وداعاً حب الشباب و أهلاً بالصفاء و النقاء

مرحبااااااا

تسلميييييين موشجان على المعلومه

وإن شاء الله البنات يستفيدون أكثر

وماعتقد عنده فرع في قطر

لو عنده خبريني:smile:

تحياتي لج

اختج

بنوته رومانسيه:shy:

تسلمين علي الموضوع بس

وين مكان هذا الطبيب وين نحصله


وين تنباع ادويته




بصراحه نبي نعرف



وشنو أسمه

يــــــا ((موشجان)) وينج من زمان...:shy:

الله يخليج قوليلنا كيف نوصل للدكتور اليوناني او لأدويته عن حب الشباب....

ويهي راااااااااح فيها :cry:

:cry:

هلا عزيزتي بنوته رومانسيه و هلا بأهل قطر للأسف أدوية هالدكتور موجودة في الإمارات فقط كأول دولة خليجية تحتضن أدويته و أول دولة عربية أيضاً و في المستقبل بيتوسعون للدول الخليجية الأخرى إذا كان فيه إقبال عليه من هالدول إن شاء الله.. و شكراً أختي :)

هلا عزيزتي البحر الجريء هذا الطبيب في دبي و بعد أشهر قليلة بيفتتح مركز و عيادة خاصة بمبنى خاص لطب الأعشاب اليوناني و إذا صارت لج ظروف حلوة تخليج توصلين للإمارات و تزورين دبي بيكون فتح عيادته و بتحصلينه و حالياً لا تباع أدويته في دبي حتى ينتهي من افتتاح عيادته و مركزه الطبي و أدويته تباع في بعض السناتر بالإمارات في الشارجة و رأس الخيمة و مدينة العين إذا تبين تعرفينها خبريني حسب الأماكن اللي تزورينها في الإمارات ........... و اسم الدكتور ..... الدكتور أنجلو .. و أي سؤال أنا حاضرة :)

هلا و مييييييييية ألف سهلا لعزيزتي الغالية UAEpearl إعذريني و الله صارت لي ظروف و ما لاقيتج ... المهم الغالية دام إنج في الشارجة استانسي من كل قلبج بتلقين أدوية الدكتور أنجلو في صحاري سنتر و ميغا مول ...إنتي بس سيري هناك و سألي الريسبشن عن ( طب الأعشاب اليوناني ) و ين يكونون لأنهم مخصصين لهم ركن يبيعون فيه أدوية هالدكتور اليوناني... و أتمنى لج كل خير عشان تفتكين من حب الشباب هالبلاء .. و لا تحاتين قوليلهم دواء حب الشباب و سعره تقريباً 250 درهم للشراب و 50 درهم للصابونة و لازم تاخذينهم مع بعض ما يجوز تاخذين شيء و تخلين الثاني.. و كاسريهم حبيبتي على السعر .. و أتمنى إننا نتلاقى قريباً إن شاء الله.. كل شيء يهون إلا UAEpearl :)

هلااااااااااا ((موشجان)):shy:

شحالج وشخبارج.. أنشاءالله بخير..!!

مشكووووووره وايد على المعلومااات..

بس بغيت أقولج أني طلبت Proativ Solution اللي يعلنون عنه في التلفزيون وانشاءالله خير..:up:

واذا ما فاد (الله لا قال) بشتري الأدويه اليونانيه..

مشكووووووووووره واااايد واشوفج على خير انشاءالله...:smile:

هلا عزيزتي UAEpearl الحمدلله أنا بخير دام إنج بخير و متشوقة أسمع أخبارج في حربج على حب الشباب و إن شاء الله تنتهي على خير .. جربي اللي ترتاحين له و تكون نتايجه واضحة بإذن الله.. و طبعاً حبيت أفيد الكل عن الأدوية اليونانية اللي ما أحد سمع عنها في عروس على ما يبدو :(
تحياتي أختج: موشجان :)

بنااااااااااااات عروووووووووس شو السالفة؟ معقولة ما أحد يعرف الدكتور أنجلو و أدويته لحب الشباب و التشققات و تساقط الشعر و إزالة الشعر الزائد و غيرها :( المشكلة إنه مشهور لدرجة إنه تم تخصيص مبنى له لعيادته و أدويته في دبي .... اليونان من أعرق الحضارات تاريخياً و مشتهرين بالطب قبل الميلاد و توجد المخطوطات و الوثائق اللي تأكد شهرتهم بالطب و العلاج بالأعشاب اليونانية و غيرها.... معقووولة ما أحد فيكن جرب أدويتهم أو سمع أحد جربها.. :(

موشجان ...

عزيزتي ممكن تقوليلي وين ألقى الأدويه في الامارات الثانيه ... اذا ما عليج كلافه تذكرين كل الاماكن ...


وألف شكر لج على المعلومات اللي تشرح القلب :-)

الله يهديج تسلمين على الوصفه بس انتي من الصبح تمدحين شئ

وانا من دبي ماقلتي من وين في دبي واي مكان :confused:

تسلمين ختي على هاي الوصفه بس وين الاماكن اللي تنباع فيه في الشارقه

:)

حبيبتي موشجان ..قبل كل شيء مشكوووووووره الغاليه على هالمعلومات :clap:...اريد اعرف ربيعتج قشرت ويها هالادويه ولا لا ...؟؟

فديتج وما عليج امر حطي الاماكن الي نروم ناخذ منه الدوا من كل اماره و ريحينا الغاليه

و الف شكر مره ثانيه :up:

:) :)

أهلاً عزيزتي الغالية hajess شكل ما قلت قبل أدوية الدكتور أنجلو موجودة في بعض السناتر في الإمارات و حالياً بتلقينه في الشارجة(الميغا مول + صحاري سنتر ) في رأس الخيمة ( كارفور ـ رأس الخيمة ) و في مدينة العين ( كارفور ـ الجيمي سنتر ـ الطابق الأول ـ العين ) و قريباً في دبي و أبوظبي.. و شكراً لردج عزيزتي hajess :)

هلا عزيزتي جرح الزمان عذريني على مدحي لأني أعرف زين إن اليونانيين مشتهرين بالطب و تمنيت إني ألقى أي وحدة مجربتنه بس ما أحد جاوبني :down: عشان أتشجع و أجرب أدوية الدكتور أنجلو .. لكن الحمد لله أتمنى إني أكون فتحت عليكن باب خير و إن شاء الله بجرب بعض أدويته خلال الفترة الياية و ببشركن .. المهم حبيبتي بالنسبة لدبي كان مخصص له مكان في السيتي سنتر بس أغلقه الدكتور لأنه جريب بيفتح عيادته الخاصة و مركز لطب الأعشاب اليوناني في القصيص بدبي لازم تفرحين مكانه الرئيسي بيكون في دبي و إذا ما فيج صبر و تبين تستعملين أدويته سيري الشارجة مب بعيد عنج و بتلقينه في صحاري سنتر و الميغا مول إسألي الريزبشن و بيدلونج على مكانه إن شاء الله .. تحياتي :shy:

هلا الغالية عنووووووووود ...... بتلقين أدوية الدكتور أنجلو ( طب الأعشاب اليوناني ) في صحاري سنتر و الميغا مول .... أي سؤال أنا حاضرة :shy:

الغالية fatma مشكورة على ابتسامتج الحلوة :up:

هلا صمت الكلام لا شكر على واجب حبيت إني أفيدكن و أستفيد المهم حبيبتي ربيعتي قالت لي إنها ما حست بأي شيء في بشرتها طول فترة العلاج و لازم تلتزمين بطريقة أخذ الشراب و الصابونة اللي تستعملينها في الليل بس ... لا تقشير و لا شيء يستوي في البشرة كل اللي بيصير إن جسمج بيتنظف داخلياً من أسباب هالبثور و الندوب السوداء ما يأثر على جسم الإنسان خارجياً و بعد انتهاء فترة العلاج بتختفي البثور و الآثار من الويه و الجسم بعد يعني بيعالج كل البثور اللي على ويهج و جسمج و بتفتكين إن شاء الله طول العمر بس استعمليه أربعين يوم أو أقل حسب اللي بيقولج إياه اللي يبيع أدوية الدكتور أنجلو ( طب الأعشاب اليوناني ) بيخبرج متى توقفين العلاج ........ بالنسبة لأماكن أدويته و لا يهمج بعطيج الأماكن في العين ( كارفور ـ الجيمي سنتر ـ الطابق الأول ) في الشارجة ( صحاري سنتر + الميغا مول ) في رأس الخيمة ( كارفور ـ رأس الخيمة ) في دبي ( المركز الرئيسي لطب الأعشاب اليوناني سيفتتح قريباً في منطقة القصيص ) أبوظبي ( قريباً بيكون للأدوية اليونانية ركن خاص في أبوظبي مول أو المارينا مول ) و أي سؤال حبيبتي صمت الكلام أنا بالخدمة تحياتي موشجان :shy:

مشكوره حبيبتي موشجان
بس حبيت وين ممكن الاقي الادويه في راس الخيمه
تحياتي
:(