حلم الديك الرومى

السلام عليكم


الحاله الدينيه : مواظبه على الصلاه وحاليا فى رمضان بحاول اجتهد بشده وربنا يقدرنى

الحاله الاجتماعيه: عزباء

المهنه : اعمل من المنزل شغل خاص

حالتك قبل النوم : كنت لسه مصليه الفجر وقريت قران وقعدت اذكر ربنا + مع الحلم ده حلمت احلام تانيه كتيره مالهاش اى علاقه بالحلم ده


كل عام وانتى طيبه اختى

فى الاول انا بصراحه معرفش الحلم ده رؤيا فعلا ولا مجرد حلم بس هو معلق معايا جداااااا وفاكره كويس جدااا

انا حلمت بيه النهارده بعد الفجر وكان الحلم كالاتى :

ان انا ووالدتى فى البيت وكانت والدتى لابسه ونازله وفجأه لقينا ديك رومى صغير ( فى حجم الفرخه الكبيره مثلا ) فى غرفة الصالون وبعدين انا قلت لوالدتى الحقى يا ماما فى ديك رومى اهو خديه بقى وحطيه فى الحمام الصغير نربيه هناك _ وروحت انا وضبت الحمام وفضيته علشان نحطه فيه وكان الحمام فيه روقاق كتير فى كياس المهم والدتى جابته وحطته فى الحمام ولقيت انه قضم حته صغيره من الرقاق ولقيته راح طالع تانى من الحمام كانه مش عايز يقعد فيه وروحت ناديت ماما تانى علشان تدخله علشان انا بخاف امسكه ودخلته تانى وهو بردوا بيحاول يطلع وانا جيت لمسته لقيت جسمه سخن جدااا وماكنش بيطلع صوت ولا اى حاجه بس الى فاكره انه كان بيطير طيران خفيف مش زى الحمام يعنى بس طيران ينط لحاجه عاليه مثلا.

بس وصحيت معلش انا هتعبك معايا