بنات البحرين تكفون ردوا علي

اختي انه بعد حملت وطرحت وقالو لي تابعه ورحنا حق واحد في دمستان اسمه مهدي معروف هو هناك بس اسئلي عنه بدلونج سوى لي حجاب يقول ان يحمي من التابعه والحمدلله حملت روحي له خيووو والله يوفقج ويحميج انشاءالله

مشكورة اختي العزيزة على ردش بس ما وضحتين شنو عطاش غير الحجاب

هلا اختي..

انه سئلت زوجي قالي مو دمستان .. شهركان

المهم ان ياخذ اسمج واسم امج ويسوي لج حجاب وتقولين له اول عن سالفتج ان من تحملين تتطرحين ويسوي لحجاب وتلبسينه على طول او تخليه تحت مخدتج وعلى الله انشاءالله يشافيج..

انه مثلج واخذت الحجاب والحمدلله حملت ..الله يوفقج

احد عنده فكرة عن الموضوع
بنات لاتبخلون بالرد

ما افهم بالسوالف هذي

بس سمعت عنها

عموما يمكن يعطيش ايات قرانية تقرينها ما ادري صراحة

لاآله الا الله

شيخ حسن الصائغ في ستره
حج علي الحاوي بعد في سترة
اثنينهم يعالجون بالقرآن

خيوتي اني بعد مثل حالتش مرتين ولدت مبكر في السادس ومايعيشون ومن احمل كلة احلام مزعجة قطط او شخص يحاول ياذي الا في بطني ويطيحة ولما افرب اسقط اشوف مرة لابسة اسود تتشمت بحالي الله يكفينا شرها وعرفت انها تابعة .. اني قبل ما احمل ثاني مرة رحت لشيخ الا ذكروه لش البنات شيخ علي الحاوي في سترة ونصحني اتابع عندة ااذا الله عطاني وحملت بس من نحاستي مارحت ليه وتكررت لي السالفة بس هلمرة ناوية اتابع وياه ولازم تروحين ليه قبل لاتحملين وهو يعالج بالقران يعني كلة يقرا عليش القران طول حملش كل شهر مرة او مرتين وناس واجد سمعت عنهم استفادو عليه والله تمم حملهم حاولي تروحين ليه وبالوفيق اختي

إلهِي ارْحَمْ ضَعْفِي وَقِلَّةَ حِيلَتِي، وَاكْشِفْ كُرْبَتِي، وَاسْتَجِبْ دَعْوَتِي، وَأَقِلْنِي عَثْرَتِي، وَامْنُنْ عَلَيَّ بِذلِكَ ، َأَغِثْنِي; فَإنَّكَ غِياثُ مَنْ لا غِيَاثَ لَهُ، وَحِرْزُ مَنْ لا حِرْزَ لَهُ، وَأَنَا الْمُضْطَرُّ الَّذِي أَوْجَبْتَ إجابَتَهُ، وَكَشْفَ ما بِهِ مِنَ السُّوءِ.
فَأَجِبْنِي، وَاكْشِفْ هَمِّي وَفَرِّجْ غَمِّي، وَأَعِدْ حالِي إلى أَحْسَنِ ما كانَتْ عَلَيْهِ وَلا تُجازِنِي بِالاسْتِحْقاقِ، وَلكِنْ بِرَحْمَتِكَ الَّتِي وَسِعَتْ كُلَّ شَيْء يا ذَا الْجَلالِ وَالإِكْرامِ، صَلِّ عَلَى مُحَمَّد وَآلِ مُحَمَّد، وَاسْمَعْ وَأَجِبْ يا عَزِيزُ.

الله يفرج لج حبيبتـــي ,, ويبعد عن الجميع السوء , ويعوض عليج

اشكركم على ردودكم جمال الزهرة وتربة قمر ودريم مون انان مي وانس الوجود
وظل الياسمين وكيوته حدي

اشكرمروركم الكريم وردودكم واتمنى من عندة فكره عن معالجة الاعشاب لهدة المشكلة يرد وجعلة الله في ميزان حسناتكم

اختي نفيس بصراحة ماعندي فكرة عن معالجة موضوع التابعة بالاعشاب بس انصحش تروحين عند شيخ لاتصيرين مثلي اول ماعرفت انه فيني تابعة وحملت تكاسلت عن هالموضوع وقمت اقرى في ماي واتمسح فيه واسوي اشياء على كيفي لما ندمت بعدين وفقدت حملي الافضل تروحين لشيخ لانة ذلين مختصين في هالشي ويعرفون احسن منا

مرحبا

كيوته حدي كنت بسألش عن الحجي مال شهركان الى الحين يسوي وعلاجه مضمون واكيد؟

لان سمعت انه مريض الحين ونظره ضعيف ادا عندش فكرة عن الموضوع ردي علي