اريد حلاً؟؟

هلا اختي
اني نفس المشكلة مع بنتي وعمرها الحين سنة وشهرين وللحين وزنها 6 كيلو وشي !!!
ومن لما كان عمرها ستة أشهر وللحين وزنها مثل الشي مو راضي يزيد وطولها 60 بس
وسويت لها تحاليل وكل شي فيها سليم وقدراتها وذكائها كل شي أوكي ماعدا هالوزن
وتاكل اوكي
وقلت يلا خلها على الله مدام كل شي سليم فما في داعي أحاتي
وانتين مثل الشي مافي داعي تحاتين دام انش حللتين وطلع كل شي سليم
لانه اني استمليت وأني افكر واقول ليش جذي وكل من يشوفها يلوومني كأني أكل منها

بس الحين قمت أرد عليهم
أقول أحسن نتفووونة حدها كيووتة أحسن من وحده في سنها وتبين كأنه عمرها 3 سنوات

دواء الحديد أعتقد مو فاتح للشهية بس هو ينمي الجسم ومفيد للعظام وصدق ريحته خاااااااااااااااااايسه
وعادي اذا خليتينه لها في عصير أو ماي
أو حاولي تشوفين لها من الصيدلية فيتامينات بدون ريحة

وحاولي تعطينها بعد مكملات غذائية مثل بديا شور

بس ما قلتين مشاكل شنو مع زوجش؟؟ يعني على وزنها قولي ليه كل شي فيها سليم يعني شسوي ؟؟ \\ أقتل روحي
وخليه يروح وياش المستشفى عشان يتأكد وخلي الدكتوورة تكلمه عشان يقتنع

جربي التمر لعله ينفع

مشكوره اختي ام علوي على النصيحه والمعلومات ....

ومثل ماقلتين كل من جافها يقول لي اكليها جذي وعطيها جذي والكل يتفلسف على الفاضي وجني مقصره معاها في شي ...
تعبت وتعبت معاها نفسيتي ...

وبحاول اعطيها الحديد في الماي لانها تحب الماي :)

ومشكلة زوجي انه بسرعة يتأثر من كلام اللي حواليه وكان معاي طول فترة العلاج وعارف شنو فيها بالضبط بس يبني امشي ورى كلام الدكاتره
واسلم بنتي لهم الصراحه تكسر خاطري كانت كل اسبوعين تقريبا ياخذون منها دم وكل يوم تحليل بس انا رفضت وشققت الاوراق من القهر وقلت خلاص النتايج المهمه سويتها
وكل شي تمام وهو يقول لازم نواصل العلاج والتحاليل حتى زهقت ما قمت اعطيها الحديد .....



ومشكورة اختي ام علوي مره ثانيه :)

اعطيها تمر اول ما تقعد من الرقاد اعطيها حتى اسوي لها على طبخات ( بثيث-فتيتا-رنقينها- او معمول او احشيه لها بالمكسرات واكوره لها ..


على العموم
اختي braem شكرا على الرد وشرفتينا عالمرور :) :)

الغلا بعطيج نصيحة اخت

انا ما شاء الله بنتي يوم كانت في عمر بنتج كان وزنها 14

اسمعي اول شي بدلي حليبها بروجرس وااااااو ايجنن بس ما تتبعين اللي على العلبة كيفية الاعداد

اتيبين مرضاعة اتحطين الماي 120 طبعا دافي مع ثلاث ملاعق من الحليب
لا تقولين البنت كبرت وبتشرب بالكوووب انا بنتي اللحين في الكيجي ون وبالمرضاعة

وبعدين الصبح ريقيها بالمرضاعة كيييييف
اتخلطين كيري وحده مع نصف روتي سمون مع الحليب في خلاط هاااي اي ساعة يوم هي نايمة لان اول شي ما بتستوعب الطعم

انزين فروت عقب ما تقوووم من النوم تفاح وموز وبسكوت
الغداء روب زبادي مع لحم مع عيش
اوكية رقديها بعد ساعة ونص شربيها مرضاعة حليب وخليها ترقد لين العصر لان رقدت الصبح ما فيها فايدة
وتعب الطفل في هذا العمر
العصر روتي مع عصير لاكنور
بطاطس مقلية شبس كروسان لقيمات مهلبية اي من الاكلات هاااااذي بدون مرضاعة علشان تاكل بس العشا يكون من الساعة 7 وتخلينها تهضمة عشتيها اوكيه بعد ساعتين ونص مرضاعة
اذا ما تعشت اعطيها حليب بدياشور نفس المقادير بس هاااه ما تعطينها اذا كلت العشا لانه وجبة بروحه بتزوووعه
وعليج بالفاتيمينات اللي بشكل جيلي حلو طعمهن

واذا اي شي انا حاضرة بساعدج
تسع رقديها

حبيبتي لاتشيلين هم كثير

دام التحاليل طلعت سليمه هاذا اهم شي

بس انتي واضبي على الحديد اللي عندك

واعطيها عصير مانجو تراه ممتاز لفقر الدم بس لاتكثري منه كل يوم عطيها علبه فقط

وبعدين خلاص احسكم هريتو البنت بالتحاليل كثرتها مو زينه

استمري على الحديد اللي عندك ثلاث شهور متواصله وبعدها روحي سوي لها تحليل حق فقر الدم اذا تحسن زين واذا باقي استشيري الدكتور اذ تكملين على الحديد او يعطيك نوع اخر

وماعليها شر انشاء الله