تقلصات بالشهر السابع

ماتشوفين شر

حبيبتي هذا طبيعي أني بعد صادني جذي بس بالشهر الثامن كاني ولدت طبيعي الحمدلله
الله يسهل عليش

أنا صار عندي ألم في بطني نفس ألم الدورة من أول مادخلت السابع يعني تقريبا من 10 أيام

وأقل حركة أحس بالالام وحركة البيبي أحسها صايرة واجد تحت

أكثر شي يألمني أسفل البطن كااامل وخفت تكون أعراض لولادة مبكرة

بالرغم من ان الاكثرية قالوا ليي ان هذا الشي طبيعي ولا تخافيين

بس لاني مارة باجهاضين قبل فأقل شي يخوفني وأقعد أحاتي



فرحت أمس المستشفى وقلت ليهم وعلى طوول سوو حقي تخطيط حتى يتأكدون اذا عندي طلق أو لا

وطلع في عندي تقلصات !!

والدكتورة طلبت انها تفحص لي عنق الرحم عشان تتأكد اذا فاتح لو لا لان ممكن يكون عندي ولادة مبكرة بعيد الشر ولاني واجد من النوع اله يحاتي ويوسوس فتوكلت على الله وخليتها


فحصتني بس الحمدلله كان مسكر

بس للحين أنا أعاني من هالآلام وتجيني آلام في رجولي بعد وآلام بالظهر

والله يستررر خصوصا اني أحاتي واجد سالفة هالتقلصات!


انتي روحي تطمنتي أحسن

وربي يتمم حملنا على خييير يااارب ونولد في التاسع ان شاء الله بحق هالشهر الفضيل

والسموحة منش اختي طوولت عليش بردي

:)

انا بعد صادني يوم انا حامل بس ما خليت الدكتورة تفحصني

الله يطمنكم خواتي ويسهل امركم الحمد لله من البارحة لليوم مافيني الم يمكن ذاك اليوم كنت متعبة روحي عندنا تعزية بمكان بعيد والسياقة تعبتني ولاني قبل رمضان بيوم كنت مسوية مساج حوامل وشكيت منه


راح اجوف هاليومين وموعدي الخميس الجاي باجوفها شتقول

مراحب ام عبودي ,,,,
لا تخافين حبيبتي انا كنت نفس حالتك من الشهر السادس والدكتورة قالت عاادي والحين انا بنص التاسع وكل شي تمام لاتخافين كل حمل يختلف عن الي قبله ...

والتقلصات جتني بحملي الي قبل تكون ضغط شديد بالبطن من تحت يعني مثل لا تكونين مزنوقه واااااجد تبين الحمام تكرمين .....الله يتمم عليك وتولدين بوقتك..

تسلمين اختي هايدي طمنتيني وانا اقول بعد يمكن من التعب مع الياهال خصوصا بنتي صغيرة واضطر اشيلها

والله يسهل عليك هالاسابيع الاخيرة وتولدين بالسلامة

الله يسهل عليج خيتوا وتقومين بالسلامة.....أنا الحين باقي لي 4أيام وأدخل الثامن وتخيلي من السادس تجيني أوجاع غريبة ماجتني بحملي الاول الم بالبطن والرجل والظهر ويتحجر بطني للحين أقول الله يستر....خايفه تصير لي ولادة مبكرة وانا مارحت عند الدكتورة...الله يعين

الله يتمم لك ع خير يارب وينقلك لتمامه ولما تروحي الفحص الشهري شنو كانت تقول لك الدكتورة كلش شي طبيعي يعني؟

انا لان مابي يفحصوني من تحت اخاف يصير شي وموعدي الخميس الجاي وباسالها

روحي حبيبتي حق مراخة تعدل من وضعيته