اللهم لك الحمد برجع لزوجي ( الملاك العابر)

اللسلام عليكم ورحمة الله وبركاته

شخباركم بنااات ؟؟ سوري يمكن مشاكلي في المنتدى لما أكتبها طيحت دموع بعض البنات اللي وربي مب هاين علي دموعهن والله الشاهد علي وأعتبرهن شرات أخواتي في الله


حبيباتي أكتبلكم هالمره وأنا مرررررره مستانسه اللهم لك الحمد

بخبركم شو صار معاي

أنا بعد ماقرأت كل ردودكم قعدت أفكر فيها وفي نفس الوقت كثرت من الاستغفار وقيام الليل وربي فرجها


أنا اتصلت على زوجي وكلمته وخبرته اني مستحيييييييييييل أخليه وقلتلها وشلون أخليك وروحي فيك واستسمحته على المده اللي مرت علي وأنا ساكته كنت خايفه لا أخسر الطرفين وماقفلت عنه الا لما حلفلي انه راضي علي وهذا أهم شي رضاه علي وإنه مب ماخذ أبدا في خاطره وقلتله حبيبي إن شاء الله بكره تحجز تذكره وتجي تاخذني أنا بجهز أغراضي

ولاتسألني كيف ومن هالأسئله وعقب قلتله ما قدر أطول بخليك الحين وبعدين بخبرك وهو يحليله من الفرحه قالي المهم انج بترديييييين ماريد أعرف كيف وقالي خلاص الحين بحجز قلتله ماينفع الحين باجر لأني بزهب روحي


وفعلا قفلت منه ودقيت على الحنايه تحنيني عقب صلاة التراويح تحنيت وتزهبت الحمدالله أخواني ماكانوا موجودين بتسألوني وينهم

رح أقولكم راحوا المطار اييبون أخوي اللي قلتلكم هو اللي كان مأيد اني أرجع لزوجي يعني واقف معاي

أنا كلمت أخوي المسافر وخبرته بالسالفه وأصر انه يجي
واتفق ويا أخواني انهم يجون له للمطار كلهم واتفقت أنا وأخوي الفتره اللي هم بيروحون له اني أزهب روحي وفعلا زهبت روحي


وآخرهم فديت روحه


المهم

وصلو أخوانب البيت الساعه 11 والحنايه مخلصه
دخل أخوي فديته وسلم علي وياه أخواني كلهم وأبوي وشوي شوي حريمهم

عقب ماجلسنا نسولف أبوي سالني ليش تحنيتي قالي لا عيد ونحن في رمضان لا أعراس ولا شي غريبه

سكت

واللي رد أخوي اللي جا من السفر

خبر السااااااالفه كلها من طاطأ للسلام عليكم لأبوي في البدايه عصب أبوي واااااايد وتضاااااااااااااايق وصارخ على أخواني بس في النهايه هدى أعصابه علشان أخوي المسافر يموون عليه وتوه جاي من السفر


عقب أخوي طلب من حريم أخواني يظهرون من الغرفه
وخبر أخواني بسالفة عمي عقب مكاحلفهم على القرآن إن السالفه تتم بينا


الردووود كانت أشكال وألوا على ويوووه أخواني

وفي الأخير عاتذروا وقالولي اني ظاسامحهم وأنا أختهم الوحيده وماعرف شو ومن هالكلام بس قلتلهم أنا مافي شي في خاطري عليكم

بس مره ثانيه متتصدقوا أي كلام ينقال

وقالولي اللي ضايق فيهم مب الكلام انه حسوا انهم مخدوووعين ومغشوشين هيك يعني

فديته أبوي يتأسفلي على سوالف أخواني وقال ليش ماقلتله
وزعل بس في النهايه رضى الله يطول بعمره



بنااااااااااااااااااات جد أنا مستااااااااااااااااااااانسه
وجد مشكووووووووووووووووووورين على وقفاتكم معااااااااايه بآرائكم



الحمدالله رب العالمين
الحمدالله رب العالمين

كله هذا فضل من الله سبحانه




أنا الحين أكتبلكم وكم سااااااااااعه رح أكوووووووووون عند زوجي الله يخليه ولايحرمني منه يااااااارب جعل يومي قبل يومه يعل عيني ماتبكيه آميييييييين




أحبكم في الله
والسموووووووووحه F: