ولدي واسنانه ... طمنوووني ..

السلام عليكم ورحمة الله وبركاته

اخواتي الامهات حبيت اكتب لكم جم شي عن ولدي عشان تطمنوني عليه وتفيدوووني لان اكيد بعضكم عندهم الخبرة مع الاطفال

بتكلم عن ولدي

عمرة سنة و 9 شهور وبخصوص اسنانة انه فيه 4 تحت و 4 فوق فقط تخيلوووو ..

بصراحة انا شفت اطفال وايد في عمره وما شاء الله عليهم تقريبا اسنانهم مكتملة

هو فيه من ورى سنين بس صدقوني الحين يمكن صار لهم شهر او اكثر وهم نتفة ما كبرو وايد

خايفة لا سمح الله ان هالشي مو طبيعي لانه اول طفل اشوفه متأخر بهالطريقة

اول سنين طلعو له كان عمره 9 شهور والسنين الي فوق طلعو لما كمل سنة

وايد بطيئة اسنانه في الظهور

مادري طبيعي جذي ولا لا ؟؟ واذا مو طبيعي شسوي معاه ؟؟


والشي الثاني ان ولدي وااايد وايد يصيده زكام ولاحظت ان لما يطلع له سن يزكم وعلى هالحال

اغلب الشهور يكون فيه زكام واخاف بعد كثرته تأثر عليه في المستقبل

وكل ما اروح المستفى يعطوني له دوا عادي ولا يفيد معاه

مرة لمن كان عمره سنة وديته حق عيادة خاصة (محمد الساعي)

هو وايد تمام بس الي ما عجبني انه حسيتهم يعذبونه لما شفطو منه المخاط اكرمكم الله

ذبح روحه من لصياح وذبحني معاه وعطوني له ادويه من الصيدلية وبعد مدة صار احسن

بس بعد وايد تتكرر مشكلة الزكام ماعنده مناعه كلش في الزكام

وفكرت اروح المزكر الخاص فينا واخليهم يعطوني له ادويه من الصيدلية افضل .. ولا شرايكم؟؟



واخر شي بالنسبة حق اذونه

الاحظه يحب يحط فيها شي ووقت النوم يلف راسه يمين ويسار ويحب يخلي اذونه لاصقة فيني

والحمدلله مافيها التهاب ولا شي بس دايما يقولون لي انها فيها شمع من يوم اهو صغير

فما ادري بعد هل الشمع وكثرته بعد ضارة .. وشنوو اسوي معاه ؟؟

فأنا خايفة عليه يتضرر وبعدين الوم نفسي مليون مرة اني ما سويت له شي


فجزاكم الله خير انصحوني وعلموني وآسفة على الازعاج واتمنى انكم استحملتوووني لاني ماعندي خبرة وايد هذا اول ياهل لي :o