قبل لا ابدا أحكي قصة ولادتي
أتمنى من كل بنت تدخل اذا ما تكتب رد
تدعي لكل منتظرة للحمل بحمل عاجل ليس آجل
وأن تقر عيون اخواتنا المسلمات بذرية صالحه نافعه :)
وأن يرزق أخواتنا العازبات زواج سعيد ومستقر وأن يتمم ربنا عليهن نصفهن الآخر :)
**
اسمي صعب بس نادوني آيبـــي :rolleyes: أسهل عليكم
انا من تجمع أمهات أغسطس F: أجمل صحبه
ومن تجمع أمهات وحوامل ومتأخرات السلطنه F: أروع شلة
قبل لا تبدا عندي بوادر الطلق
وقبل شهر تقريبا كنت كله اقول لأخواتي
عندي احساس اني بولد تاريخ 14/8 - ثالث رمضان
رغم انه موعدي تاريخ 17 ويقولوا البكر تطوووول
بس ما ادري ليش هالإحساس ملازمني وبقوووه
ويمكن لأنه تاريخ 14/8 يصادف يوم عقد قراني فكنت أقول لزوجي تخيل اولد بهاليوووم
يقول حلوووو أتمنى والله ...
قال اذا جات تاريخ 19/8 وما ولدتي بجيبلك اناناس ومشلي ( المشلي هو ماء النارجيل :) )
لأنه يسرع بوادر الطلق ... وانا محتجه اقوله بس يومين اكون عديت موعدي
هو خايف يصير فينا شىء اذا طولنا اكثر
يخاف انه البيبي يتأثر وانا عادي عندي أطول :thumbs_up:
**
تاريخ 13/8
كنت اسوي السحور لبيتنا -اهلي وعالساعه 9 المسا بديت أحس بآلام في أسفل بطني
تجي وتروح تجي وتروح وأنا مستغربه شو هالآلام ؟؟؟
وما جا في بالي الطلق ابدا :confused:
لأني بخير والحمدلله طول الايام الماضيه انا حتى الطلق الكاذب ما صادني ولا اعرفه
كان حملي خفيف بالآواخر الحمدلله الاا الوحاااام خلاني أذبل من الخاطر ..
فعاد ربي عوضني بآاواخر حملي F:
المهم قلت لأختي خلا نمشي على حوش بيتنا علشان كبير
ما احب اطلع خارج اضظر البس عباه ورسمي والخ :worn_out: وعاد تعرفوا ثقل الحمل
واحنا نمشي الألم مستمر
قلت ليش ما احسب له ؟؟
شفت ع تلفوني وبديت احسب واحنا نمشي
حصلته كل دقيقتين :-o
كيف كذا؟؟ اللي اعرفه انه يبدا كل نص ساعه
وينزل تدريجي مو دقيقتين على طووول :hysterical:
مشيت بس 25 دقيقه
على فكره انا من دخلت التاسع مشيت يمكن مال 6 مرات او 7 بس :rolleyes:
امي وزوجي كل يوم ينازعوني قومي امشي وانا اقول بكره بكره
وهالبكره مالي ما خلصت لين ولدت :lol:
دخلت الصاله وقلت لأني في الم يمسكني كل دقيقتين أسفل بطني
شو يعني؟؟ :!!:
قالت ها شكله انذاااار
امشي اكثر
طبعا ما مشيت >> مخاصمه المشي:confused:
رحت اسبح ونزلت وتعشيت شوي
كان الالم بعده يروح ويرد وانا اضحك واسولف عشان ما ينشغل بال امي
وللعلم لين هاليوم وبطني بعدها ما نزلت
يعني مو صحيح اللي تقترب ولادتها العلامه تكون نزول البطن قبل باياااام :thumbs_down:
بعد العشا
عالساعه 12 الفجر رجعنا انا وزوجي شقتنا وخبرته بآلامي
قال يمكن طلق كاذب؟؟
بعدين بدا يخف عليي ونمت على 2 ونص
قمت الفجر وصحيت زوجي واكلنا فاكهه وشربنا ماي
وردينا ننام بعد نص ساعه قمت عشان بتوضا لصلاة الفجر
ورحت الحمام -ربي يكرمكم وانا جالسه عالحمام
اشوف قدامي سطر نمل بالبانيووو وعاد انا موووتي اشوف كذا :adore:
مسكت رشاش الماي اسبحهم وأغرقهم وأطفرهم هنا وهنا
لين اشوف ما بقت حياه تمشي >>> ارهابيه :D
وجلست اتأملهم بس احس بحاجه غريب تحتي
اشوف وأكتم صررررخه بالقوه:-o:-o
شفت دم كثير نازل علي
انصدمت بقوووه
شتتت شكلها ولاده!!!!!!!!!!!!!!!!!!!!!!!!!!!!!!!!!! :-#
وعاد تخيلوا 9 اشهر واحنا هالدم ما شفنا وجهه :study:
حاجه غريبه واحساس اغرب :worn_out:
ياررربي شو اللحين شو اسوي؟؟ ايش اليوم؟؟ اووو شو ناقصني انا
وتميت افكر بكل شىء وطلعت بسرعه جبت اولويز لبسته
وكل ما امسح بكلنكس الدم يطلع ما يخلص وخفت
على فكره انا كنت دوم ادعي اقول ياااارب ينزل علي دم ما ابا مااااي
الماي يسوي احراج اذا نزلو انا بمكان غير مناسب واخاف اتفشششل :hysterical:
والحمدلله صار اللي بغيته
:)
المهم من نزل الدم صار الألم كل 5 دقايق يجيني 35 ثانيه
التايمر مال التلفون شغلته من الخاطر كل شوي اخليه يحسب :worn_out:
صليت
وكل ما تجيني الانقباضه احاول اتنفس بعمق عشان يخف الألم
وزوجي نايم
صحيه للصلاه قام صلى ورجع نام
وانا بعدني بألمي يااارربي انتظر زوجي لين يصحى 8؟؟ وعاد يشلني بيت اهلي
يبعد عنا بالسياره بس 5 دقايق
وهو ما هاين علي كان تعبان وما نايم وقلت بحتاج طاقته لبعدين اذا فعلا ولاده اليوم :clock:
وجلست متحمله ما قادره انام وهو حس فيني الساعه 6 وخبرته انه نزل عليي دم
وفتح عيونه قال يعني شووو :confused:
قلت له انت نام لين 8 وعاد شلني بيت اهلي اللحين عادي متحمله
سويت عمري كووووووووووووووووووووووول ;)
المهم رحت مره الحمام الا وتنزل سدادة الرحم
حاجه لزجه وكثيررررة :worn_out:
وكمان وراها دم
8 صحيته وجهزت ورقة الأدعيه مالي وشنطتي من اول في بيت اهلي F:
رحت دخلت البيت وزوجي راح الدوام قال اذا صار اي شىء بلغيني
دوامه جنه بيت اهلي دقيقتين بس :)
اول ما دخلت اشوف امي تقرا قرآن وعلى طول انا :'(
الدموع في عيني >> كيدد النساء :D
امي تسألني خيررر؟؟
اقولها شكلي بولد اليوم ... قالت لييييش خير شو صاير؟؟
نازل علي دم واااااااجد والألم كل 5 دقايق:(
قالت امي بل عيل هذي ولااااااده خلا المستشفى :-o
عاد انا كذا استويت :confused: لااااا
ما اريد اروح من وقت ويبهدلوني بالفحص8o|
مستوي العكس العاده البنات يخافن ويركضن المستشفى والأمهات يأجلن:worn_out:
قلت لها اصبري علي شوي بعد
اقدر اتحمله الألم :-#
ورحت بعدين ركض فوق
اصحي خواتي ثنتين وحده اصغر مني بسنتين والثانيه ب4 سنوات
ايييييه قومن بسرررررعه انتي خلصي توزيعاتي -باقي اللمسات الأخيره عليها :worn_out:
وانتي قومي حفي لي شنبي :I:
وخواتي ما مستوعبات وردن يتلحفن :|
وانا اصرخ عليهن قالن انتي من صدقش؟؟
اللي بتولد نعرفها تجلس تتقلب من الألم وكله تصرخ - واجد\ خواتي متأثرات بالمسلسلات المصريه 8o|
اقولهن والللللللللله فيني طلق وبادي الدم علي :biggrin: وانا فرحانه
غيرت الأولويز
واختي نزلت تحت بسرعه
امي تقول ليش صاحيه ؟؟ مداها عاد تخبركن 8o| صح ما تمسك لسانها
امي تعاني كثير من لساني حتى يوم حملت من عمر حملي يوم ما بقى احد ما خبرته حريم رجال وامي متفشله مني :hysterical: >> فيها طبع انجليز :lol:
نزلت الصاله وجيت دخلت عروس وامي على اعصابها تقول وتستخدمي نت ؟؟!!!
قلت ايه اخبر بنات عروس عن الأعراض اللي فيني شو هذي؟ :!!: >> بعد تستعبط
قالت قومي خلا المستشفى اذا نزيف مو زييييين انا بحملاتي كنت اروح ع طول
وكله اسألها زين ومتى بولد ؟؟ قالت عالعصر ان شاء الله
اقول ككككييييف وانا للحين بخير مو كثير الألم ؟؟
عيل سهله الولاده :worn_out:
بعدني ما متخيله
المهم جات اختي وجلست تحف لي وامي منقهره :mad: تقول اللحين فيكي بارض بعد تحفين ؟؟
وانااقول كله ولا الشنب :rolleyes:
اذا جاني الانقباض اقول حال اختي لحظه
اتعصر
وبعدين ارجع اضحك :biggrin: والله هالإنقباضات غريبه :worn_out:
المهم لبست اختي عباتها وشلت شنطتي ومعانا امي ورحنا المستشفى
ما يبعد غير 7 دقايق عن بيتنا
كل الطرق عند آيبي دقايق :rolleyes:
ديسكاونت اقل عن 10 دقايق المسافات :adore:
المهم رسلت لزوجي وقلت له بنروح وبنوافيك شو يخبرونا
يمكن يرجعوني او حاجه
قال تمام
دخلنا الطوارىء وامي تغصبني اجلس بالويل شير
أحس نفسي كذا عاد حاله ميؤوسه واان بخير الحمدلله
بس الممرضه اصرت
وجلست فيه وشلوني - ياخي فشله امر بين الناس كذا
كله افكر اقول اللحين شو في بالهم انا فيني وشكلي عادي ؟؟ :!!: >> خبرتكم امي اني متفيقه بخيالي :-#
دخلنا قسم التوليد اول مره يحباتي ادخله :sick:
ودخلوني غرفه وحطوا عليي جهاز قياس نبضات البيبي ما ادري لكم
والألم بعده فيني بس ابتدا يصير كل 3 دقايق
اسولف واضحك وكل ما يجي اصير شكل ولون ثاني :sick:
وأمي تحسب لي كل كم الألم
واختي جايبه معاها كاميرا احترافيه علشان تصور البيبي وهو يطلع
:-#
وكنت اخليها تصورني وانا بلبس المستشفى واتضحك واسوي كذا :thumbs_up:
وامي تضحك على جنوني
اول ما تجيني الانقباضه امي تقول اللحين صكيها بصورة وهي فيها الانقباضه :lol:
وكان الشفت اللي عندي عمانيه وهنديه
وحبوبات وكيوووت مره الحمدلله
قالت العمانيه بنفحس كم سانتي الرحم مفتوح
بسرعه اشوف ع يدها احصلها يد مليااااااااانه وسمييينه مرررره :-o
وعاد انا ارتعبت اقولها لا بليز يعور قالت جربتي قبل؟؟
قلت لا بس قريت كثير >>> ما بلاها غير شات عروس قسم الحمل :study:
قالت ان شاء الله ما بيعورك
قاست لي الرحم والحمدلله يدها كانت خفيييييييييييييفه ولا حسيت
اصلا كأنها دغدغتني :-#:lol:
قبل لا تقيس قالت احتمال نرجع البيت اذا ما فاتح او فاتح شوي
قلت الحمدلله ما ابا اجلس هنا
يوم قاست قالت 3 سانتي :-o ولااااده خلاص بنحجزك هنا
:(
قالت عالعصر يمكن تكوني ولدتي
وانا شاله معاي ماي زمزم وقاريه عليه قرآن
وامي تقول اللحين كيف وانتي صايمه ؟؟
ما بتشربي؟؟ غير ها تبا تعطيني زيت خروع
وانا مصره اني صايمه :rolleyes:
بعدين سألت الممرضه عن رايها
قالت احسن تشربي سوايل بتحتاجي طاقه
قلت صح احسن لا تروح علي منافع ماي زمزم :thumbs_up:
جلست اشرب ماي زمزم واتمشى بالغرفه واقرا من ورقة الدعاء
وانا بعدها الآلام وأراسل اختي وزوجي
