السلام عليكم
شخباركم صبايا؟
حبيت اعرض تجربتي في تاخر الحمل واسبابة...
انا الحين صار لي سنة من تزوجت ، تزوجت شهر 8 ، كنت استخدم مانع لشهرين وبعدها وقفنا . ماكنت وايد مهتمه في امور الحمل كنت مشغوله في الجامعة وامور التخرج .
الى ماجه ذلك اليوم في شهر 1 اللي كنت اعاني من الم في صدري :sick: وكنت اشك فيني مرض او حاجة لو سمح الله رحت المركز وقالت لي الدكتور ابين انه فطريات حول الحلمات وعطتني كريم وخلاص.
كان الالم لدرجة ماقدر اللبس ستيانه. وزوجي كان يحن على راسي روحي افحصي هرموناتج وروحي افحصي وانا مطنشة السالفة.
الى شهر 6 رحت سويت فحص دم وطلع انه هرمون الحليب مرتفع ل 84 والمعدل الطبيعي مفروض يكون في 24 وكانت صدمة بالنسبة لي وندمت على تجاهلي الموضوع في البداية:(
طبعا زوجي فحص بعد وطلع الحمدالله كل شى سليم ومافيه شى ، وحمدت ربي على هل النعمه انه الشى فيني ومافيه لانه علاج الرجال صعب من المراه بوايد ويحتاج وقت اكثر.
توكلت على الله ورحت لدكتورة ساندو في السلمانية بس ماعجبتني لانها ماعطتني كلام عدل بس سوت لي فحص من تحت وسببت في نزيف ليومين من اصابعها الله يغربلها :o وقالت لي الرحم مافيه شئ وكل شئ سليم الحمدالله.
والقهر اقول لها يعور تقول لي اذا فيه ينام مع زوج مايعور ، بمت من القهر من كلامها كانه هل المحل مخلوق لاصابعهم :worn_out:
مرة ثانيه رحت لدكتورة ثانية في السلمانية كانت بدل ساندو وكانت وايد طيوبة وفهمتني الحاله وكل شى وعطتني حبوب الدوستنكس لهرمون الحليب ، نص حبة كل 3 ياام خلال شهر.
في نفس الشهر رحت العمرة وكنت كله استغفار وصلاة على النبي وادعيه وكنت ماخلي ماي زمزم .
اسبح صدري من ماي زمزم ورجلي يطنز عليه :|
رجعنا وسويت الفحص الحمدالله وصل ل 0.04
دخلت على الدكتورة سعيدة في السلمانية يوم شافت النتيجة قامت تضحك تقول واجد نزل عن الطبيعي ، وهذا كله بركات الاستغفار والصلوات و ماي زمزم.
بس الدكتورة قالت لي انا مابضيع وقتج وبعطيج كلوميد قبل مايرتفع الهرمون مرة ثانية وتتورطين بعدين وتطول الفترة.
قالت لي اخذه في 5 يوم من الدورة ولخلال 5 ايام وحددت في ايام الجماع وقالت لي احسبي من يوم اللي تصير فيج الدورة لمرة الثانية بتجيج .
ادري مافهمتون مثلا طول فترة الدورة عندج 25 يوم ، بقول لكم حسبتي :
جتني 21/8 وبتجيني الشهر الجاي تاريخ 14/9 يعني احسب من 14/9 ل14 يوم قبل
فبيصير يوم التبويض تاريخ 1-9 قالت اخدي احتياط 3 ايام قبل وبعد .
اتمنى فهمتوا :thumbs_up:
حاليا انا اخذت امس حبة كلوميد مع ماي زمزم لاني خايفه حدي من الاثار الجانية له واخذت ماي زمزم حصن لي.;)
وقبل ليلتين رحت لمراخة قلت منها اشوف كلامها واستفيد منها ، مهما كان مابيضرني شئ.
رحت لحليمة ام محمد من عراد ماشااالله عليها مرة مؤمنة وطيبة.
من دخلت لها قالت لي انا قبل ماامرخج بفهمج وبشوف ويش تسوين، عاد قلت لها وقالت لي اللي تسوينه غلط انا صرت جدي:confused: """ وبعدها قلت لزوجي يقول للي انا كاسر ظهري وتعبتي راحت على الفاضي:rolleyes:""""
عاد قالت لي اولا اذا خلصتي نايمه على ظهرج خلي رجالج ممدودين وعلى بعض وسكري من تحت بفوطة علشان مايدخل هواء داخل وبعدها ينزل السائل وانسدحي جدي لربع او نص ساعه.
وسالتني شلون تقومين وراويتها انا كنت اقوم مباشرة مااحاسب لقومتي ، اكون منسدحه على ظهري وسيده اقوم قالت لي جدي تنشد عندج عضلته الرحم وينزل عليج ماي بعدها ، وفعلا انا كنت اعاني من نزول الماي ليوم كامل بعد الجماع.
فعلمتني بالطريقة وقالت لي قومي على جنب وماترفعين راسج بسرعه شوي شوي وتبقى الفوطة ماسكتها واهيه تحت علشان مايصيدج هواء من المكيف .
وعطتني نصيحة جزاها الف خير قالت لي مناديل لحمام ماتستخدمين ، تقول انه فيه مواد وسوي التهابات قالت لي تخيلي اذا كان فيج زكام مو خشمج ينجرح من كثر استخدام الكلينكس " انا صرت جدي :confused:" قالت لي انا مااقول لج لا تمسحين الماي بس اقول لا تستخدمين كلينكس ، قالت لي اخدي لج فوط صغيرة استخدميهم احسن.:thumbs_up:
بعدها بدت تمرخني وقالت لي رحمج سليم وخلت ايدي اشوف النبض بعد وقالت انا بمسح لج على خفيف واتبعي نصايحي وانشاالله مايكمل الشهر الا انتي حامل .
واهيه صدق مرة كبيرة بس فاهمه من قلت لها انا ادري رحمي مافيه شى بس عندي هرمون الحليب ونزل مباشرة ردت عليه رحتي المستشفى خديتي حبوب علشان ينزل قلت لها ايه قالت عجل انتي مافيه شئ بس توكلي على الله ولا تنسين تصلين ركعتين قبل الجماع .
وهذه كل مشواري لعلاج لهذا اليوم .
ودعواتي للكل بذرية الصالحة وماينتهي هل الشهر الفضيل الا الله رازق كل محرومة .
اتمنى اذا احد عنده نصايح لي لا يبخل عليه واسفين على القصور.
وهذه اول مشاركة لي وهله هله بالردود والتفاعل.:thumbs_up: