السلام عليكم ورحمة الله وبركاته
إزيكم يا بنات
يارب تكونوا بخير
:)
رمضان عامل معاكم إية .... ربنا يبارك لنا يارب ويتقبل منه
زي ما أنتوا شايفين كدة ..... دية الريسبشن عندي
مفروض أحط فيه صالون وسفرة وأنترية
وهو على شكل حرف L
أنا حطيت ليكم تخيلي للفرش هيكون إزاي
بس محتارة في كام حاجة كدة
شوفوا الرسمة الأول وبعدين أكمل
بصوا ف مكان السفرة ... أنا مش راسمة النسبة صح أوي
يعني الحيطة اللي عليها النيش أعرض من الحيطة اللي عليها دولاب الفضية طبعااااااا
تمام
أنا أصلا لون الأرضية عندي أهو
بس هي أغمق من كدة ... أصلها متوسخة شوية :)
هدهن الحيطان أوف وايت والبروز الخشب بردة أوف وايت إن شاء الله
تعالوا بقى للصالون
عندي 3 حيطان
حيطة هتبقى ستارة زي منا قلتلكم ف الصورة
والحيطة اللي فيها كنبة هعملها سبونش ... حاجة على بني كدة
والحيطة التانية هعلق فيها براويز عادي وبس
وبعد الفرش لو حسيت إنه المكان فاضي في الحيطة دية هشوفلها ديكور أرضي كدة يمشي معاها ......
تفتكروا ممكن أجيبه إية ؟؟
بالنسبة للسفرة زي ما أنا راسمة
هي على فكرة لا مودرن أوي ولا كلاسيك أوي
تفتكروا أجيب النجفة بتاعتها إزاي
ولا لازم أجيب نجف الأنتريو الصالون والسفرة شكل واحد لأنهم في مكان واحد
؟؟؟؟؟؟
والأنترية بقى
هو عبارة عن كنبتين واحدة مقاس 2 والتانية 3
وكرسيين
الكنبة هتبقى كلها مكسية وضهرها فيه تمويجات والكرسيين هيبقوا قرييبين من الكرسي البني دة ... بس من غير رجول خشب هيبقوا مكسيين للآخر
الدواير اللي بين الكراسي ف الصالون والأنترية في الرسمة اللي فوق دية عبارة عن ترابيزات ضعنونة اللي أنتوا عارفينها دية
محتارة أنا بقى في شباك الأنترية دة ... والآرج المربع .... صعب أحط ستارة ع الاتنين .. شكلهم هيبقى وحش .... لأن الأنترية على بعضه 3 حيطان ..... لو غطيت منهم اتنين بستاير هيكتموه أوي
ممكن بقى حد ابن حلال كدة يقوللي أعمل إية ف الأنترية دة ..... علشان محيريني أوي
الشباك والآرج .... حتى الحيطان مش متخيلة اأعلق عليها إية يليق !!!!!
نسيت أقولكم إن الشباك حادف ناحية باب الشقة ..... مش متسنتر يعني
**************
وفي عمودين عندي هيبقوا بين الصالون والسفرة .... إية رأيكم أدهنهم إإية ... ولو في أفكر غير تقليدية لدهانة زي الترخيم والحجر الهاشمي والكلام دة .... ؟؟؟
شكل العامود أهو
مستنية ردودكم يا ولاد
:)
:)