من الحنّه والرنّه بغير وقتها ...!!! :)
اول ما يصحى من النوم اعطيه شوي حليب .. بعدين مثلاً اسوي له شوربة سريعة .. أو ساندوتش جبن ومعاه اي شي .. او اندومي ..
وبعدها بفتره بسيطة .. يأكل شي خفيف مثلاً .. بسكوت - شيبس - كورن فليكس - ويشرب معها عصير ..
والحمدلله .. اذا جاء وقت الفطور والعشاء يصير كل شي متوفر ..
وحلوة الفكرة اللي قالوها البنات انك تأخذين لهم شوي من العشاء لبكرى للغداء .. مريحة جداً
:)
س
26-08-2010 | 09:31 PM
انا اشيل لها من السحور
ومن بكره اسخنه
ومن بكره اسخنه
م
27-08-2010 | 02:10 AM
حلوووة افكااركم
انا اشووف اهلي اذا كااان فطوورهم صاالونه يسوون للعيالهم عيش ويحطوون لهم صاالونه من فطورهم يعني على الساعة 3 الظهر يغذونهم
انا اشووف اهلي اذا كااان فطوورهم صاالونه يسوون للعيالهم عيش ويحطوون لهم صاالونه من فطورهم يعني على الساعة 3 الظهر يغذونهم
ز
27-08-2010 | 03:19 AM
انا ولدي اول مايصحى من النوم اعطيه حليب وكيكه والغداء ابقي له من اليوم الى قبله سحور
واذا مافي بقايا اسوي له رز مسلوق او شوربه عدس اومكرونه مع عصير برتقال او لبن
وعلى وقت فطورنا يكون نايم وبعدين اصحيه وبعدها يكون وقت العشى يتعشى ويلعب وينام
فديته انصحك تسوين لك مثل هالبرنامج جدا روعه ومريح برمضان
واذا مافي بقايا اسوي له رز مسلوق او شوربه عدس اومكرونه مع عصير برتقال او لبن
وعلى وقت فطورنا يكون نايم وبعدين اصحيه وبعدها يكون وقت العشى يتعشى ويلعب وينام
فديته انصحك تسوين لك مثل هالبرنامج جدا روعه ومريح برمضان
H
27-08-2010 | 04:08 AM
هلا حبايبي انا عن بناتي اكيد في رمضان يقعدون من النوم متاخرين يعني على الساعة 12 او وحدة الظهر فاول مايقعدون اعطيهم دانيت وداناو او دانينو او روب او كريم كرامل او جلي يعني ش خفيف ياكلون ويشربون حتى ولو شربت او عصير او داناو او دانينو وساعات خيارة اي شي متواجد مثل ماذكرت بعدين على الساعة 4 او 4 ونص اغديهم او ساعات على 3 على ان احسهم جاعوا واغديهم عشان وقت الفطور ما احاتيهم كالوا او شبعوا على راحتهم لان بيكونون ماكلين وشباعة وانا اغديهم شي باقي من الفطور لليوم الي قبل مثل هريس او عيش وصالونة او اسوي لهم نودلز اي شي يسد جوعهم
ا
27-08-2010 | 04:48 AM
يوم اطبخ حق الفطور ازيد من العيش و المعكرونه و الاكلات الي يحبونه عيالي و اخليهم ليوم الثاني
و عقب اسخنهم و اعطيهم
و عقب اسخنهم و اعطيهم
E
27-08-2010 | 04:49 AM
انا كمان زي باقي الامهات بشيل لابني من فطار اليوم اللي قبله واسخته وبس
ولو مافيش اكل من الفطار او اكل ابني مش بيحبه بضطر اني اعمل الشوربة بدري شوية عشان ابني يتغدى منها او اعمل له حاجة مخصوص
وربنا يعينا يارب ويبارك لنا فيهم
ولو مافيش اكل من الفطار او اكل ابني مش بيحبه بضطر اني اعمل الشوربة بدري شوية عشان ابني يتغدى منها او اعمل له حاجة مخصوص
وربنا يعينا يارب ويبارك لنا فيهم
أ
27-08-2010 | 05:11 AM
اه بصراااحه هذا اكثر شي يضايقني بشهر رمضان لان عن جد احتار شنو اعطي بنتي لان سنها صغيرة وكل شي ما تاكله العيش وسوالف الفطووور كلهااا ما تاكلها حليب ما تشرب ما عندي خيارات غير البيض والجبن والروووب واذا ريقتها بواحد منهم اتوهق في غداها
و
27-08-2010 | 05:22 AM
هاي شخباركم ياامهات
بصراحه انا كنت افكر اني بروحي جذيه طلعنا كلنا نفس الحال .. خصوصا ان الروتين معتفس الحين في رمضان النهار ليل والليل نهار وبنتي الله يحفظها حالها من حالنا يعني ماتنام الابعد الاذان الصبح وماتقعد الا 3 او 3 ونص الظهر ماتعرفين تعطينها ريوق والا غدى والا عشا هههه فصايره تاكل وجبه وحده ف اليوم بس
احتار شنو اعطيها احيانا يكون في شي جاهز من تقعد اعطيها واحيانا اريقها وخلاص تتم لليل واذا فكرت حضوتها تاكل شي بسيط يعني الخلاصه انها على طول حتى في الايام العاديه ماتاكل اي شي اشياء بسيطة كللللللللللش
والله المعين معاها ..
بصراحه انا كنت افكر اني بروحي جذيه طلعنا كلنا نفس الحال .. خصوصا ان الروتين معتفس الحين في رمضان النهار ليل والليل نهار وبنتي الله يحفظها حالها من حالنا يعني ماتنام الابعد الاذان الصبح وماتقعد الا 3 او 3 ونص الظهر ماتعرفين تعطينها ريوق والا غدى والا عشا هههه فصايره تاكل وجبه وحده ف اليوم بس
احتار شنو اعطيها احيانا يكون في شي جاهز من تقعد اعطيها واحيانا اريقها وخلاص تتم لليل واذا فكرت حضوتها تاكل شي بسيط يعني الخلاصه انها على طول حتى في الايام العاديه ماتاكل اي شي اشياء بسيطة كللللللللللش
والله المعين معاها ..
U
27-08-2010 | 05:25 AM
اني بنتي بعض الأحيان أشيل لها من الفطور بس للأسف ما تاكله ولا تاكل شي ثاني بحجة أنها صايمة يعني أول أمس عملت لها كورن فليكس ولا أكلته أو ظلت لحزت الفطور أو أمس أول ما قعدت من النوم أكلتها زبادي على الساعة أبع أو نص حطيت لها غدى مرفوع من الفطور بس رفضت تاكله وبشدة تقول هي صايمة
ب
28-08-2010 | 12:40 AM
مشكورين كل اللي ردوا ، اسعدني مروركم وعطيتوني أفكار ، سامحوني ما ابغي ادكر اسماء عشان لا أنسى أحد . .