وانه الاوضاع لا زالت هاديه :thumbs_up:
وامي تكلم خواتي الكبار بالتليفون > ثنتين اكبر مني F:
وتكلم خالتي
وجوا خواتي
وكل مره وحده تدخل عندي والشرطيه اهتلكت من اهلي :lol:
مفروض مرافق واحد
وبعدين نقلوني غرفه ثانيه اوسع هي غرفة التوليد
وانضم لي زوجي الظهر وسألني اذا يجيب شىء
قلت له رطب وتمر وطحينه ومشلي >> ما شىء وما تريده :lol:
وامي تحاول عليه يرجع ينام ويرد لنا الظهر وهو ما راضي
قلت له روح عادي شكلي مطوله وتعال عندنا العصر
لين وافق
بس هو رجع ما قدر ينام كان خايف كثير وبنفس الوقت متحمس
لأنه اخيرا اللحظه اللي انتظرها اقتربت :adore:
وجلست يجهز رسالتين وحده للأهل والمقربين والثانيه للأصدقاء
وحط المرسل اليهم
وجا مره راجع لنا المستشفى
جاب زيت خروع امي طلبت منه
الساعه3 يمكن عطتني امي 4 أغطيه في دبة ماي وشربتها
على 4 انا رايحه جايه الحمام
صابني اسهاااااااااااااااال:confused: وامي ما خبرتني انه من اعراضه الاسهال وانا مستغربه شو صابني؟؟؟
وامي تقول امشي واختي تمشي معي تشجعني
وأنا لآخر لحظه كسوله امشي 10 دقايق بعدين ارجع اركض السرير ابا انام :D
بدا الطلق يصير كل 6 دقايق
وشوي كل 9 دقايق ومره 12 دقيقه :confused:
وأمي تعلق تقول ياربي حتى طلقها مجنون مثلها :hysterical:
لما انام ما ينتظم ولما امشي ينتظم وتجي الانقباضه ما اقدر امشي
اووووقف طوالي ما ااتحمل :hysterical:
وعاد 5ونص حطوني عالسرير بيقيسوا نبضات البيبي مره
لين 6 يمكن
بدا الالممره ينتظم كل 3 دقايق اول ما يجيني اتأوه
7 الا ثلث يمكن بدا الطلق يحمى
وقاست لي وحده فلبينيه وعورتني شوي:hysterical:
مامثل الاولى هاكا لشفت على حظي راحوا جو شفت ما حلو
حتى ابتسامه ما يبتسموا
فلبينيه وهنديه 8o|
قالت 8 ساااانتي
وانتظروني شووي وبديت انا من الألم اللي يجيني اصررررخ
وعاد زوجي كان جنبي لانه امي طلعت تقرا قرآن
قبل لا يحمى الطلق عندي
وانا كله حراااانه واصرخ اقولهم حرررر
مع انه الغرفه كانت ثلللللللللللللج :woo:
وزوجي يشبب لي على وجهي يريحني شوي
على 7 وأنا اصرررخ بالانقباضه وهو يقول استغفري وادعي
وانتي قايله ما بتصرخي
وصار يشجعني
وجلست ادعي وادعي ولما تجي الانقباضه اصرخ اقول يا الله يا كريم يا رحيم خلصني يااااااا الله
يا مخلص النفس خلصني يا مخرج النفس خلصني واكرر
ولما تخليني الانقباضه ارجع ادعي ومن تجيني ارد اصرخ وانا ادعي
وزوجي يقول آميييين آميييين ويمسح على شعري
ويوم ما اتحمل عاد استنشق هذاك الاكسجين لين حسيت اني خلصته :|
والميدوايف والممرضه ينازعني لا اصرخ 8o|
كرهتهن انا ما بيدي :worn_out:
بعدين قالت اول ما تحسي بألم سوووي بوش
وانا كنت بين الانقباضتين
اقول اللحين كيف اعرف متى اسوي بووش :rolleyes:
شوي واستنشق بقووووة واكتم انفاسي
ويعرفن اني بسوي بووش ويصفن قدامي
طبعا ما في حاجه مغطيه واللله إحراج وانا كله اقول لزوجي
اجلس عند راسي لا تشوووف
وهو يقول والله حبيبتي ما اشوف ما تهتمي :hysterical: >>كل حد خاطره في صوب :D
حتى الابره اللي بيدي مالة السقايه ضربت بها بالسريررر من الألم وطلعت شوي وانا اشوف الممرضه ماسكه يدي تحاول تلصق مره
ما فاهمه عاد بعدين خبرني زوجي اني سويت هالحركه اقول معقوله ما تألمت ؟:confused:
يقول هذيك اللحين يألمش شو والا شو :thumbs_down:
وحده من الانقباضات اللي جاتني كانت جنبي الهنديه
وأمسك معصم يدها بقوووووه واصررررررخ وهي تصرررررررررررخ :-o
وبسرعه فلت يدها وانا اقولها سووووري :hysterical:
زوجي يقول مسكي يدي والا السرير ما تمسكيها هي :worn_out:
اظن في خاطره كان يبا يضحك :lol: ع شكلنا
وبديت اسوي بووش
اخذ شهييييق عميق واكتمه وابدي ادفع
وما يطلع شىء
وهمه يشجعوني اني طووولي البوش وانا ما متحمله
حدي 3 بوش ويروح الألم وارد مره ارتاح لين تجيني الانقباضه اللي بعدها
الالم ما كان ورا بعض
بس كان يريحني دقيقه ويرجع
سويت يمكن اكثر من 12 بوش بدون فايده الراس ما راضي يطلع :'(
وبديت احس بإحباط شوي واقول لزوجي خلاص احس بيغمى علي
جاني كأنه دوار
وهو يقول لا لا ما بيغمى عليش تقدري تسويها واصلي ويشجعني
وباقي شوي وبيطلع
وبديت مره اسوي بوش
والحمدلله زوجي صار يخبرني سوي بوش على تحت لا تدفع بصدرج
كأنه حس فيني الحمدلله كنت اسوي بوش بالغلللللط
عشان كذا ما قادره
بس بعدلما عرفت وصرت ادفع لتحت
ما شىء يطلع
والممرضات يسولفن ويضحكن ويشوفن شكل بطني
يقولن بطنها صغير كيف تتوقعي ذا اللي داخلها وحده تقول 3 كيلو والثانيه ما ادري ايش تخرف
وانا متفيقه عباره اسمعها وعباره ما اسمعها :biggrin:
وأخيرا جاني مره ألم واسوي بوووش طويل وما شىء واسوي الثاني وما شىىىىء :'(
والهنديه تصرخ يس يس يس يس
بعدين قال زوجي ايوا شىء يطلع يلله حاولي بس هالمره ريحت وخذيت شهيق وادفع مره بقوه والثانيه وحسيت بدت حاجه تطلع اخيرا وشكلها هي دخلت شوي يدها وسحبته
وسلاااااااااااااااااااااااااب انزلق مني
زوجي بسرعه مسك الكاميرا وصار يصور
لأني من قبل مخبرتنه لا تفوت اللحظات الأولى من حياته صور ولو كنت انا تعبانه لا تهتم :adore:
تبون الصورة ؟ :struggle:
آآآه أخيررررررررررررررررررررررررررا رجعت على ورا وطيحت ظهري وراسي آخذ انفاس فرحت الحمدلله الحمدلله اخيرا
بس ما حطوا البيبي بصدري :(
وكان يبكي وامي واختي سمعوا خارج وعلى طول رسلوا راسايل واتصلوا :adore:
وامي خاطرها تدخل وهالميدوايف كل شوي تصرخ تقول اصبري 8o|
كرهناها وبديت تخيط فيني
وعاد بالخياطه :confused: صرخت من خاطري
يمكن كل القسم سمعوني
تألمت جدا حسيت بالابره والخيط حتى لما تمسك باللكاب لحمي احسسس وانا اصيح اربع اربع
عاد دخلت امي وزوجي طلع وقت يخيطوني عشان يصلي ويفطر
وجلست جنبي وتقول ليش كذا تخيطوها كثيييير؟ 8o|
وهي اسلوبها الميدوايف ابدا ما حلو قالت هي ما سوت بوش زين ما رضى البيبي يطلع :study:
شكلها قصتني من الخاطر
ساعه كامله وهي تشك وتخيط وانا اصيح واقولها خلصي ذبحتيني من الألم
وانتي ما كيووووت :hysterical: وهي تقول انتي ما ايزززي 8o|
يو آآآآر سكويزنج .. أقولها من الألم 8o|
لين خلصت وغطوني وانا عاد حيلي منهد للآآآآآآآآآآآآآآآآآآآآآآآآآآآخر
خلاص ما في طاقه
يقولوا من يطلع البيبي كل شىء يهون وكل الآلام تروح
وانا اشوف بسبب الخياطه جاتني آلام دبل دبل تربل تربل :'(
حتى الهنديه كانت تسألها مسوتلها بنج ؟تقول ايه
شكلها سوت بس بالبدايه وما عاد عووودت :'(
ساعه اكيد بيروح المخدر
خلصنا الم الخياطه ابتدت الرضاعه يغصبوني وانا ما عارفه ولا هو عارف
صح طلع بوووي بيبي :D >> نسيت اخبركم :worn_out:
طبعا كنت اعرف مسبقا بس ما قالوا لي مبروووك ولد
كله سكوت هالممرضات :mad:
عاد جلسوا معاي امي واخواتي وزوجي لين 12 تقريبا
اناولدت 7:43 F: تاريخ 14/8 ف يوم زواجنا :)
كانت هديه مميزة لنا الاثنيين والحمدلله ....
زوجي تم معاي لين 1 ونص لي نزلوني قسم الترقيد
وعاد فضيت اشوف ولدي شكله وملامحه :)
اول الأيام كنت اعاني كثيييييير من الرضاعه والخياطه
امشي شوي شوي كأني روبوت
وما يرضع مني ما عارفه كيف وكله يمص ملابسه ويكسر خاطري :(
وامي ما راضيه اعطيه صناعي من اللحين
وجلست اشفطله من صدري واعطيه الزجاجه ويشرب منها
واحاول بنفس الوقت من صدري وما يأست كل ساعه احاول
لين نجحت اخيرا برابع يوم F: والحمدلله
عسى ربي يتمم على كل حامل ويسهل ولادتها يااارب :)
هذي قصتي بإختصار >> كذا بإختصار :worn_out:
اسئلتي اللحين بما اني دخلت عالم الأمومــــة F:
الجرح تحت والخياطه ... استخدم لها ملح وماي وكريم ميبو وزيت لقمان
في شىء آخر ممكن اسويه للعلم انه هالأشياء احس خففت عني؟؟
بس احيانا احس بحررارررره تحت شوالحل؟؟
الدم ينزل ما كثير علي عادي؟؟ اليوم اكمل 11 وصار بس ينزل وسخ خفيف
حتى دم ما نزل
صدري لما يتملي بالحليب ما يعرف ولدي يرضع
نجلس 10 دقاي واحنا نحاول
يصير مكور الصدر :lol:
شو الحل؟؟ :worn_out:
الحلبه لازم كم يوم ناخذها ؟ عاد تعبت من ريحتها
عرفت في بنات يستخدموا تحميلات عشان تنزل الاوساخ والماي
الحلبه ما تقوم بهالمهمه بعد ؟؟
لاني اشرب كل يوم 2 مج :)
عادي نلبس ستيانات رضاعه ؟؟ يقولوا مو زين لا يمسك قنوات الحليب
بس انا ما اقدر بدون والحليب يصب
بتخيس ملابسي :-#
هذا للحين :)
وسميت ولدي إيــــــــــــــاد:)
استغل الموضوع وانزل صورة سريره
من عمل يد زوجة اخوي شرايكم :L:
وإيادي داخل الله يحفظه ان شا ءالله :)
توزيعات الأطفال
ستاند خشبي وصفينا عليه شنط اشكال مختلفه داخله حلاوة فواله كورن فلكس
وهذي صورة كامله للستاند
وهذي توزيعات الكبار سجادات اليد عشان ولادتي برمضان F:
وهذي رجول ايودي حبيبي :adore:
وهذا ايووودي سموا بالله وقولوا ما شاء الله
ما يحب الإزعاج من صغره :L:
