قصة ولادتي المفاجأة ونجاتي من الموت اللهم لك الحمد

السلام عليكم ورحمة الله وبركاته

اول شي رمضان كريم وكل عاام وانتو بألف خير وتقبل الله صيامكم وقيامكم:025:

رجعت لكم اليوم بعد غيبة بسيطة وبدون كرشة:063:
وحبيت اقولكم قصة ولادتي المفاجأة وان شاء الله محد يتخرع منها :092:

تاريخ ولادتي كانت 13-9-2010م بس انا كنت احس اني بولد قبل وفعلا هاي اللي صار ولدت نهاية الثامن بالاسبوع 35 ,,نبدأ بالقصة
تاريخ 10-8-2010م يوم الثلاثاء الفجر على الساعة 3 كنت منسدحة ودااايخة حدي ابي ارقد غفيت شوي :019:على الساعة 3 ونص حسيت بشي دااافي ينزل مني بطلت عيوني وانا منصدمة اول مرة ينزل علي شي جذي لان في بنتي نزل الماي شوووووووووووي يدوب حسيت فيه لكن هالمرة حسيت انه وايد تميت في مكاني من الخرعة وافكر شاسوي خذت جوالي واتصلت حق امي قلتلها نزل مني مااااي :confused: قالت لي يلا امشي المستشفى قمت من فراشي والا الماي يصب صب :|ماقدرت امشي ولا اسوي شي ابي اغير ثيابي مب قادرة اتحرك عقب جاتني الخدامة وعطتني ثيابي بدلت وانا ارتجف مادري ليش:091: لبست عبايتي وركبت السيارة وكنت احس بمغص نهاية بطني كل 5 دقايق تقريبا لين ماوصلت المستشفى دخلت على الدكتورة وقلت لها ان الماي نزل قالت لي انسدحي وجابت شي ماعرف شسمه نفس المقص ههههه عشان تجيك تحت قلتلها مابي يعورررر قالت لي لازم عشان اشوف الماي نزل ولا لا :084:يعني انا كذابة المهم طلت داخل هي والنيرس ماوعيت الا النيرس تصااااااااارخ وتقول حق الدكتورة شيلي شيلي تقصد المقص وانا جذي:worn_out: منصدمة حطيت يدها الدكتورة داخل قلت اكيد بتفحص كم سانتي اشوفها ماشلت يدها وتقولهم بطلو الباب بسرعة وتصارخ وانا متخرعة قلتلها شفيج تصارخين تقولي الحبل السري في يدي :-o ماقدر اطلع يدي يبنزل البيبي وعلى طول غرفة العمليات لان البيبي كان نازل بريوله وفي اقل من 5 دقايق كانو مجهزيني حق الولادة وانا ارتجف وخايفة اقولهم بتعطوني ابرة الظهر قالولي لا بنج كامل وهاي اخر كلمة قلتها وعقبها ماحسيت بنفسي الا وهم داعسين شي في حلجي يبون يقعدوني لاني طولت وماقمت وهم خافو ان مااقوم وان التنفس قل مادري شصار فيه وكانو يبشروني اني جبت ولد:02: وان مب محتاج للحضانة لاني ماخذة ابرة الرئه وانا طبعا قاعدة اصيح من الألم ولا ادري شسالفة لين ما عطوني ابرة حق الألم عقب كنت احاول اركز وكل شوي ارقد واقوم الظاهر من البنج لين ماصحصحت شوي وقلت لهم ابي امي :lol:
ومحد راضي يعطيني جواله ممنوع وانا جوالي مع امي :031: وعقب اتصلت لها من المستشفى وجاتني وجابو ولدي وتميت 24 ساعة في العناية المركزة واليوم الثاني من ولادتي قل التنفس عند ولدي وقلت نسبة السكر وصاده بوصفار ونزلوه الحضانة :'(وكانو شاكين انه فيه التهاب وبدو معاه المضاد الحيوي وانا ودوني غرفتي وحرارتي كل كم ساعة ترتفع:sick: والألم من صوب صج صج تعبت ماكنت اقدر اتحرك من مكاني وطلعت عقب العملية 4ايام مع اني ماخفيت ولحد الحين حرارتي ترتفع بس تمللت من المستشفى وطول والوقت تقريبا بروحي تدرون رمضان والكل صايم محد له خلق حد:(
رديت البيت بدون ولدي والحمدلله رب العالمين طلعت تحاليله كلها اوكي بس قالولي لازم نستمر على المضاد اسبوع واول امس خلص مضاده وطلعوه :D
وبسسسسسسسسسسس
خلصت القصة الطويلة هههههه

في النهاية مابي منكم غير دعوة طيبة في هالشهر الفضيل
ان الله يشفيني ويخلي لي زوجي وعيالي
والله يرزق كل محرومة ويقوم كل حامل بالسلامة
واسمحو لي على الاطالة :clock: