مشكلة واحد ويا وحده

فين المشكلة هنا...يقول لها انه بيحب مراته و لن يتزوجها و اذا سببت له مشالك يهددها بأنه سيبلغ زوجها

الحل بيده يقطع علاقته معاها ويعود لبيته ولزوجته

اضم صوتي لغدر الزمان وياريت تغير اسمك ......لا تسبوا الدهر فان الله هو الدهر.وانا اتوقع الحل الصحيح هو الصراحه :يصارح المطلقه بانه حير جع لبيته بدون اي مشاكل وانه غير قادر على الزواج منها لعدة اسباب ....والافضل انه يدورلها على واحد يسترها.

اختي رانيا مررت على موضوعك بس اسمحلي لي انتي قلتي ( مال منها ومتأذي منها .. وهي منفصله عن زوجها .. وذكرتي انها طالبه الطلاق .. حتى الآن مافهمت اي شيء .. بس ابي اقولك حاجه اختى .. هو الرجال كذب على زوجته .. وحبيبته .. والا كيف متاذي منها يعني مايحبها بس يلعب بقلبها ويدمر اسره كامله ( والله حرام )) لابد ان يضع حد بالابتعاد عنها وان يسعى هو بنفسه الى اعادتها لزوجها السابق .. والصادق دوما بالزواج ياتي الابواب من ابوابها مو من خلف زوجته واهله واقربائه .. هذه وجهة نظري ولو انني كتبت رد بسيط رغم عدم المامي الكامل بتفاصيل المشكلة .. باي

اختي رانيا اول شي احب انبهك لشئ

زوجك لو عرف انك تحلين مشكلة هالشخص راح يزعل فليش تسببين لنفسك مشاكل مع زوجك انتي في غنى عنها ؟؟

ثاني شي

الرجال بعد ماصحى من نزوته ويبي يتخلص من اللي تعرف عليها مو قادر ؟؟ شلون تتصدق هذي ؟؟ الحين لو بنت تعرفت على واحد وحبت تتركه يمكن تكون صعبة لأنه يمكن يكون ماسك عليها شي او غلطت معاه او غيرها من هالسوالف اللي نسمعها هاليومين ( الله يبعدنا عنها ) وهم البنت مو صعبة تتخلص من علاقة بس الرجال يقول مو عارف يتخلص منها !! اصلا هو اللي في مركز قوة ويقدر يقول لها ماراح استمر معاك وانا برجع لزوجتي وبنتي او انه يقطعها بدون ما يقدم لها مبرر ( مين راح يمنعه !)

اختي قولي لقريبك هذا يرجع لربه ويحافظ على بيته وزوجته ونفسه من المغريات مهما كانت ولو كانت عنده مشكلة مع زوجته يعني ملل او روتين او اي مشاكل ثانية يحاول يحلها معاها داخل البيت مو يدور على تسلية خارج البيت قد تهدم حياته وحياة غيره

تحياتي لك

ملياردير و رومي،

مشكورين على الرد، فعلاً السالفة بايخة آنه عارفة أن الغلط منه ونصحته أن يصون بيته و يرجع لربه وزوجته وعياله ماله داعي يرد على مكالماتها ومسجاتها ولا يرتكب ذنب لأن هو في الأصل ماراح يتزوجهه.

وعلى فكرة يارومي ترى آنه قلت حق زوجي لأني حسيت بالذنب أني أخبي عنه شي وزعل وقال كيف تسمحين له يفتح معك هالمواضيع ( لأن هو معي بالعمل) في مكان عمل وعيب عليه يكلمك وقال لي مابيك تردين عليه لو يه وكلمك وآنه مابي غير رضى زوجي عني,,,,,,

وبس مالي دخل في سالفته هو رجل كبير ولازم يحل هالمشكله بنفسه.

تفكير سليم اختي رانيا

حلو انك صارحتي زوجك وشفتي كيف زعل عليك .. حرام توك في بداية حياتكم الزوجية يصير زعل بينكم بسبب شخص ماهو من العائلة ..

خلاص هو ابخص بمشكلته وانتي ابعدي عن الشر وغني له

تحياتي لك

مشكورة يارومي على كلامك الحلو فعلآ ماكان له داعي حتى آعور رأسي مجرد نصيحة تنفعه ومالي شغل، مال داعي آخلي شي يأثر في علافتي مه زوجي حبيبي لأنه صار بالنسبة لي شي كبير ماقدر آستغنه عنه والحمد لله أن زوجي واثق فيني وعارفني زين.