ضعف التبويض هل سببه خمول الغدة الدرقية؟؟ ساعدوني

نمله كشخة;12988582:

السلام عليكم ورحمة الله وبركاته ،،

مبارك عليكم الشهر وينعاد علينا وعليكم بالخير واليمن والبركات ،،

اخواتي حبيت اسأل سؤال بسيط لعل وعسى القى الراحة وهدوء البال!!

من شهر تقريباً عملت تحاليل بسبب تأخر الحمل وطلع إن عندي

خمول بالغدة الدرقية

صابتني بعد زواجي الحمدلله على كل حال بس سؤالي هو ان الدكتورة

طلبت تحليل للتبويض بيوم 21 من الدورة وسويتها فطلعت النتيجة

بأن تبويضي ضعيف معدل هرمون البرجسترون (1,7):'(

وهرموناتي الباقية طبيعية فسؤالي للأخوات هل ضعف التبويض سببه

الغدة؟؟

وهل مع استمراري بالعلاج يرجع التبويض طبيعي وتصير كل الامور

طبيعية ويكون في احتمالية حمل؟

او مافي امل يصير التبويض قوي إلا بالمنشطات؟؟

انا قبل لااتزوج كل شي كان طبيعي والدورة منتظمة بس تزوجت
كل شي تلخبط وحتى الدورة ماتنزل الا بعد 50 يوم فاضطرت الدكتورة توصف
بريموليت ان استخدمه لمدة 3 شهور !!
يابنات تكفون ساعدوني محد من اخواتي مر بمثل تجربتي
ولمن ابحث بالنت احس بالضياع كل وحدة تقول كلام :!!:

فبلييييييز من عندها خبرة ومرت بمثل تجربتي

تريحني وتطمني الله يطمن بالها ويعطيها اللي بخاطرها ،،

نسألكم الدعاء في هذا الشهر الفضيل بإن يرزقني الله بالذرية الصالحة ويرزق كل محرومه يالله يارزاق ،،

انتظر جوابكم اخواتي F:

نمله كشخة;12993912:

ياهلا اخواتي ،، اشكركم ع المشاركة والرد بس كنت حابة

اسألكم هل عندكم سبب معين تسبب بضعف التبويض؟؟
اي له

مثلاً تكيس او مثل حالتي الغدة الدرقية لان مثل ماسمعت

لازم تكون هناك اسبباب لضعف التبويض فإنتوا من شنو تعانوا؟؟؟
اكيد السببين الي ذكرتينهم يسببون ضعف في التبويض التكيس والغدة

وبالنسبة للأخت بقايا الفجر تسلمين ع النصيحة والدعاء ولكن حبيت

اسألج اشرب المرقدوش المعلب بزجاجات والموجود ف السوبرماركت

هذا المقصود؟؟ عادي اي واحد بس الي في العطار اكيد اقوة

وهل اشربه كل يوم من دورتي؟ انا حالياً بعد كم يوم موعدها

لان استخدم البريمولت

ولاحظتها من تزوجت تنزل قليل جداً لدرجة ان ماينزل شي

حدها 3 ايام .. جربي روحي هالمرة للمراخة خبيرة واشربي مرقدوش فقط ايام الدورة من يوم رابع او ثالث تنزل الدم كوبين مرة الصبح ومرة بالليل والحين رمضان شربي كوب كفاية

مع ان دورتي السابقة تنزل طبيعية وتوصل إلى 8 ايام ولاادري هل الغدة

اهي السبب بكل هالخربطة او لا لان كل شي طبيعي حتى هرمون الحليب
اكيد الغدة لها سبب

وقالتلي الدكتورة دام هرمون الحليب طبيعي يعني ماكو

اي مشاكل بالمبايض ان شاء الله ما تكون مشاكل

واحتمال كبير تكون الغدة اهي السبب وان شاء الله تتحسن بالعلاج،،

يارب ياكريم ارزقني وارزق كل محرومة بالذرية السلمية المعافاة :(

عيون وليد;12994799:

هلا فيك اختي

لاتخافين انا صار معاي مثلك بالضبط بعد الزواج اعتفست وتاخر حملي لمدة سنه وطلع عندي خمول في الغده الدرقيه

وبسبب خمول الغده زاد وزني والدوره الشهريه اتلخبطت وصار عندي ضعف تبويض وحتى البويضه اذا طلعت يكون حجمها صغير وماتتلقح

الدكتور صرف لي حبوب الغده الدرقيه التروكسين وصرف لي حبوب لهرمون الحليب لانه كان مرتفع مرررره وصرف لي كلوميد الي هو منشط

وسويت متابعة تبويض بالاشعه عشان نشوف حجم البويضه اذا صار طبيعي او لا والحمدلله حملت وجاني ولدي ماشاء الله وحملت مره ثانيه بس اجهضت والحين افكر احمل مره ثالثه دعواتك لي

حبيت اطمنك لاني حسيتك قلقانه اهم شي امشي على كورس العلاج وانتي تحملين بحول الله وقوته

على فكره الغده الدرقيه في عيلتي منتشره واكثر من وحده حملووووو وعندهم الغده لاتخافين ياقمر

عيون وليد;12998437:

حياك الله اختي نمله

لازم منشط عشان حجم البويضه عندي ماكان اوكي

ترا المنشط مايتعب الي يتعب علاج هرمون الحليب هو الي مررررره متعب

بس المنشط موب متعب انا صرف لي الدكتور حبوب كلوميد والحمدلله صار التبويض عندي طبيعي

يعني لاتخافين

نمله كشخة;12996743:

انا اخاف من الحجامة احسها تألم بس سمعت وايد عن القسط الهندي

تكفين طالبتج اسألي زوجة اخوج عن القسط شنو هذا ووين اقدر
القاه بالبحرين دامنا من نفس البلد !!
تكفين اهل زوجي ذابحيني من الاسئله:'(

ساعديني واجرج ع اللهF:

ام سيد حسن;13022705:
لا تشربين المرقدوش الي في الزجاجات ترى غيرررر عن البردقوش
انا سالت الحواج وقال الي انه غير واذا تبين تتاكيدين روحي مركز المنتوجات الشامية قبال مجمج الهاشمي وايد زين حق الاعشاب ويمكن يفيدج ويعطيج اشايء تنظم لج الدورة

الله يرزق الجميع